Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Platforma TikTok Lite mbërriti në Francë dhe Spanjë – të vetmet vende të BE-së ku është e disponueshme – në prill të këtij viti.
FRANCË- Rrjeti social TikTok do të heqë përgjithmonë funksionin e shpërblimeve të përdoruesve në aplikacionin e përdorur në Francë dhe Spanjë, pas presionit nga rregullatorët evropianë, thanë të hënën Bashkimi Evropian (BE) dhe kompania kineze.
Platforma TikTok Lite mbërriti në Francë dhe Spanjë – të vetmet vende të BE-së ku është e disponueshme – në prill të këtij viti. Përdoruesit mbi 18 vjeç mund të fitojnë pikë për shikimin dhe pëlqimin e videove, të cilat i shkëmbejnë me mallra si kuponë ose karta dhuratash (gift card) përmes një programi shpërblimi.
"Ne ia dolëm të tërhiqnim përgjithmonë programin TikTok Lite Rewards, i cili mund të kishte efekte të varësisë", tha komisionari evropian për Tregun e Brendshëm, Thierry Breton.
TikTok Lite është një version më i vogël i aplikacionit popullor TikTok, i cili merr më pak memorie në telefonin tuaj dhe është krijuar për të punuar me një lidhje më të ngadaltë interneti.
TikTok u zotua ta heqë programin nga blloku 27-vendesh dhe të mos ekzekutojë "asnjë program tjetër që do të anashkalonte tërheqjen", tha Komisioni Evropian në një deklaratë.
Është fitorja e parë e madhe për Aktin e Bashkimit Evropian për Shërbimet Digjitale (DSA), një ligj i ri gjithëpërfshirës që kërkon që firmat digjitale që operojnë në bllok të monitorojnë në mënyrë efektive përmbajtjen në internet për të mbrojtur përdoruesit nga efektet e dëmshme.
Komisioni nisi një hetim mbi aplikacionin Lite në prill për shqetësimet rreth efekteve "varësi" duke e detyruar TikTok-un të pezullojë përkohësisht programin.
Çështja tani është mbyllur pasi TikTok, në pronësi të kompanisë kineze ByteDance, hyri në angazhime të detyrueshme.
Çdo shkelje e premtimit mund të çojë në dënime të rënda, sipas DSA-së.
"Ne do të monitorojmë nga afër pajtueshmërinë e TikTok-ut. Vendimi i sotëm dërgon gjithashtu një mesazh të qartë për të gjithë industrinë e mediave sociale", tha zëvendëspresidentja Ekzekutive e Komisionit, Margrethe Vestager.
TikTok ka konfirmuar se ka "tërhequr" programin e shpërblimeve.
"Ne gjithmonë përpiqemi të bashkëpunojmë në mënyrë konstruktive me Komisionin Evropian dhe rregullatorët e tjerë. TikTok është i kënaqur që ka arritur një zgjidhje miqësore", tha një zëdhënës i kompanisë.
TikTok mbetet nën hetim që kishte nisur që nga shkurti mes shqetësimeve se rrjeti social mund të mos jetë duke bërë mjaftueshëm për t’i trajtuar ndikimet negative te të rinjtë.
TikTok është ndër 25 platformat "shumë të mëdha" në internet, përfshirë Facebook-un, Instagram-in dhe YouTube-n, të cilat duhet të jenë në përputhje me rregullat më të rrepta të DSA-së nga gushti i vitit 2023.
Rregullat, gjithashtu, presin që shitësit digjitalë me pakicë të veprojnë në mënyrë efektive për t’i mbrojtur blerësit në internet.
DSA i jep BE-së fuqinë për të gjobitur kompanitë deri në gjashtë për qind të të ardhurave të tyre vjetore globale.
Shkelësit e përsëritur mund të shohin platformat e tyre të bllokuara në BE.
Hetimet po vazhdojnë për rrjetin social X, i njohur më parë si Twitter, si dhe faqen kineze të shitjeve online AliExpress dhe kompaninë Meta, e cila përfshin Facebook dhe Instagram.
TikTok po përballet, gjithashtu, me një sërë problemesh përtej Atlantikut. Kompania kineze që zotëron TikTok-un, ka ngritur një padi për të ndaluar një ligj amerikan që kërkon që aplikacioni të shitet vitin e ardhshëm ose të përballet me një ndalim nga SHBA. ByteDance pretendon se kjo shkel të drejtën e Amendamentit të Parë për fjalën e lirë.
Shtetet e Bashkuara rritën presionin ndaj TikTok-ut javën e kaluar me një padi, duke e akuzuar aplikacionin për shkelje të privatësisë së fëmijëve duke mbledhur të dhëna rreth tyre pa lejen e prindërve të tyre kur ata përdorin platformën.
TikTok tha se nuk pajtohet me pretendimet dhe se kompania ka masa mbrojtëse për të siguruar përvoja të përshtatshme për moshën./REL
Zëdhënësi i MPJ-së iraniane, Naser Kanaani TEHERAN- Irani nuk po kërkon përshkallëzim të tensioneve rajonale, por b...
albin kurti, hristijan mickoski SHKUP- Kryeministri i Kosovës, Albin Kurti ndodhet në Maqedoninë e Veriut ku ka zhvilluar një takim me ...
hristijan mickoski SHKUP- Kryeministri i Maqedonisë së Veriut, Hristijan Mickoski, tha se i vjen keq për incidentin në Aeroportin e Shk...
trazirat ne britani BRITANI- Kryeministri britanik Keir Starmer do të mbajë sot një takim urgjent të shefave të policisë...
pamje nga bangladeshi BANGLADESH- Kryeministrja e Bangladeshit Sheikh Hasina ka dhënë dorëheqjen dhe është larguar nga vendi p&eum...
foto ilustruese BJELLORUSI- Më shumë se 50.000 persona janë arrestuar për arsye politike pas protestave masive që shpërthyen ...
foto ilustruese IZRAEL- Rajoni i Lindjes së Mesme po zien kohët e fundit nga tensionet dhe shpërthimi i një luftë më gjer&eum...
foto ilustruese IRAN- Grupi militant libanez, Hezbollah, tha se ka kryer një sulm me dronë mëngjesin e së hënës në veri ...
albin kurti KOSOVË- Kryeministri i Kosovës, Albin Kurti, i shoqëruar nga disa ministra, do të zhvillojnë sot një vizitë ...
volodymyr zelenskyy UKRAINË- Gjatë fjalimit të tij në Ditën e Forcave të Armatosura të Ukrainës pres...
