6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Paraprakisht mediat në Beograd kanë njoftuar se Vuçiç në mbledhjen e sotme të Partisë Progresive serbe ka thënë se është i gatshëm të shkojë në zgjedhje të parakohshme si kandidat për kryeministër dhe se “nuk do t'i dorëzohet shantazheve të Perëndimit, Partisë Socialiste të Serbisë (të Ivica Daçiç) dhe djathtistëve të rrejshëm”.
SERBI- Presidenti i Serbisë, Aleksandar Vuçiç, tha se ka pasur një “bisedë të hapur dhe miqësore” me të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak. Kështu shkroi ai në rrjetin social Instagram, pas takimit që pati më 6 shkurt në Beograd me emisarin evropian.
"Një bisedë e hapur dhe miqësore me Miroslav Lajcak. Kur them e hapur, me të vërtetë e mendoj këtë", tha ai.
Para takimit, Vuçiç postoi një video-mesazh në Instagram, në të cilin tha se do të “vazhdojë të mbrojë Serbinë” dhe se Perëndimi “mund të ëndërrojë për njohjen reciproke” të Beogradit ndaj Prishtinës.
Paraprakisht mediat në Beograd kanë njoftuar se Vuçiç në mbledhjen e sotme të Partisë Progresive serbe ka thënë se është i gatshëm të shkojë në zgjedhje të parakohshme si kandidat për kryeministër dhe se “nuk do t'i dorëzohet shantazheve të Perëndimit, Partisë Socialiste të Serbisë (të Ivica Daçiç) dhe djathtistëve të rrejshëm”.
Lajçak shkoi në Beograd, pasi takoi në Prishtinë Kryeministrin e Kosovës, Albin Kurti, me të cilin tha se ka diskutuar "gjithçka" që lidhet me dialogun, por se diskutimi ka qenë i përqendruar te propozimi evropian.
Kurti tha pas takimit se e pranon propozimin e BE-së për normalizimin e marrëdhënieve ndërmjet Kosovës dhe Serbisë, "duke e konsideruar atë një bazë të mirë për diskutime të mëtejshme dhe një platformë solide për të ecur përpara”.
Propozimi i BE-së për normalizimin e marrëdhënieve Kosovë-Serbi u është dorëzuar dy vendeve në fund të verës së vitit të kaluar, por përmbajtja e tij nuk është bërë publike.
Ky propozim, në të cilin ka pasur qasje REL-i, parasheh të drejta të barabarta për Kosovën dhe Serbinë, respektim të integritetit territorial, paprekshmëri të kufijve, njohje të simboleve shtetërore dhe një aranzhim të veçantë për komunitetin serb në Kosovë.
Në dokument nuk përmendet njohja e ndërsjellë ndërmjet Kosovës dhe Serbisë apo anëtarësimi i Kosovës në Organizatën e Kombeve të Bashkuara - për të cilat gjëra insistojnë publikisht zyrtarët kosovarë - por theksohet mbështetja që palët duhet t’i japin njëra-tjetrës në procesin e integrimeve evropiane. Propozimi i Bashkimit Evropian, që më herët njihej si plani franko-gjerman, ka marrë mbështetjen edhe të Shteteve të Bashkuara të Amerikës.
Javën e kaluar, gjatë seancës në Kuvendin e Serbisë ku u diskutua për Kosovë, Presidenti i Serbisë përsëriti atë që i thanë diplomatët evropianë dhe amerikanë gjatë takimit në Beograd më 20 janar, se do të ketë pasoja nëse Serbia nuk e pranon planin evropian për Kosovën.
Kosova dhe Serbia zhvillojnë dialog nën ndërmjetësimin e BE-së – që ka mbështetjen edhe të SHBA-së – që nga viti 2011. Procesi synon të normalizojë raportet mes shteteve. Por, Kosova dhe Serbia kanë pikëpamje të ndryshme sa i përket përfundimit të procesit. Përderisa Prishtina kërkon që një marrëveshje finale të përfshijë njohjen e ndërsjellë, Beogradi insiston në një zgjidhje kompromisi, pa specifikuar se për çfarë kompromisi bëhet fjalë.
Marrë nga REL
Hailie Jade Mathers dhe Evan McClintock SHBA- Hailie Jade Mathers është fejuar me Evan McClintock. Vajza 27-vjeçare e yllit 50-vjeç...
Pamje nga ngjarja SIRI- Një grua nën rrënojat e tërmetit në Siri ka arritur të sjellë në jetë foshnjen e saj p...
Kim Jong Un KOREJA E VERIUT- Kim Jong Un nuk është parë në publik për 35 ditë përpara një parade masive në...
Ilir meta TIRANË- Kryetari i Partisë së Lirisë, Ilir Meta ka shpwrndarw shkrimin e CNN për çështjen e Charles McGoniga...
Termeti SIRI- Tërmeti më i fuqishëm që goditi Turqinë dhe Sirinë në gati një shekull vrau mbi 2,300 njerëz t&e...
Foto nga termeti TURQI- Ishte ora 04:17 me orën lokale kur Erdemi, i fjetur në shtëpinë e tij në Gaziantep, në jug të Tu...
Rafael Grossi RUSI- Kremlini tha më 6 shkurt se shefi i Agjencisë Ndërkombëtare për Energji Bërthamore, Rafael Grossi, nuk do...
termeti TURQI- Numri i të vdekurve nga tërmeti i fuqishëm në Turqinë juglindore, afër kufirit të Sirisë, mund t&eum...
Vjosa Osmani KOSOVË- Presidentja Vjosa Osmani ka autorizuar dërgimin e Forcës së Sigurisë së Kosovës për ndihmë...
Qeni duke lehur TURQI- Kafshët ndjejnë gjithçka! Me këtë fjali jemi shoqëruar kudo në raste fatkeqësie, por ...
