Sulmohet me armë shtëpia e Nancy Pelosi në SHBA, plagoset bashkëshorti, autori në pranga

Pelosi dhe Biden

SHBA- Presidenti amerikan Joe Biden telefonoi sot kryetaren e Dhomës së Përfaqësuesve, Nancy Pelosi, pasi një burrë hyri në shtëpinë e saj në San Francisko dhe plagosi bashkëshortin e saj, 82-vjeçarin Paul Pelosi.

Në një deklaratë të publikuar nga Shtëpia e Bardhë, presidenti ka shprehur mbështetjen për Kryetaren por dhe familjen e saj në këtë moment të vështirë.

“Presidenti po lutet për Paul Pelosi dhe gjithë familjen e Presidentit Pelosi. Këtë mëngjes ai telefonoi Presidentin Pelosi për të shprehur mbështetjen e tij në vazhdën e këtij sulmi të tmerrshëm. Ai është shumë i kënaqur që Paul Pelosi pritet të shërohet plotësisht”, thuhet në deklaratën e Shtëpisë së Bardhë.

Mëngjesin e sotëm një burrë ka hyrë në shtëpinë e Nancy Pelosit në San Francisko ku ka sulmuar burrin e saj Paul Pelosi duke i shkaktuar disa plagë dhe hematoma në trup. Autori është vënë në prangat e policisë ndërkohë që policia po punon për zbardhjen e ngjarjes dhe motivet e krimit.

Paul Pelosi

SHBA- Paul Pelosi, bashkëshorti i kryetares Nancy Pelosi, u sulmua dhunshëm në shtëpinë e tyre në San Francisko herët në mëngjes të së premtes.

Sipas mediave vendase, sulmi ndodhi pasi një burrë hyri në shtëpinë e Pelosit në bllokun 2600 të Broadway Street në San Francisko dhe sulmoi burrin e saj me çekiç.

82-vjeçari Pelosi pësoi një traumë të fortë në kokë dhe trup dhe po trajtohet për mavijosje, ënjtje të rënda dhe lëndime të tjera.

Paul Pelosi u shtrua në spital dhe pritet të shërohet plotësisht dhe sulmuesi ndodhet në paraburgim nga policia ndërkohë që ende nuk është i ditur motivi i sulmit.

Oficerët e policisë së San Franciskos iu përgjigjën rezidencës Pelosi rreth orës 2:27 të mëngjesit, sipas një zëdhënësi, ndërkohë që shefi i policisë së San Franciskos, Bill Scott do të japë më shumë detaje në një konferencë për shtyp.

Eric Swalwell

SHBA- Mëngjesin e sotëm është raportuar një sulm në shtëpinë e Kryetare së Dhomës së Përfaqëesuesve në SHBA, Nancy Pelosi ku është plagosuri bashkëshorti i saj Paul.

Sulmi vjen dy javë para zgjedhjeve afatmesme në SHBA të cilat këtë vit janë shoqëruar me tensione dhe incidente të paprecedentë.

Në muajin gusht ka qenë deputeti Eric Swalwell i Kalifornisë i cili denoncoi se një burrë i telefonoi zyrës së tij, duke përsëritur sharje homofobike dhe duke kërcënuar se do të qëllonte dhe do ta vriste kongresmenin.

"Gjakderdhja po vjen"- shkroi Swalwell në Twitter teksa denoncoi dhe kërcënimet e marra me anë të telefonit.

Gjithashtu në rrjetet sociale janë denoncuar një grup personash, të cilët të veshur me uniformë në ngjyrë ushtarake dhe të armatosur qëndrojnë pranë disa qendrave të votimit dhe pyesin çdo person që afrohet se për kë do të votojnë. Kjo gjë ka sjellë frikë dhe panik te njerëzit pasi ndjehen të kërcënuar dhe sipas analistëve kjo mund të çojë në uljen e numrit të votuesve.

Çifti Pelosi

SHBA- Bashkëshorti i kryetares së Dhomës së Përfaqësuesve, Nancy Pelosi, Paul Pelosi, u “sulmua dhunshëm” herët në mëngjes të së premtes nga një sulmues që hyri në shtëpinë e tyre në San Francisko, sipas një deklarate nga zyra e saj.

Sipas NBC, lajmin e konfirmoi zëdhënësi i demokrates nga Kalifornia, Drew Hammill i cili tha se sulmuesi është në paraburgim dhe motivi i sulmit është nën hetim.

“Pelosi u dërgua në spital, ku po merr kujdes të shkëlqyer mjekësor dhe pritet të shërohet plotësisht. Kryetarja dhe familja e saj janë mirënjohës për përgjigjet e parë dhe profesionistët mjekësorë të përfshirë dhe kërkojnë privatësi në këtë moment”, tha Hammill.

Kryetarja e Dhomës së Përfaqësuesve nuk ishte në San Francisko në kohën e sulmit, thuhet në deklaratë, megjithëse nuk specifikohet se ku ndodhej.

Deklarata nuk jepte asnjë detaj shtesë se si i dyshuari hyri në shtëpinë e tyre, si u sulmua burri i Pelosit, 82 vjeç, apo çfarë lëndimesh mund të kishte pësuar. Është e paqartë se cili ishte motivi për depërtimin dhe sulmin, megjithëse udhëheqësit kombëtarë kanë paralajmëruar për potencialin e dhunës politike, veçanërisht me zgjedhjet afatmesme të 2022 më pak se dy javë larg.

Shtepia e Pelosit

SHBA- Mëngjesin e sotëm është sulmuar shtëpia e Kryetare së Dhomës së Përfaqësuesve në SHBA, Nancy Pelosi ku është plagosur bashkëshorti i saj Paul.

Sipas mediave vendase, 82-vjeçari është dërguar në spital dshe ndodhet jashtë rrezikut për jetën ndërkohë që autori i plagosjes është vënë në pranga. Lajmi është konfirmuar nga zëdhënësi e Pelosit, Drew Hammill i cili dha një deklaratë ku informoi për sulmin dhe gjendjen e Paul.

Por kjo nuk është hera e parë që shtëpia e Pelosit bëhet qendër e sulmeve apo vandalizimit por është hera e parë që dikush lëndon një familjar të saj.

Në vitin 2007 ku Pelosi ishte anëtare e Kongresit, një grup protestuesish nga Code Pink, një grup grash kundër luftës, kanë protestuar përpara shtëpisë së kryetares Nancy Pelosi, duke shpalosur një banderolë në pragun e derës së shtëpisë së saj. Protesta, e cila filloi me dhjetëra demonstrues, ishte vetëm përpjekja më e fundit e Code Pink për të angazhuar Pelosin, e cila mendon se grupi nuk ka shkuar aq larg ose aq shpejt sa për të kthyer trupat në shtëpi nga Iraku.

Ndërkohë më 2 janar të 2021, shtëpia e saj u vandalizua me një referencë të dukshme për përpjekjet e dështuara të ligjvënësve për t'u siguruar amerikanëve 2000 dollarë kontrolle të ndihmës për COVID-19. Grafiti u gjet në derën e garazhit të shtëpisë së Pelosit gjatë natës me frazat "2 mijë dollarë", "Anulo qiranë!" dhe "Ne duam gjithçka".

Që nga pasditja e së premtes, dera e garazhit ishte e mbuluar me qese të zeza mbeturinash. Vandalët lanë gjithashtu gjak të rremë dhe atë që duket të jetë një kokë derri jashtë shtëpisë së Kryetarit të Dhomës së Përfaqësuesve në San Francisko.