6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Tre burime thanë se guvernatori republikan i Floridës Ron De Santis, i cili kandidoi kundër Trump në zgjedhjet paraprake brenda partisë republikane, po shqyrtohet si kandidaturë e mundshme për sekretar të mbrojtjes, nëse emërimi i Hegseth nuk përparon.
SHBA- Emërimi i Pete Hegseth si Sekretar Mbrojtjeje po lëkundet. Senatorët, po shqyrtojnë një sërë akuzash që janë bërë publike lidhur me të. Një person që ka dijeni mbi çështjen tha për agjencinë e lajmeve Associated Press se ekipi i Presidentit të zgjedhur Donald Trump është i shqetësuar mbi konfirmimin e zotit Hegseth në Senat dhe se po shqyrton kandidatura të tjera.
Tre burime thanë se guvernatori republikan i Floridës Ron De Santis, i cili kandidoi kundër Trump në zgjedhjet paraprake brenda partisë republikane, po shqyrtohet si kandidaturë e mundshme për sekretar të mbrojtjes, nëse emërimi i Hegseth nuk përparon. Tre burimet folën në kushte anonimiteti. Ekipi i zotit Trump nuk pranoi të komentonte.
Pete Hegseth zhvilloi të martën, për të dytën ditë me radhë, takime private me senatorë republikanë në Kongres, mes shtimit të pikëpyetjeve mbi aftësinë e tij për të drejtimin e Pentagonit.
Zoti Hegseth u tha gazetarëve se kishte në plan të takohej me çdo senator, përfshirë ata që janë skeptikë lidhur me emërimin e tij.
“Ne do të takojmë çdo senator që kërkon të na takojë. Mirpëresim këshillat e tyre në këtë proces konsultimi”, tha zoti Hegseth.
Ish gazetari i rrjetit Fox News, një veteran lufte i dekoruar i Gardës Kombëtare të Ushtrisë, i cili ka shërbyer në Irak dhe Afganistan, të cilin zoti Trump e emëroi si Sekretar Mbrotjeje, pritet të jetë ndër kandidaturat e para të administratës së re, që do të shqyrtohet për konfirmim në Senat.
Por zoti Hegseth po përballet me pikëpyetje mes një akuze për sulm seksual, të cilin ai e ka mohuar dhe njoftimeve të tjera që kanë dalë në shtyp në lidhje me sjelljen e tij në punë. Sentori republikan Lindsey Graham i cilësoi “shqetësuese” disa prej këtyre njoftimeve.
“Dua të sigurohem që çdo grua që bëhet pjesë e ushtrisë të ndidhet e respektuar dhe e mirëpritur”, tha senatori Graham për rrjetin CBS News.
Senatori republikan Josh Hawley tha se i kishte parë njoftimet e shtypit dhe se do të bisedonte me zotin Hegseth. “Jam i sigurt që ai do të flasë lidhur me këto raporte”, u shpreh senatori.
Përpara se të ishte prezanutes i emisionit të fundjavës “Fox & Friends” në rrjetin Fox News, zoti Hegseth ishte pjesë e dy grupeve jofitimprurëse në mbrojtje të veteranëve të luftës, “Veteranët e Shqetësuar për Amerikën” dhe “Veteranët për Liri”.
Revista “New Yorker” citoi këtë javë një raport dhe disa dokumente të tjera referuar kohës që zoti Hegseth drejtonte grupin “Veteranët e Shqetësuar për Amerikën” ku ngriheshin dyshime për disa incidente të shkaktuara prej tij gjatë takimeve të punës duke qënë nën ndikimin e alkoolit, për sjellje të papërshtatshme ndaj punonjëseve gra, si edhe për keqmenaxhim financiar.
Rrjeti NBC News njoftoi se një sërë punonjësish të paidentifikuar, të mëparshëm dhe aktualë të rrjetit Fox, që kanë punuar me zotin Hegseth, ishin shprehur se konsumimi i alkoolit nga ana e tij kishte ngritur shqetësime.
Disa prej tyre thanë se zoti Hegseth ishte paraqitur në punë ndërsa vinte era alkool.
Agjencia e lajmeve Associate Press foli me 4 persona të cilët kanë punuar në grupin “Veteranët e Shqetësuar për Amerikën”, ose kanë njohuri lidhur me kohën kur zoti Hegseth ishte pjesë e këtij grupi, të cilët nuk pranuan të identifikohen, për shkak se nuk ishin të lejuar të flisnin për mediat, ose sepse kishin firmosur marrëveshje për ruajtjen e konfidencialitetit.
