Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Qindra protestues, me maska kundra-gaz, vërshuan rrugëve të Tblisit pasi parlamenti i Gjeorgjisë miratoi projektligjin mbi "ndikimin e huaj".
GJEORGJI- Dhjetëra mijëra njerëz protestuan në rrugët e kryeqytetit gjeorgjian, Tbilisi, kundër vendimit të parlamentit për të miratuar projektligjin mbi agjentët e huaj, që kritikët e quajnë një ligj të stilit rus. Partia në pushtet e miratoi atë pavarësisht paralajmërimeve nga Uashingtoni dhe Brukseli se një veprim i tillë, mund të kërcënojë partneritetin e Gjeorgjisë me Perëndimin. Korrespondetja e Shërbimit Gjeorgjian të Zërit të Amerikës Ani Chkhikvadze, sjell më shumë detaje nga Tbilisi.
Qindra protestues, me maska kundra-gaz, vërshuan rrugëve të Tblisit pasi parlamenti i Gjeorgjisë miratoi projektligjin mbi "ndikimin e huaj".
“Ne do të luftojmë për të ardhmen tonë. Ky ligj është realisht një ligj pro-rus dhe pengon rrugën tonë drejt Evropës. Ne do të luftojmë deri në fund”, thotë protestuesi Levan Todria.
Projektligji kërkon që çdo grup që merr më shumë se 20% të financime nga jashtë, të regjistrohet si agjent i huaj.
Qeveria thotë se kjo është e nevojshme për të parandaluar ndërhyrjen e huaj, por kritikët e quajnë atë një kërcënim të stilit rus, për të mbytur fjalën e lirë. Uashingtoni dhe Brukseli thonë se veprimi kërcënon marrëdhëniet e Tblisit me Perëndimin.
Për më shumë se një muaj, protestuesit gjeorgjianë kanë dalë në rrugë, duke zhvilluar mitingjet më të mëdha që vendi prej 3.7 milionë banorësh ka parë që nga koha kur fitoi pavarësinë nga Bashkimi Sovjetik, në vitin 1991. Protestuesit e shohin lëvizjen e qeverisë si anim drejt Rusisë.
“Nëse bëhet përpara me miratimin e projektligjit pa u sjellë në përputhje me normat e BE-së dhe nëse kjo lloj retorike denigruese kundër SHBA-së dhe partnerëve të tjerë vazhdon, mendoj se marrëdhënia është në rrezik”, tha Jim O’Brien, Ndihmës Sekretari amerikan i Shtetit për Çështjet Evropiane dhe Euroaziatike, ndërsa ndodhej në Tbilisi për takime me autoritetet gjeorgjiane.
Forcat e sigurisë gjeorgjiane kanë arrestuar me dhjetëra protestues gjatë ditëve të fundit.
"Qëllimi dhe objektivi është vetëm një - ne nuk duam të kthehemi tek Bashkimi Sovjetik. Ndaj të gjithë, pavarësisht nëse janë studentë apo të moshuar, jemi këtu, sepse po luftojmë për një qëllim, kundër kësaj qeverie pro-ruse”, thotë protestuesi Sandro Shotadze.
Me kalimin e viteve Tbilisi ka ruajtur një qasje të paqartë strategjike sa i takon politikës së jashtme. Në njërën anë ka punuar me Perëndimin për të qetësuar popullatën, që në pjesën dërrmuese është pro-evropiane, e në të njëjtën kohë ka mbajtur marrëdhënie të ngrohta me Moskën.
Projektligji do të shkojë tashmë për miratim tek Presidentja e vendit Salome Zourabichvili e cila është zotuar të vendosë veton ndaj tij. Gjatë një interviste me shërbimin rus të Zërit të Amerikës ajo tha ligji paraqet rrezik për vendin dhe minon rrugëtimin evropian të tij.
“Ne po humbasim kohë duke kopjuar disa ligje ruse që publiku këtu e di shumë mirë se si u përdorën në Rusi. Ato janë përdor për të kufizuar kapacitetin e shoqërisë civile për të mbrojtur të drejtat e njeriut, për të mbrojtur të drejtat politike dhe u përdor gjithashtu kundër medias së lirë. Ndaj unë do të vendos ndaj këtij projektligji”, tha ajo.
Por megjithatë qëndrimin kundër të presidentes, partia në pushtet Ëndrra Gjeorgjiane ka një shumicë të mjaftueshme për ta rrëzuar veton duke mundësuar futjen në fuqi të projektligjit. Zonja Zourabichvili ka 14 ditë afat për të vepruar mbi këtë çështje./VOA
foto ilustruese NIGERI- Një grup i të drejtave në Nigeri ka nisur një peticion për të ndaluar planet e liderëv...
foto ilustruese MALI I ZI- Në qytetin bregdetar të Kotorrit, në Malin e Zi është duke u mbajtur takimi dyditor i Udhëheqë...
foto ilustruese LETONI- Shërbimet letoneze të sigurisë kanë bërë dy arrestime të personave të dyshuar p&e...
foto ilustruese DANIMARKË- Ministri i Jashtëm danez Lars Løkke Rasmussen njoftoi sot një paketë të re të ndihmës ...
foto ilustruese KOSOVË- Gjermania, Italia dhe Franca i janë përgjigjur letrës së dërguar nga Qeveria e Kosovës drejtuar ...
foto ilustruese JEMEN- Të gjitha anijet e destinuara për portet izraelite do të jenë në shënjestër të Houthis ...
Hrvoje Zekanoviç KROACI- Një ditë pas plagosjes së kryeministrit sllovak Robert Fico, parlamenti kroat u konstituua dhe u mbajt seanc...
Mahmoud Abbas PALESTINË- Qeveria palestineze nuk ka marrë mbështetjen financiare që priste nga partnerët ndërkombëtar&eu...
Donald Tusk POLONI- Kryeministri polak Donald Tusk tha sot se kishte marrë kërcënime pas atentatit ndaj homologut t&eum...
foto ilustruese BRUKSEL- Komisioni Europian ka nisur një hetim të thelluar ndaj Metës për shkeljen e mundshme të rregullave të...
