"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Por çfarë është 'Ndrangheta, nga vjen ajo, sa të suksesshme ishin bastisjet dhe cili është roli i Gjermanisë?
Këtë të mërkurë, një nga operacionet më të mëdha policore në të gjithë Evropën u zhvillua kundër mafies kalabreze 'Ndrangheta. Por çfarë është 'Ndrangheta, nga vjen ajo, sa të suksesshme ishin bastisjet dhe cili është roli i Gjermanisë?
1. Kush u bastis?
Kontrolli i Policisë të mërkurën e 3 majit në të gjithë Evropën – në Itali, Gjermani, Francë dhe shumë vende të tjera të Bashkimit Evropian (BE) – kishte në shënjestër kryesisht organizatën mafioze kalabreze “Ndrangheta” dhe mbështetësit e saj. U sekuestruan pasuri që kushtonin miliona. Operacioni ndërkufitar “Eureka” është një nga aksionet më të mëdha ndërkombëtare kundër mafies deri më sot.
Hetimet u kryen për më shumë se katër vjet.
2. Cili është ndikimi i 'Ndrangheta'?
'Ndrangheta konsiderohet organizata më e fuqishme mafioze në Evropë. Vlerësohet se “xhiroja vjetore” e saj është më shumë se 50 miliardë euro, e cila ka eklipsuar prej kohësh "Cosa Nostra-n", siçiliane. Ndrangheta fiton shumicën e të ardhurave të saj nga trafiku i drogës, shantazhimi i biznesmenëve, si dhe pastrimi i parave. Por ajo pasurohet edhe përmes prostitucionit, trafikimit të qenieve njerëzore, menaxhimi i plehrave dhe lojërave të paligjshme të fatit. 'Ndrangheta është e organizuar në rreth 160 klane, secila prej të cilave kontrollon një territor të caktuar. Klanet, nga ana tjetër, ndahen në qeliza lokale me 40 deri në 50 anëtarë. Një nga bizneset më fitimprurëse për momentin është kontrabanda e kokainës nga Amerika e Jugut në Evropë, nga ku droga mesa duket dërgohet në vende të tjera të botës. Policia italiane vlerëson se 'Ndrangheta kontrollon midis 60 dhe 80 për qind të tregut evropian të kokainës.
3. Nga vjen 'Ndrangheta?
'Ndrangheta vjen nga fshati malor kalabrez i San Luca, prej nga vijnë shumica e të dyshuarve në këtë bastisje. Qyteti, i cili ka 3400 banorë, konsiderohet si “qendra shpirtërore” e organizatës mafioze. Nuk ka një udhëheqje të centralizuar 'Ndrangheta, dhe klanet familjare nuk janë të lidhura ngushtë. Në vitin 2014, hetuesit italianë arritën për herë të parë të filmonin një ritual pritjeje të fshehtë bazuar në strukturat fetare. Pjesëmarrësit përsërisin formula rituale dhe betohen për besnikëri dhe një zotim heshtjeje tipike për mafian - omerta. 'Ndrangheta e përshkruan veten si "Santa societa" (shoqëria e shenjtë).
4. Çfarë roli luan Gjermania?
Gjermania ka qenë një strehë e rëndësishme për 'Ndrangheta' për dekada. Në të kaluarën, presioni mbi krimin e organizuar në Gjermani ishte më i vogël se në atdheun mafioz të Italisë. Policia vlerëson se ka rreth 300 deri në 400 anëtarë të Ndrangheta në Gjermani. Urdhër-arrestet janë lëshuar për më shumë se 30 anëtarë të dyshuar gjatë bastisjeve - dhe ka raporte për më shumë se 130 arrestime në të gjithë Evropën.
Megjithatë, Gjermania është gjithashtu një treg i rëndësishëm për krimin e organizuar. Biznesi në Gjermani kontrollohet nga Kalabria, por hetuesit gjermanë dyshojnë se 'Ndrangheta ka organin e vet të kontrollit në Gjermani, Crimine di Germania, i cili ndërmjetëson mosmarrëveshjet midis klaneve familjare. Me sa duket nuk ka asnjë institucion të krahasueshëm në vendet e tjera të BE-së.
