Kosova zyrtarisht në krizë për energji, Shqipëria i kthen një pjesë të ‘borxhit’ (Marrëveshja)

Artane Rizvanolli

KOSOVË- Ministrja e Ekonomisë në Kosovë, Artane Rizvanolli, ka treguar bilancin e shkëmbimit energjetik mes Kosovës dhe Shqipërisë. Mediat e Kosovës shkruajnë se Rizvanolli ka thënë se KEK i ka dhënë KESH-it 121.7 MWh, ndërsa sot ka marrë 1 mijë MWh për evitimin e reduktimeve.

“KEK deri sot i ka dhënë KESH-it 121.7 mijë MWh. Sot po marrim më pak se 1 mijë MWh për të evituar reduktimet. Këto janë rezultatet e prekshme për qytetarët kur ne bashkëpunojmë!”, shkruan Rizvanolli.

Kosova bëri me dije sot se do të ndërpriste furnizimin me energji elektrike për qytetarët, për shkak të krizës në të cilën ndodhet vendi. Por, pak orë më vonë, një marrëveshje me Shqiprinë, bëri që gjithçka t’i kthehej normalitetit.

Foto Ilustruese

KOSOVË- Kosova ka eliminuar përkohësisht reduktimet e furnizimit me energji elektrike falë ndihmës së Shqipërisë. Mediat vendase shkruajnë se lajmi është bërë me dije nga Ministria e Ekonomisë përmes një njoftimi zyrtar. Mes korporatave energjetike të dy vendeve është arritur një dakortësi në mënyrë qe edhe Kosova të kishte një furnizim normal me energji elektrike.

Njoftimi i plotë:

Kthehet furnizimi i rregullt me energji elektrike

Prishtinë, 15.08.2022 – Duke u nisur nga situata botërore me krizën energjetike që ka prekur edhe rajonin, të gjitha institucionet përgjegjëse po punojnë intensivisht dhe në koordinim për sigurinë e furnizimit me energji elektrike. Falë kësaj pune dhe bashkëpunimit mes Kosovës dhe Shqipërisë, përkatësisht Korporatës Energjetike të Kosovës (KEK) dhe Korporatës Elektroenergjitike të Shqipërisë (KESH) është arritur që të evitohen reduktimet që nga ora 14:00 dhe të vazhdojë furnizimi i rregullt me energji elektrike.

Institucionet do të vazhdojnë të bëjnë përpjekjet maksimale për të ruajtur furnizimin e rregullt me energji elektrike gjatë ditëve në vijim. Megjithatë, marrë parasysh situatën, luten të gjithë qytetarët dhe bizneset që të marrin masa kursimi dhe të jenë sa më të kujdesshëm në përdorimin e energjisë elektrike. Bashkëpunimi me Shqipërinë do të pasohet nga të tjera masa në adresim të krizës energjetike dhe gjendjes së emergjencës ku ndodhemi.

Energji

KOSOVË- Nga dita e sotme, Kosova nis kufizimet e energjisë elektrike për të gjithë konsumtorët. Në mediat e Kosovës, janë bërë publike urdhëresat nga Qendra Nacionale Dispecerike e Kosovës, pjesë e KOSTT-it, që të fillojë me kufizimet e energjisë elektrike nga ora 8:00 e ditës së sotme.

Këto kufizime, sipas njoftimit të KEDS-it, në bazë të planit të dërguar do të jenë deri në 2 orë për të gjithë konsumtorët. Konsumatorët gjatë ditës së sotme do të kenë nga 6 orë energji elektrike dhe 2 orë kufizime.

"Prej nesrit, vendi do të furnizohet vetëm nga prodhimi vendor. Kjo, pasi KEDS dhe KESCO nuk kanë mundësi financiare më që të nominojmë energji jashtë asaj që prodhohet nga gjeneratorët vendorë. Deri tek kjo situatë ka ardhur për shkak të çmimeve enorme që ekzistojnë në tregjet ndërkombëtare dhe mosmbulimit të kostos së sistemit. Kjo ka sjellë situatë të rëndë financiare edhe për KOSTT-in, të cilën ENTSO nuk e lejon më të bëjë devijime. Kjo bën që secila kërkesë mbi prodhimin vendor të kufizohet në pamundësi të mbulimit nga importi.

Prej ditës së hënë (15 gusht)  vendi do të furnizohet vetëm nga prodhimi vendor. Sot, disa muaj pas, të gjitha mundësitë financiare janë shterruar. Dy kompanitë, pra KEDS dhe KESCO nuk mund të bartin më të vetme barrën e krizës botërore energjetike dhe pasojat e saj në Kosovë. Kërkohet me urgjencë edhe veprimi i aktërëve tjerë në mënyrë që së bashku ta përballojmë këtë krizë", thuhet në njoftimin e KEDS-it.