6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Konlin thotë se ai nisi ta kritikonte vazhdimisht për pamjen e saj, veshjet, peshën dhe lëkurën e saj dhe për pasojë, ajo përjetoi një periudhë aknesh dhe filloi të humbiste besimin. Nuk ishte e sigurtë se çfarë do të ndodhte të nesërmen me të dhe filloi të shkëputej nga shoqëria.
SHBA- Kate Konlin, një modele nga Izraeli, vetëm 23 vjeçe tregon se si ka rënë pre e dhunës nga Simon Leviev, mashtruesi që u bë i famshëm përmes serialit që bëri bujë në Netflix, ‘The Tinder Swindler’ dhe gjithashtu ka ndaluar për një vizitë në Shqipëri. Në rrëfimin e saj për BBC, Kate tregon se gjithçka nisi intensivisht. Dyshja u njohën në Instagra dhe brenda pak javësh e gjetën veten duke bashkëjetuar.
“Ishte intensive, por si një 23-vjeçare, medoja se dashuria kështu duhet të ishte,”- thotë ajo.
Por, kjo ishte koha kur nisën zënkat.
Konlin thotë se ai nisi ta kritikonte vazhdimisht për pamjen e saj, veshjet, peshën dhe lëkurën e saj dhe për pasojë, ajo përjetoi një periudhë aknesh dhe filloi të humbiste besimin. Nuk ishte e sigurtë se çfarë do të ndodhte të nesërmen me të dhe filloi të shkëputej nga shoqëria.
"Ata thanë se isha kthyer në një njeri ‘gri’, pa ngjyra,"- thotë ajo, duke parë duart e saj.
Pas disa muajsh, Leviev filloi të kërkonte para, duke i marrë hua mijëra dollarë modeles që kishte për të dashur. Shifra kapi vlerën e 150,000 dollarëve. Ajo ishte tashmë një modele ndërkombëtare që kishte qenë në kopertinën e Vogue Japan, Grazia Italy dhe revistës Wallpaper në MB, ishte e sigurt financiarisht dhe ai e dinte këtë.
Por abuzimi emocional, u kthye dhe në atë fizik.
Konlin i ka dërguar BBC-së regjistrime audiosh të Leviev. Ai shpesh bërtet dhe kërkon para duke thënë se do t’i investojë, do t’i shumëfishojë dhe do t’ia kthejë.
Në njërën, ai bërtet teksa i shpjegon pse nuk mund t'ia kthejë momentalisht.
"Kate, unë jam milionere! Dhe ky është një fakt. Për momentin, unë jam bllokuar. Kupton? Jam bllokuar! A e kupton truri yt i dehur? Ai truri yt i vogël sa i zogut. Kam ngecur Kate. Nuk të kam vjedhur.Ti m’i ke dhënë me dëshiren tënde, kjo është e gjitha,"- shton ai.
Dokumentari më i ndjekur i Netflix në 90 vende që nga koha kur u publikua në shkurt 2022, tregonte se Simon Leviev kishte mashtruar gratë që kishte takuar në aplikacionin e takimeve Tinder dhe u kishte marrë rreth 10 milionë dollarë. Ai i mohon akuzat.
“E dija se gjithçka ishte e vërtetë. Por ndihesha e detyruar të pranoja versionin e tij të ngjarjeve. Isha në një marrëdhënie kontrolluese dhe ishte e lehtë për të që të më bindte që ta mbroja publikisht, për shembull në emisionin e lajmeve në SHBA Inside Edition. Më tha: “Nëse më mbron, njerëzit do të më besojnë, sepse je grua,”- tregon Kate.
“Njerëzit nisën të më mallkonin, thonin se do të donin që të prekesha nga kanceri ose të më godiste një makinë dhe se meritoja më të keqen nga gjithçka sepse isha në një lidhje me të,”- thotë Konlin.
Debatet mes çiftit u intensifikuan dhe më 29 mars gjithçka mori fund.