Punët dhe lufta për pushtet e 'Ndrangheta' zakonisht zhvillohen në fshehtësi. Por në vitin 2007, një grindje familjare në Gjermani bëri bujë në mbarë botën kur 6 burra u vranë jashtë një piceri në Duisburg. Të dy viktimat dhe autorët janë nga San Luca. Giovanni Strandjo, organizatori dhe autori i vrasjes mafioze, u dënua me burgim të përjetshëm 4 vite më vonë.
5. Sa të suksesshme janë hetimet?
2 vjet më parë, hetimet e suksesshme në Itali dhe vende të tjera evropiane çuan në një gjyq të madh mafioz në Lamecia Terme të Kalabrisë. Është gjyqi më i madh kundër mafies që nga “maxi gjyqi” kundër Cosa Nostra-s siciliane në mesin e viteve 1980. Në “gjyqin e shekullit”, gjatë të cilit u dëgjuan më shumë se 900 dëshmitarë, u akuzuan mbi 400 persona.
6. Si vepron gjyqësori në Gjermani me mafian?
Vitet e fundit presioni ndaj krimit të organizuar është rritur edhe në Gjermani. Megjithatë, njerëzit që ndjekin situatën, si gazetari David Schraffen, i cili shkroi një bestseller për mafian në Gjermani në 2017, kritikojnë procedurat e gjata dhe dënimet relativisht të lehta: Dënimet që kërcënohen në Gjermani janë qesharake të ulëta dhe nuk janë një mjet frikësimi.
Mirëpo, së fundmi është shqiptuar një aktgjykim i jashtëzakonshëm, i cili ka qenë ligjërisht i detyrueshëm që nga shkurti i këtij viti. Për herë të parë në historinë e Republikës Federale të Gjermanisë, një i akuzuar për mbështetje të 'Ndranghetës në Gjermani u dënua me tre vjet e gjysmë burg. Procedura u mundësua nga reformimi i nenit 129 të Kodit Penal nga viti 2017. Që atëherë, shteti në Gjermani e ka pasur më të lehtë të ndjekë penalisht personat e angazhuar në një organizatë të huaj kriminale.
Një tjetër gjyq i Ndrangheta është duke u zhvilluar aktualisht në Dusseldorf: 14 burra të cilët gjithashtu supozohet se janë anëtarë të mafies kalabreze janë në gjyq.
Foto ilustruese GREQI- Një 15-vjeçar është arrestuar nga autoritetet në Greqi pasi ka ekspozuar në publik trupat e zhveshur...
Antonio Guetteres SUDAN- Sekretari i Përgjithshëm i OKB-së, Antonio Guterres bëri thirrje të mërkurën për dh&...
Mao Ning KINË- Zëdhënësja e Ministrisë së Jashtme kineze, Mao Ning në një konferencë të mbajtur sot p&eu...
Fang Bin KINË- Fang Bin, një shitës me pakicë i kthyer në gazetar që dokumentoi shpërthimin e hershëm të Covid...
Josep Borrell SHBA- Diplomati i BE-së Josep Borrell i ka bërë thirrje Moskës që të mos përdorë sulmin e supozuar n...
John Kirby SHBA- Shtetet e Bashkuara të Amerikës kanë mohuar akuzat e Rusisë për përfshirjen në sulmin me dron n&e...
Peter Stano KOSOVË- Zëdhënësi i Bashkimit Evropian, Peter Stano, deklaron se shkarkimi i ekipit menaxhues ës...
Policia në Pakistan PAKISTAN- Të paktën shtatë mësues janë vrarë pas në sulmi me armë zjarri në nj&...
SHBA SHBA- Zyrtarë ukrainas njoftuan se Rusia goditi me raketa dhe dronë Kievin dhe Odesan në orët e para të mëngjesit të...
Ambulanca në Gjermani GJERMANI- Dy punëtorë humbën jetën dhe disa të tjerë mbetën të plagosur pas përpla...
