Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Vendimi i Komisionit Zgjedhor në Bukuresht për të mos pranuar kandidaturën e zotit Georgescu nxiti protesta të dhunshme të mbështetësve të tij.
RUMANIA- Komisioni Qendror i Zgjedhjeve në Rumani ia ndaloi kandidatit pro-rus Calin Georgescu të marrë pjesë në përsëritjen e garës zgjedhore për president. Kandidati i ekstremit të dajthtë Georgescu, fitoi në raundin e parë në muajin nëntor, por votimet u anuluan nga Gjykata Kushtetuese pas akuzave për ndërhyrje nga Moska në favor të tij. Zoti Georgescu tha sot (të hënën) se ai do ta apelojë vendimin te Gjykata Kushtetuese e vendit. Vendimi i Komisionit Zgjedhor në Bukuresht për të mos pranuar kandidaturën e zotit Georgescu nxiti protesta të dhunshme të mbështetësve të tij.
Kaosi shpërtheu në kryeqytetin e Rumanisë të dielën në mbrëmje ndërsa mbështetësit e zemëruar të populistit të ekstremit të djathtë Calin Georgescu protestuan kundër vendimit që e ndalon atë të marrë pjesë në garën zgjedhore. Qindra protestues u mblodhën para selisë së Komisionit Qendror të Zgjedhjeve në Bukuresht, pas shpalljes së vendimit. Disa protestues hodhën copa të kalldrëmit të thyer dhe objekte të tjera ndaj një numri të madh të policisë speciale.
“Dëgjova që Komisioni Zgjedhor ka anuluar kandidaturën e zotit Calin Georgescu. Nuk bëhet fjalë më për atë se kush fiton, por për demokracinë e shkelur nga të gjitha anët. Njerëzve po u tregohet se jetojmë në një diktaturë”, thotë Sisi, mbështetëse e zotit Georgescu.
Nëse Gjykata Kushtetuese nuk e hedh poshtë këtë vendim, tre partitë ultra-nacionaliste, që kanë 35% të vendeve në parlament dhe që mbështesin zotin Georgescu për president, rrezikojnë të mbesin pa një kandidat në zgjedhjet e majit.
“Jam së bashku me dy udhëheqësit e opozitës me të cilët ndaj vlera të përbashkëta. Ne duhet t’iu kërkojmë sërish që të mos bëjmë dhunë , ashtu siç ndodhi mbrëmë. Ne po ecim përpara me besim të fortë për të ardhmen e vendit tonë”, tha zoti Georgescu të hënën.
Kandidati pro rus fitoi raundin e parë të zgjedhjeve. Gjykata Kushtetuese e vendit më pas anuloi zgjedhjet me arsyetimin se u ndikuan nga Moska, në favor të zotit Georgescu përmes një fushate në internet. Tani, Komisioni Qendror i Zgjedhjeve ia hoqi të drejtën për të ri-kandiduar. Analisti politik Kristian Pirvulescu thotë se anulimi i zgjedhjeve nuk kishte të bënte me shtypjen e fjalës së lirë, por me prova për parregullsi financiare.
“Kandidati i të djathtës ekstreme deklaroi zero shpenzime elektorale”, thotë eksperti nga Shkolla Kombëtare e Studimeve Politike.
Elena Lasconi doli kandidatja e dytë më e votuar në raundin e parë të zgjedhjeve presidenciale. Zonja Lasconi, kandidate e partisë progresive “Shpëtoni Bashkimin Rumun” vuri në dyshim vendimin e gjykatës për anulimin e zgjedhjeve të vitit të kaluar, duke i thënë Zërit të Amerikës se ajo mund të kishte fituar në balotazh.
“Dua të shoh prova. Mendoj se çdo rumun dëshiron të shohë prova sepse më shumë se 9 milionë rumunë votuan vitin e kaluar dhe të gjithë janë të shqetësuar. Është kaq e thjeshtë”, thotë zonja Lasconi.
Analistët vlerësojnë se ka pak gjasa që Gjykata më e lartë e vendit t’a lejojë kandidatit pro-rus të vazhdojë garën zgjedhore në vendin anëtar të NATO-s dhe Bashkimit Evropian. Gjykata krijoi një precedent për këtë në muajin tetor kur ia ndaloi një tjetër kandidateje të të djathtës ekstreme garën zgjedhore duke thënë se qëndrimet e saj anti-evropiane dhe pro ruse e bëjnë atë të padenjë për të udhëhequr vendin. Përsëritja e raundit të parë mbahet më 4 maj. Nëse asnjë kandidat nuk fiton mbi 50% të votave, balotazhi mbahet më 18 maj./ VOA
Volodymyr Zelenskyy UKRAINË- Presidenti ukrainas Volodymyr Zelenskyy ka deklaruar se Ukraina dëshiron paqen dhe është vetëm f...
Foto ilustruese ANGLI - Të paktën 32 persona janë shpëtuar pasi një cisternë nafte dhe një anije mallrash u rrëzuan...
Foto ilustruese SHBA- I dërguari i administratës Trump si negociator për lirimin e pengjeve i cilësoi si “të dobishme”...
foto ilustruese SIRI- Siria po përjeton përshkallëzimin më të madh të dhunës që kur Bashar al-Assad u largua në...
Shefi i NATO-s, Mark Rutte, së bashku me tre anëtarët e Presidencës së Bosnje e Hercegovinës. SARAJEVË- Sekretari i P&eu...
Personi i ngjitur në urë LONDËR- Ura ikonë "Tower Bridge" e Londrës është mbyllur ditën e sotme për ...
Pamje nga vendi i ngjarjes ANGLI- Autoritetet britanike janë alarmuar pasi një cisternë dhe një anije mallrash u p&...
Vuçiç SERBI- Presidenti i Serbisë, Aleksandar Vuçiç, deklaroi se situata e sigurisë në Ballkan është "...
Foto ilustruese SHBA- Platforma e rrjeteve sociale "X" është rikthyer pas një ndërprerjeje të shkurtër. Ende nuk di...
marco rubio SHBA- Sekretari amerikan i Shtetit, Marco Rubio ka njoftuar ditën e sotme se SHBA ka anuluar zyrtarisht 83% të programeve në USA...
