Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ky rrugëtim me anije u kthye në diçka epike për lundruesit pa eksperiencë.
RUSI- “Mbaruan ‘ditët’ e luftës, tash filluan ‘vitet’ e saj. Kudo që shkojmë, është e pamundur që ta harrojmë realitetin dhe katastrofën në të cilën të gjithë ne jemi përfshirë”, shkroi Arseny Vesnin në Twitter.
Gazetari nga Shën Petersburgu, Vesnin dhe e dashura e tij, Ksenia, (e cila nuk deshi t’i publikohet emri i plotë), janë duke jetuar në jahtin e tyre të vogël, i quajtur Oikumen, emër nga greqishtja e vjetër me kuptimin aty ku qytetërimi ekziston për më shumë se një vit.
Këtë “shtëpi”, Vesni e bleu pak para pushtimit të plotë rus të Ukrainës më 24 shkurt 2022.
Historiani i pasionuar kishte synuar të realizonte një film për udhëtimin e heroit mitik grek, Odiseut, nga Troja në Itaka përgjatë bregut të Mesdheut.
“Kur lufta filloi, të gjitha planet tona ndryshuan. Dëshira për ta realizuar filmin për Odiseun nuk e ka peshën që dikur e kishte... Gjithashtu u bë e ditur se nëse kryen punë gazetareske me dinjitet dhe paanshmëri, ekzistonte rreziku që të burgoseshe. Prandaj ne vendosëm që të largoheshim”.
Para pushtimit të Ukrainës nga forcat ruse, Vesnin kishte qenë duke punuar për Ekho Moskvy dhe Radion Ekho Peterburga. Në mars të vitit 2022, këto media u mbyllën dhe shumë media tjera të pavarura filluan të largoheshin nga Rusia, për shkak të ligjeve të reja që lufta në Ukrainë të mos vlerësohet si luftë.
Disa ditë pas fillimit të pushtimit dhe mbylljes së stacioneve të radios ku punonte Vesnin, çifti udhëtoi për në Athinë, ku anija e tyre ishte e vendosur. Përpjekja e tyre për të regjistruar dhe siguruar anijen hasi në vështirësi, pikërisht për shkak të pasaportave të tyre ruse.
“Më në fund, ne regjistruam anijen tonë dhe vendosëm flamurin e Malajzisë”, kujton Vesnin.
Mirëpo, kur afati i vizës Shengen ishte duke i përfunduar, çifti u nis për në Turqi. Ky rrugëtim me anije u kthye në diçka epike për lundruesit pa eksperiencë.
“Na zuri stuhia dhe u dëmtua varka, u kapa për litar dhe mundohesha disi që ta balancoja anijen. Ksenia ishte duke më shikuar mua, pastaj e kuptuam që kishim shumë pak naftë”, tregon Vesnin.
Tutje ai vazhdon, “Tani po mundohemi t’u shmangemi stuhive, siç thotë një thënie ‘një kapiten i mirë shkon në kafe kur ka stuhi”. Vesnin thotë se nuk ka armiqësi ndaj rusëve në Turqi, pasi njerëzit në jug të vendit janë më të shqetësuar për çështjet e brendshme.
Vesni tregon një bisedë me një qytetar turk:
“Ju hipni në një taksi dhe shoferi ju pyet: 'A është i mirë Putini?’”.
"Jo, Putini do të thotë luftë. Ai është i keq".
"Uau! Dhe ne mendonim se Putini ishte i mirë".
Tutje, rusi thotë, "Zona është kryesisht bujqësore. Këtu priren të mos kenë interes për politikën dhe në vend të kësaj, kultivojnë portokall, shegë dhe limon".
Vesnin ka pasur mundësi të vazhdojë gazetarinë e tij teksa ishte në Mesdhe, duke përfshirë transmetimet për kanalin e mirënjohur YouTube “Searching For A Way Out”.
“Unë e filloj transmetimin nga jahti. Shumë njerëz komentojnë duke thënë ‘Ja ku je i ulur në jaht’, por unë e di se cilat janë rrethanat”, shprehet gazetari.
