LIVE UPDATES
Bota

Sulmi në Ohër, Bullgaria thërret ambasadoren e Maqedonisë së Veriut

Ambasadorja do të thirret të premten pasdite, thanë për BTA nga zyra e shtypit e ministrisë.

20 Janar 2023, 20:00 Nga A.B
Sulmi në Ohër, Bullgaria thërret ambasadoren e Maqedonisë
Ministria

BULLGARI- Ambasadorja e Republikës së Maqedonisë së Veriut në Bullgari do të thirret në Ministrinë e Punëve të Jashtme dhe do t’i dorëzohet notë proteste në lidhje me veprën e rëndë penale të kryer ndaj një shtetasi të Republikës së Maqedonisë së Veriut me identitet bullgar dhe sekretar i organizatës “Car Boris III” në Ohër, thuhet në njoftimin në ueb faqen e MPJ-së.

Ambasadorja do të thirret të premten pasdite, thanë për BTA nga zyra e shtypit e ministrisë.

Më 19 janar shtetasi është sulmuar dhe ka pësuar lëndime të rënda trupore. Ai u shtrua në një spital, thuhet në njoftimin e Ministrisë së Jashtme.

Ministri në detyrë i Punëve të Jashtme i Bullgarisë, Nikolai Milkov, ka zhvilluar një bisedë telefonike me homologun e tij nga Republika e Maqedonisë së Veriut, Bujar Osmani, nga i cili ka marrë garanci se autoritetet vendore do të ofrojnë ndihmën e nevojshme. Shefi i përkohshëm i Konsullatës së Përgjithshme të Bullgarisë në Manastir dhe një ekip nga Ambasada Bullgare në Shkup janë në kontakt me shtetasin e lënduar dhe janë dërguar në Ohër.

Për muaj të tërë, Bullgaria ka shprehur fuqishëm pritshmërinë e saj që autoritetet në Maqedoninë e Veriut do të marrin masa të menjëhershme dhe efektive kundër përshkallëzimit serioz të krimeve të urrejtjes kundër bullgarëve në atë vend. Bullgaria nuk ka marrë ende asnjë informacion zyrtar mbi hetimin dhe administrimin e drejtësisë në lidhje me sulmet e fundit, përfshirë përdorimin e armëve të zjarrit kundër organizatës “Car Boris III” në fund të vitit 2022, thuhet në njoftimin e Ministrisë së Jashtme.

Bullgaria pret që autoritetet kompetente në Republikën e Maqedonisë së Veriut të ndërmarrin veprime të menjëhershme për të identifikuar, ndjekur penalisht dhe ndëshkuar autorët e krimit, duke marrë parasysh seriozitetin e aktit.

sulmi ne oher bullgari

Sondazh

Poll