“I thashë, kaq, po iki, nuk duroj dot më. Fillova të paketoja gjërat e mia,”- thotë ajo.
Konlin thotë se debati u kthye fizik. Ajo thotë se ai e shtyu dhe ajo preu këmbën e saj.
"Ishte gjakderdhje. U ndjeva e vdekur. Doja të vrisja veten," thotë ajo.
Pasi shkoi në spital, ajo paraqiti një ankesë kundër Leviev në polici.
Kur i kërkuam Leviev të përgjigjej, ai na dërgoi nëntë email brenda 45 minutave. Leviev thoshte se ai kurrë nuk ka lënduar fizikisht asnjë grua.
Janey Starling, një aktiviste kundër abuzimit në familje, flet mbi këtë marrëdhënie.
"Kontrolli shtrëngues është diçka që ndodh çdo ditë dhe është shumë e zakonshme,"- thotë ajo.
“Shumë burra abuzues nuk kanë qenë kurrë fizikisht të dhunshëm ndaj partnereve të tyre… por ata kanë qenë intensivisht kontrollues, shumë kritikë, nënçmues dhe kërcënues,”- shton ajo.
Pavarësisht se është një mashtrues i dënuar, Leviev ka mijëra ndjekës në rrjetet sociale. Ai vazhdon të postojë video ku shihet duke vozitur makina të shtrenjta, dhe duke kaluar kohë me femra të bukura. Në disa video njerëzit kërkojnë fotografi me të, sikur të ishte një personazh i famshëm. Ai tarifon 82 £ (100 dollarë) për një video mesazh të personalizuar dhe 165 £ për një telefonatë.
"Ne po shohim një magjepsje të një mendësie dhe stili jetese hiper-mashkullore anti-grua, dhe kjo gjë po u shpërndahet njerëzve si diçka e pranueshme, mbresëlënëse, veçanërisht të rinjve e adoleshentëve," thotë Jessica Reaves, drejtore editoriale e Qendra për Ekstremizëm të ADL-së.
Kate Konlin sot qesh, ajo është ndoshta një nga të vetmet modele në botë që është e lumtur që ka shtuar peshë!
Pas gati një viti pa oferta pune pas publikimit të The Tinder Sëindler, karriera e saj si modele ka marrë sërish hov. Ajo tani dëshiron t'u tregojë grave të reja se si mund të duket nga brenda një marrëdhënie e pakënaqur dhe kontrolluese.
Marrë dhe përshtatur nga BBC
Josep Borrell GJERMANI- Përfaqësuesi i Lartë i Bashkimit Evropian për Punë të Jashtme dhe Politikë të Siguris&...
Georgia Meloni ITALI- Kryeministrja italiane Giorgia Meloni do të udhëtojë në Kiev ditën e hënë për të takuar ...
Foto ilustruese Ylli i "Reality TV”, Kourtney Kardashian, po tenton të futet në botën e wellness-it me një produkt për sh&eu...
Australia njoftoi se do të lejojë përdorimin e substancave psikedelike ecstasy dhe kërpudha magjike – për trajtimin e depresion...
Viktor Orban Kryeministri hungarez, Viktor Orban, tha se Evropa është e përfshirë "indirekt në luftë me Rusinë", pasi di...
Bao Fan KINË- Një nga bankierët kryesorë të investimeve të Kinës, Bao Fan është zhdukur. Fan ësht&eu...
Përpjekjet e shpëtimit në Turqinë e goditur nga tërmeti përfundojnë të dielën, gati dy javë pasi tërmet...
Antony Blinken SHBA- Sekretari amerikan i Shtetit Antony Blinken pritet që të udhëtojë sot drejt Turqisë për të diskutua...
Kur Kosova shpalli pavarësinë më 17 shkurt të vitit 2008, presidenti i atëhershëm i Shteteve të Bashkuara, George Bush, tha s...
Foto ilustruese Në një dhomë të ftohtë në provincën Kandahar në pjesën jugore të Afganistanit, që &e...