“Po, unë jam duke ndenjur në një jaht. E çfarë tash? Së pari, Oikumena jonë nuk është në asnjë mënyrë jahti i [oligarkut rus Roman] Abramovich. Për sa i përket kostos, mund të krahasohet me një apartament të lirë në Moskë ose Shën Petersburg. Pra, kujt i intereson se ku jam unë?", thotë ai.
Këtë verë çiftit do t'i skadojnë lejet e qëndrimit; nuk është e sigurt nëse ajo mund të zgjatet. Vesnin thotë se procedura dikur ka qenë e thjeshtë, por shumë aplikime tani janë refuzuar.
"Disa pretendojnë se Putini ishte përgjegjës për dëbimin e rusëve nga Turqia nga Recep Tayyip Erdogan. Por, unë nuk mendoj kështu. Besoj se ka të bëjë me fluksin e fundit të emigrantëve", thotë Vesnin. "As rusët nuk janë aspak të vetmit. Ka iranianë dhe irakianë që po merren me çështje shumë më të këqija".
"Për shkak të fluksit të fundit të emigrantëve, çmimet e banesave janë rritur dukshëm ndonjëherë edhe katërfishohet", thotë Vesnin.
“Turqve nuk u pëlqen kjo. Erdogan duket se po dërgon sinjalin se Turqia është për turqit, para së gjithash, dhe pastaj për vizitorët dhe migrantët”.
Ata kanë disa mundësi nëse çifti nuk është në gjendje të zgjasë lejen e qëndrimit. Sipas Vesninit, ata po e konsiderojnë shkuarjen në Qipron Veriore, Tunizi ose në Malin e Zi. Ata, madje, mund të udhëtojnë përtej Atlantikut.
"Ekziston një rregull që nëse arrini me det mund të qëndroni pothuajse në çdo ishull të Karaibeve", thotë Vesnin.
Gazetari beson se kthimi në Rusi tani do të ishte një gabim.
“Askush nuk përfiton nga burgosja”, pohon ai. “Dhurimi i donacioneve për kauzat e Ukrainës është i më e mirë. Kthimi në Rusi do të jetë i mundur një ditë, por nuk jam i sigurt se kur dhe si do të ndodhë”.
"Dhe më zhgënjyes është fakti se është krejtësisht jashtë kontrollit tim. Por, një ditë errësira do të kalojë. Rusia do ta humbasë këtë luftë. Do të shfaqen mundësi që të bëhet diçka për ta kthyer vendin tonë në një drejtim tjetër”.
“Tani është e rëndësishme për rusët që emigruan të shpëtojnë veten, të ruajnë mendjet, instinktet e tyre, në mënyrë që të kuptojnë se kur do të vijë ai moment”./REL
Jordania paralajmëron Izraelin pas sulmit në xhaminë Al-Aksa JORDANI- Jordania ka paralajmëruar për pasoja katastrofike n&eu...
Emmanuel Macrn FRANCË- Emmanuel Macron i ka kërkuar Evropës të mos ndjekë SHBA-në apo Kinën për çë...
KINË- Mediat e huaja raportojnë se, patrullat luftarake dhe stërvitjet, të cilat erdhën vetëm disa ditë pas ...
Momenti kur gjimnazisti 15-vjeçar godet me grusht në kokë mësuesin SHBA- Ky është momenti i tmerrshëm kur ...
Papa Françesku Papa Françesku u është drejtuar rusëve duke iu kërkuar që të kërkojnë të vë...
Hamburg GJERMANI- Banorët në qytetin gjerman të Hamburgut janë paralajmëruar për përhapjen e lënd&e...
Iran IRAN- Në një përpjekje të mëtejshme për të frenuar numrin në rritje të grave që sfidojnë k...
Babë e bijë vriten nga rusët në Zaporzhizha UKRAINË- Sulmet ruse në Zaporzhizha kanë lënë të vdekur dy p...
Punonjësit e energjisë elektrike rregullojnë një linjë elektrike të shkatërruar të tensionit të lartë në...
Midjourney, DALL-E, DeepAI – janë programe, të cilat krijojnë foto mjaft realiste me ndihmën e inteligjencës artificiale. Pamje...
