Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Presidenti Putin la të nënkuptohej se Moska do të ishte e gatshme të shkëmbente Gershkoviçin me një vrasës rus të burgosur në Gjermani.
RUSI- Në një intervistë më shumë se dy orëshe, të regjistruar paraprakisht me presidentin rus Vladimir Putin, që u publikua të enjten, ish-prezantuesi i kanalit Fox News, Tucker Carlson, e pyeti udhëheqësin rus për luftën në Ukrainë dhe gazetarin e burgosur amerikan Evan Gershkovich.
Që nga paralajmërimi i intervistës këtë javë, zoti Carlson është përballur me kritika nga kolegët e tij gazetarë, të cilët thonë se në kushtet e mungesës së lirisë së shtypit në Rusi, ai mund të ndihmojë në promovimin e propagandës ruse.
Në fillim të intervistës, gazetari Carlson duket se e pranon variantin e shtrembëruar historik që presidenti Putin paraqiti për të justifikuar agresionin rus në Ukrainë në vitin 2022, duke e quajtur atë "këndvështrim të sinqertë" të udhëheqësit rus.
Por gazetari Carlson iu kundërvu pretendimeve të presidentit Putin se Evan Gershkovich, gazetar amerikan i‘Wall Street Journal’, është spiun dhe e pyeti nëse Rusia do ta lironte gazetarin të kthehej në Shtetet e Bashkuara.
“Nuk ka asnjë tabu për ta zgjidhur këtë çështje", tha presidenti Putin në intervistë. "Ne jemi të gatshëm ta zgjidhim atë, por ka kushte të caktuara që po diskutohen nëpërmjet kanaleve të shërbimeve të posaçme. Unë besoj se një marrëveshje mund të arrihet".
Në Rusi, agjencive të zbulimit shpesh u referohen jozyrtarisht si “shërbime të posaçme”.
Gazetari Gershkovich i ka mohuar akuzat
Deklaratat e presidentit Putin janë komentet e tij më të gjera publike për zotin Gershkovich, që kur gazetari i ‘Wall Street Journal’ u burgos në mars të vitit 2023 nën akuzat për spiunazh, që shihen gjerësisht si të pambështetura dhe të motivuara politikisht.
Gazetari Gershkovich, kompania e tij dhe qeveria amerikane i mohojnë me forcë akuzat kundër tij. Departamenti Amerikan i Shtetit gjithashtu e ka shpallur zotin Gershkovich të arrestuar në mënyrë të paligjshme.
Presidenti Putin la të nënkuptohej se Moska do të ishte e gatshme të shkëmbente Gershkoviçin me një vrasës rus të burgosur në Gjermani.
Vrasësi në fjalë është Vadim Krasikov. Në vitin 2021 një gjykatë gjermane e shpalli fajtor Krasikovin fajtor për vrasjen e një ish udhëheqësi kryengritës çeçen në Berlin në vitin 2019. Gjykata tha se autoritetet ruse urdhëruan vrasjen dhe e dënoi Krasikovin me burgim të përjetshëm.
“Nisur nga ndjenjat patriotike, ai eliminoi një bandit në një nga kryeqytetet evropiane”, tha presidenti Putin.
‘Wall Street Journal’ka raportuar më parë se Moska dëshironte që Krasikovi të lirohej në një shkëmbim të burgosurish, ndoshta me zotin Gershkovich.
Nuk ka prova për akuzat për spiunazh
Pavarësisht se po e mban në burg zotin Gershkovich për gati një vit nën akuzat për spiunazh, Moska deri më tani nuk ka arritur të ofrojë publikisht asnjë provë për të mbështetur pretendimet e saj. Në intervistë, presidenti Putin këmbënguli në pretendimet për spiunazh, por nuk dha asnjë provë.
Gazetari Carlson i kundërshtoi pretendimet për spiunazh, duke thënë në një moment gjatë intervistës se “djaloshi qartazi nuk është spiun".
Ish prezantuesi i kanalit Fox News e pyeti gjithashtu presidentin rus nëse ai do ta lironte zotin Gershkovich "si një shenjë të vullnetit të mirë”. Presidenti Putin u përgjigj duke thënë se Rusisë i kanë mbaruar "gjestet e tilla”.
Në intervistë nuk u përmend gazetarja amerikane e burgosur aktualisht në Rusi, Alsu Kurmasheva, një redaktore me seli në Pragë në shërbimin Tatar-Bashkir të radios simotër të Zërit të Amerikës, Radio Evropa e Lirë.
Gazetarja Kurmasheva, me shtetësi të dyfishtë amerikano-ruse, udhëtoi në Rusi në maj të vitit 2023 për një emergjencë familjare. Kur ajo provoi të largohej nga vendi në muajin qershor, iu konfiskuan pasaportat.
Ajo po priste që t'i ktheheshin pasaportat kur u ndalua në tetor me akuzën se nuk u regjistrua si "agjente e huaj". Autoritetet më vonë shtuan akuzat për përhapjen e informacionit të rremë për ushtrinë ruse. Gazetarja Kurmasheva dhe Radio Evropa e Lirë, i kanë hedhur poshtë akuzat kundër saj.
Marrë nga VOA.
Foto ilustruese IZRAEL-Kryeministri i Izraelit, Benjamin Netayahu, tha se ka urdhëruar ushtrinë që të përgatisë një pla...
njerezit ne rafah IZRAEL- Kryeministri izraelit Benjamin Netanyahu ka udhëzuar ushtrinë e vendit që të planifikojë evakuimin e pop...
Mbretëresha Camilla MBRETËRI E BASHKUAR- Mbretëresha Camilla bëri daljen e saj të parë zyrtare që kur u publikua la...
Foto ilustruese ITALI-Matteo Messina Denaro, i vetëdijshëm se ditët e tij ishin të numëruara për shkak të sëmundje...
pamje nga vendi i ekzekutimit GREQI- Një biznemen grek u ekzekutua dy ditë më parë me armë zjarri, pak metra larg banesës s&e...
foto ilustruese FRANCË- Një pensionisti ‘dashamirës’ të maceve ju gjetën 117 mace të ngordhura në frigo...
Joe Biden SHBA- Në një fjalim të befasishëm të enjten, Presidenti amerikan Joe Biden reagoi me zemërim ndaj një raporti ...
Dmitry Peskov RUSI- Kremlini ka reagur pas zëvendësimit të kreut të forcave të armatosura të Ukrainës. Dmitry Peskov, z...
EHL Hospitality Bussines School ZVICËR- Mbyllet shkolla e njohur e studimeve të hotelerisë në Zvicër. Shkolla EHL Hospital...
Joe Biden SHBA- Presidenti Joe Biden i njohur për ngatërresat e tij gjatë fjalimeve, ka bërë një tjetër gafë dit&eu...