Ndërsa konferencat e grupit mund të zgjasnin deri vonë dhe shpesh përfundonin në një lokal aty pranë, tre nga katër personat, thanë se nuk e kishin parë zotin Hesgseth nën efektin e alkoolit.
Një person, i cili ka patur lidhje me grupin “Veteranët e Shqetësuar për Amerikën”, i tha agjencisë Associated Presss, se sidoqoftë, disa punonjës kishin ngritur pikëpyetje mbi përdorimin e alkoolit nga zoti Hegseth, por thanë se largimi i tij nga grupi lidhej më shumë me dallimet ideologjike mes tij dhe rrjetit jo fitimprurës konservator.
Konfirmimi i të emëruarve të Presidentit të zgjedhur Trump kërkon shumicën e votave në Senat. Republikanët kanë një shumicë prej 53 vendesh, çka do të thotë se 4 vota kundër të republikanëve mund të rrëzojnë emërimin, nëse edhe të gjithtë demokratët shprehen kundër.
Senatorët republikanë po shqyrtojnë opsionet e tyre.
Nëse konfirmohet, zoti Hegseth jo vetëm që do të ishte pjesë e komandës dhe kontrollit të armëve bërthamore të vendit, por do të ishte i gjashti në rradhën e zyrtarëve që do të zëvendësonin presidentin nëse ai nuk do të ishte në gjendje të ushtrontë rolin e tij.
Gjatë një takimi me dyer të mbylluar me rreth 12 senatorë të hënën vonë, asnjë prej tyre nuk e pyeti zotin Hegseth mbi akuzat ndaj tij.
Senatori republikan Ted Cruz, tha se popullit amerikan i intereson forcimi i ushtrisë dhe i cilësoi “të turpshme” kritikat ngaj zotit Hegseth.
Pikëpyetjet mbi zotin Hegseth dhe të emëruar të tjerë janë tregues se “përse kontrolli i pastërtisë së figurës është i rëndësishëm, pse komisioni hetimor është kritik”, tha senatorja republikane Susan Collins.
Senatori tjetër republikan Tommy Tuberville tha pas takimit me zotin Hegseth se e mbështeste emërimin e tij. Por sa i përket akuzave tha se "ato mund të arrijnë në një pikë që njerëzit mos të votojnë për ta konfirmuar atë."
Sipas një raporti të detajuar hetimor të bërë publik së fundmi, një grua ka denoncuar në polici se është abuzuar seksualisht në 2017 nga zoti Hegseth, pasi ai i kishte marrë telefonin, kishte bllokuar derën në një dhomë hoteli në Kaliforni dhe nuk kishte pranuar që ta linte atë të largohej. Hegseth deklaroi asokohe në polici se marrëdhënia intime kishte qenë konsensuale dhe mohoi çdo shkelje./VOA
Shtëpia e Bardhë SHBA- Shtëpia e Bardhë është e zbukuruar për festat e fundviti. Dy ditë më parë,&nb...
presidenti-kaos KORE E JUGUT- Korea e Jugut përjetoi disa orë tensionesh mbrëmjen e së martës duke përfshirë të gji...
Antony Blinken SHBA- Sekretari amerikan i shtetit Antony Blinken duke folur për situatën në Korenë e Jugut ka mbështetur vend...
Foto ilustruese GJERMANI- Ekuipazhi i një anijeje ruse përdori municione kundër një helikopteri ushtarak gjerman në Detin Baltik. ...
Gerasimos Georgiadis GREQI- 21-vjeçari, Gerasimos Georgiadis është i vetmi i mbijetuar i vagonit të parë të trenit q&...
nargis mohammadi IRAN- Fituesja e Çmimit Nobel për Paqe, Nargis Mohammadi, e cila është në burg që nga nëntori 20...
Foto ilustruese ANGLI- Shumica e adoleshentëve që kanë vuajtur nga Covid për një kohë të gjatë shërohen brenda...
presidenti SEUL- Një nga pyetjet më të mëdha në mendjet e njerëzve në Seul ditën e sotme është: Ç...
Foto ilustruese JAPONI- Guvernatori i Tokios, Yuriko Koike dëshiron të miratojë punë katër-ditore për punonjës...
Asteroidi SIBERI- Një asteroid është pikasur në qiell nga banorët e rajoneve të Siberisë të cilët kapën m...
