E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Gjatë një seance që zgjati dy ditë në Kapitol, Pamela Bondi, e emëruara e Presidentit të zgjedhur Donald Trump për postin e Prokurores së Përgjithshme u zotua se do të ishte e paanshme, nëse konfirmohej nga Senati.
SHBA- Pamela Bondi, e emëruara e Presidentit të zgjedhur Donald Trump për postin e Prokurores së Përgjithshme, u përball për dy ditë me pyetjet e senatorëve amerikanë. Kronika në vijim e korrespondentes së Zërit të Amerikës Katherine Gypson sjell qëndrimet e analistëve dhe dëshmitarëve gjatë seancës së konfirmimit në Senat mbi karakterin dhe integritetin e saj për të shërbyer në një nga postet më të rëndësishme të Shteteve të Bashkuara.
Gjatë një seance që zgjati dy ditë në Kapitol, Pamela Bondi, e emëruara e Presidentit të zgjedhur Donald Trump për postin e Prokurores së Përgjithshme u zotua se do të ishte e paanshme, nëse konfirmohej nga Senati.
“Ndasitë partiake dhe shfrytëzimi i drejtësisë për qëllime politike do të marrin fund. Amerika do të ketë një shkallë drejtësie për të gjithë”, tha zonja Bondi.
Ajo ka shërbyer më parë si prokurore e përgjithshme e Floridas, si lobiste dhe ka qënë për një kohë të gjatë këshilltare e zotit Trump.
“Tetë vjet si prokurore e përgjithshme e shtetit të tretë më të madh në vend është një përgatitje e shkëlqyer për rolin e prokurorit të përgjithshëm të Shteteve të Bashkuara”, tha senatori republikan Chuck Grassley, kryetar i Komisionit të Senatit për Drejtësinë.
Senatorët demokratë janë të shqetësuar se ajo do të përndjekë kundërshtarët politikë të zotit Trump.
“Presidenti i zgjedhur Trump është zotuar jo vetëm të përdorë Departamentin e Drejtësisë për të avancuar interesat e tij politike, por dhe të kërkojë, siç ka thënë vetë ai, ndëshkimin e armikut nga brenda. Unë dua të di nëse ju do t'i thoni presidentit ‘jo’, nëse ju kërkohet të bëni diçka që është e gabuar, e paligjshme, apo antikushtetuese”, tha senatori i partisë demokratike Dick Durbin.
Zonja Bondi nuk përjashtoi hetimet ndaj kundërshtarëve të zotit Trump. Megjithatë, ajo siguroi senatorët se do të mbante qëndrim të paanashëm.
“Nuk do të punoja në një firmë avokatësh, apo si prokurore e përgjithshme (në Florida), nëse dikush do të më kërkonte të bëja diçka të padrejtë dhe unë të sillesha sikur e kam detyrim ta miratojë kërkesën”, tha e emëruara për postin e Prokurores së Përgjithshme, Pamela Bondi.
Një analiste i tha Zërit të Amerikës se zonja Bondi mund të vihet në pozitë të vështirë si prokurore e përgjithshme.
“Departamenti i Drejtësisë ka ruajtur historikisht një lloj pavarësie nga Shtëpia e Bardhë. Donald Trumpi nuk e vlerësonte këtë pavarësi. Ne e dimë këtë nga marrëdhënia që ai donte të kishte me ish Prokurorin e Përgjithshëm Barr dhe me të tjerët para tij; e dimë nga zhgënjimi që pati kur prokurorët e tij të përgjithshëm nuk e mbështetën”, thotë Claire Finkelstein nga Universiteti i Pensilvanisë.
Të enjten, gjatë seancës në Senat, dëshmitarët folën për karakterin e zonjës Bondi.
“Detyra e një prokurori është të ndjekë provat dhe ligjin pa frikë, apo favore. Pamela Bondi është prokurore me përvojë 20-vjeçare, që e kupton këtë. Edhe nëse ajo do të bënte diçka si prokurore e përgjithshme e Shteteve të Bashkuara me të cilën unë nuk jam dakord, unë besoj se ajo gjithmonë do të respektojë ligjin. Ka disa çështje të rëndësishme ku unë dhe ajo jemi plotësisht dakord, siç është nevoja për të ndaluar hyrjen e drogës fentanil që është bërë deri më tani vrasësi më i madh brenda epidemisë së vazhdueshme të opioideve”, tha Dave Aronberg, ish ligjvënës shtetëror në Florida.
Një dëshmitare tjetër ngriti shqetësimin se përvoja e zonjës Bondi si lobiste e korporatave mund të rezultonte në konflikt interesi.
“Lista e saj e klientëve është e mbushur me klientë të diskutueshëm, disa prej të cilëve do të përfitojnë drejtpërdrejt nga fakti që ish-lobistja e tyre do të vihet në krye të Departamentit të Drejtësisë. Gjatë pesë viteve të fundit, ajo përfaqësoi 30 klientë nga korporatat e mëdha dhe kontraktorët e deri te një qeveri e huaj. Gjatë kohës së saj si prokurore e përgjithshme e Floridës, një hulumtim i fundit i gazetës ‘New York Times’ gjeti prova që dukej se demonstronin prirjen e saj të përgjithshme për të ndihmuar aleatët dhe lobistët e korporatave”, tha Lisa Gilbert, Presidente e organizatës joqeveritare 'Public Citizen’.
Nëse konfirmohet nga Senati, zonja Bondi do të ishte gruaja e tretë që mban postin e Prokurores së Përgjithshme të Shteteve të Bashkuara./VOA
Biden SHBA- Presidenti Joe Biden njoftoi të premten vendimin për uljen e masës së dënimit për thuajse 2500 persona, të c...
Avioni i rrëzuar KORE- Pupla zogjsh u gjetën në dy motorët e Jeju Air Boeing që u rrëzua në fund t&e...
foto ilustruese IZRAEL- Kabineti i sigurisë i Izraelit e ka rekomanduar miratimin e një armëpushimi, i cili do t’i jepte fund ...
ish-kryeministri PAKISTAN- Një gjykatë në Pakistan e dënoi ish-kryeministrin e vendit, që tashmë gjendet në burg, Imran...
foto ilustruese UKRAINË- Svitlana Pokalchuk i dërgoi dy djemtë e saj adoleshentë jashtë vendit në mënyrë që t&...
Meteori i thërrmuar KANADA- Një video është publikuar së fundmi ku duket momenti kur një meteori bie në pragun e nj...
Foto ilustruese GJERMANI- Tre deri në katër milionë gjermanë jetojnë jashtë vendit kanë të drejtë të...
pamje ng shkaterrimi i raketes SHBA- Nisja e shtatë e raketës së Space X në hapësirë ka përfunduar me gjysmë...
Biden SHBA- Presidenti në largim i SHBA-ve, Joe Biden ka zhvilluar së fundmi një shëtitje në Shtëpinë e Bardh&...
Netanyahu IZRAEL- Kryeministri izraelit, Benjamin Netanyahu pasi miratoi armëpushimin dhe shkëmbimin e pengjeve dhe të burgosurve,...
