Deklarata e Millanoviç që gëzoi Serbinë e irritoi Kosovën, deputetja shqiptare në Kroaci: Presim që presidenti të kërkojë falje

31 Janar 2023, 11:44 Nga I.A

Ermina Lekaj-Prljaskaj

KROACI- Deputetja shqiptare në Parlamentin kroat, Ermina Lekaj-Prljaskaj, i është drejtuar Zyrës së Presidentit në Kroaci, Zoran Millanoviç, me kërkesën që i njëjti të distancohet nga deklarata e tij për Kosovën dhe të kërkojë falje publike. Presidenti i Kroacisë ka bërë një koment lidhur me Kosovën, duke tërhequr një lloj paralele mes Krimesë së aneksuar nga Rusia dhe Kosovës që sipas tij është “marrë” nga Serbia.

Por, Lekaj-Prljaskaj në një intervistë në emisionin “Përballje” tha se Millanoviç duhet të kërkojë falje dhe se është në pritje që ai ta bëjë një gjë të tillë edhe pse duke njohur karakterin e tij vështirë se ai do ta bëjë këtë publikisht. Në këtë intervistë me kryeredaktorin Muhamet Hajrullahu, deputetja shqiptare theksoi se nuk është hera e parë që presidenti kroat bën të tilla deklarata kontroverse në publik.

“Presidenti kroat kohëve të fundit ka deklarata të tilla kontroverse. Kjo edhe neve dje na befasoi, por duke e njohur karakterin e tij edhe nuk na befasoi shumë. Jam munduar që të mos jem në nivelin e tij, por të ia shpjegoj se Kosova është shtet i pavarur njëjtë si shteti kroat sepse i kishte takuar ish-Jugosllavisë. Presidenti ende nuk ka dalë me ndonjë deklaratë për të kërkuar falje që është karakteristikë për të jo vetëm për këtë deklaratë, por edhe për shumë të tjera. Kam kërkuar nga zyra e tij që të dalë me një deklaratë publikisht dhe jemi në pritje. Nesër gjatë ditës do t’i drejtohem në Parlament dhe do të dalë me një deklaratë e do të kem edhe mbështetjen e kolegëve të mi deputetë që nuk e pëlqejnë këtë gjë që tha presidenti,” tha Lekaj-Prljaskaj.

Duke komentuar deklaratat që kanë bërë bujë më shumë në Serbi, Lekaj-Prljaskaj tutje tha se është një gëzim i shkurtër për Serbinë.

“Kjo deklaratë është gëzim i shkurtër për Serbinë duke e parë që politika e Kroacisë është mbështetëse ndaj Kosovës. Mendoj se deklarata e kryeministrit (Pllenkoviq) e ka një peshë edhe më të madhe sesa ajo e presidentit. Po ashtu deklarata e deputetëve kroatë tregon se me të vërtetë Kosova ka mbështetje të fortë nga miqtë e saj nga Kroacia. Presidenti ynë nuk është kontrovers vetëm ndaj Kosovës por edhe ndaj shumë rasteve politike. Nuk dua të flas shumë për profilin e tij”, ka potencuar ajo.

Sipas saj, kjo çështje nuk do t’i bëjë dëm të madh marrëdhënieve të Kosovës e Kroacisë sepse kryeministri kroat, Andrej Plenkoviq, menjëherë është distancuar duke rikonfirmuar mbështetjen e fuqishme të Kroacisë për Kosovën.

“Përplasjet mes kryeministrit dhe presidentit nuk janë as të parat e as të fundit dhe presidenti nuk është vendimmarrës, por është kryeministri. Plenkoviq dje ka dal me një deklaratë ku thotë që Kosovën e pranon si shtet të pavarur dhe ka mbështetjen e fuqishme të shtetit kroat e kjo nuk i ndryshon raportet mes Kroacisë dhe Kosovës. Tash kemi mbetur duke pritur se si do të reagojë presidenti edhe pse duke e njohur karakterin e tij, nuk presim diçka pozitive. Megjithatë, do të kërkojmë që të minimizohet kjo deklaratë e tij”, përfundoi ajo.

ermina lekaj-prljaskaj zoran millanoviç

Në përputhje me standarded JTI

Bota 31 Janar 2023, 11:39 I.A

Gazetari afgan: Çdo media në Afganistan e ka një përfaqësues taliban që e kontrollon

Ahmad Shaker KOSOVË- Gazetari afgan i strehuar në Kosovë, Ahmad Shaker, tha se Afganistanin e kanë lënë në gjendje t&eum...

Bota 31 Janar 2023, 11:32 I.A

Sherr mes dy grupeve rivale në Itali, vritet me plumb në kokë 18-vjeçari

Thomas Briça ITALI- Një 18-vjeçar është vrarë pasi u godit me një plumb në kokë në Itali. Italy24 shk...

Bota 31 Janar 2023, 11:24 I.A

Zhduken tre persona në Kosovë, nuk dihet asgjë për fatin e tyre

Kosove KOSOVË- Tre persona të gjinisë mashkullore janë zhdukur në Kosovë. Gazeta Express shkruan se të treja rastet jan&...

Bota 31 Janar 2023, 10:58 I.A

Osmani për takimin e ambasadës për Asociacionin: Gjithçka që ka të bëjë me Amerikën është e mirë

Vjosa Osmani KOSOVË- Presidentja e Kosovës, Vjosa Osmani, ka deklaruar para takimit që pritet të mbahet në Ambasadën amerikan...

Bota 31 Janar 2023, 10:52 f.g

Franca në ditën e dytë të grevës, mbi 1 mln qytetarë kundërshtojnë rritjen e moshës së pensionit

Foto ilustruese FRANCE- Një grevë mbarëkombëtare është duke u zhvilluar në Francë në një valë t...

Bota 31 Janar 2023, 10:53 I.A

Kurti nuk komenton diskutimin për Asociacionin: Kabineti im po merr pjesë

Albin Kurti KOOSVË- Kryeministri i Kosovës, Albin Kurti, nuk ka dashur të komentojë takimin e thirrur nga Ambasada Amerikane në Ko...

Bota 31 Janar 2023, 10:44 I.A

Raporti i 'Transparency Internatonal', Boiken Abazi: Kosova ka pwrmirësim të ndjeshëm, është shembull për rajonin

Boiken Abazi TIRANË- Ish-kandidati për deputet Boiken Abazi ka komentuar arritjet e Kosovës sipas raportit të 'Transparency Intern...

Bota 31 Janar 2023, 10:35 I.A

Publikoi intervistat e tij në audio, Trump ngre padi ndaj gazetarit Bob Woodward

Donald Trump SHBA- Ish-presidenti amerikan Donald Trump ka ngritur një padi kundër gazetarit të mirënjohur Bob Woodward&...

Bota 31 Janar 2023, 10:22 I.A

Çfarë është rregulli "Chatham House" në bazë të cilit do të diskutohet sot për Asociacionin?

Ambasada amerikane KOSOVË- Në Ambasadën Amerikane ka nisur takimi i ku do të diskutohet për Asociacionin e komunave serbe. Takimi ...

Bota 31 Janar 2023, 10:11 I.A

Ukraina i përgjigjet Presidentit kroat: Deklaratat tuaja janë të papranueshme, hodhët dyshime mbi integritetin tonë territorial

Oleg Nikolenko UKRAINË- Ministria e Jashtme e Ukrainës kritikoi të martën presidentin kroat Zoran Milanoviç se tha se Krimea nuk...

MË SHUMË