Lëvizja VLEN kërkon sqarime nga autoritetet shqiptare pas ndalimit të tre zyrtarëve në Qafë Thanë: A ekziston...
FOTOLAJM/ Pankartat pikante të ditës 39-të: Vetëm burgu i kthjellon 8 Korrik, 19:32 “Sorrat dhe ko...
Konflikti në Lindjen e Mesme/ Trump nga samiti i NATO-s: Mund të rivendosë një bllokadë detare ndaj Iranit 8 Korrik, ...
"Ajo është një person i mirë"/ Trump për Melonin: E dua shumë, por ajo bëri një gabim... 7 Korrik...
Tensioni ka shkaktuar alarm në vendet e Gjirit dhe ka bërë që çmimet e naftës të rriten ndjeshëm.
SHBA- Konflikti SHBA-Iran është përshkallëzuar, me sulmet e SHBA-së ndaj infrastrukturës iraniane, kërcënimet e Donald Trump për një përgjigje edhe më të ashpër dhe paralajmërimet e Teheranit se Ngushtica e Hormuzit do të hapet vetëm me marrëveshje iraniane. Tensioni ka shkaktuar alarm në vendet e Gjirit dhe ka bërë që çmimet e naftës të rriten ndjeshëm.
Komanda Qendrore e SHBA-së (CENTCOM) njoftoi se forcat amerikane kishin goditur rreth 90 objektiva ushtarake iraniane në valën e fundit të sulmeve, ndërsa Teherani u përgjigj me sulme ndaj bazave amerikane në rajon.
Sipas mediave të huaja, operacionet e fundit kishin në shënjestër sistemet e mbrojtjes ajrore, asetet e mbikëqyrjes bregdetare, objektet e magazinimit të raketave dhe dronëve, aftësitë detare dhe infrastrukturën logjistike ushtarake përgjatë bregdetit të Iranit. Sulmet e reja erdhën rreth 24 orë pas një serie të mëparshme sulmesh të SHBA-së, në të cilat, sipas CENTCOM, u goditën edhe 80 objektiva të tjera ushtarake iraniane.
"Forcat e CENTCOM përfunduan një raund shtesë sulmesh kundër Iranit më 8 korrik për të zvogëluar më tej aftësinë e Iranit për të sulmuar anijet tregtare dhe personelin detar civil të pafajshëm në Ngushticën e Hormuzit", thuhet në deklaratë.
Nga ana e tyre, Garda Revolucionare e Iranit njoftoi se kishte kryer sulme ndaj bazave amerikane në Kuvajt dhe Bahrein, duke i përshkruar ato si hakmarrje për sulmet e forcave të armatosura amerikane në tokën iraniane.
Mësohet se Garda Revolucionare pretendoi se kishte nisur sulme me dronë dhe raketa mbi infrastrukturën dhe instalimet në bazat amerikane të Arifjan dhe Ali Ash Salem në Kuvajt, si dhe në bazat e Juffair dhe Sheikh Issa në Bahrein. Në të njëjtën kohë, Teherani paralajmëroi se hakmarrja mund të shtrihet në vende të tjera në Lindjen e Mesme nëse SHBA-të vazhdojnë me operacione të reja ushtarake kundër Iranit.
Trump: Nuk e di nëse ia vlen të bëhet një marrëveshje
Pas kthimit të tij nga samiti i NATO-s në Ankara, Donald Trump pretendoi të enjten herët se Irani e kishte kontaktuar duke kërkuar një marrëveshje pas sulmeve të përsëritura të SHBA-së.
"Më telefonuan pak kohë më parë dhe duan shumë të bëjnë një marrëveshje. Thjesht nuk e di nëse ia vlen të bëjnë një marrëveshje. Kjo është në hakmarrje për sulmet e djeshme iraniane ndaj anijeve. Nëse ndodh përsëri, do të jetë shumë më keq. Do t’i godasim shumë fort (...) Sa herë që na godasin, do t’u kundërpërgjigjemi njëzet herë më fort. Ata bënë diçka të vogël sot, por ndoshta është hakmarrje” shprehu ai.
Armëpushimi ka mbaruar, por negociatat mbeten të hapura
Presidenti amerikan, megjithatë, dërgoi mesazhe kontradiktore, duke thënë se armëpushimi kishte mbaruar pas shkëmbimit të zjarrit që po vë në provë përpjekjet për t'i dhënë fund luftës në Lindjen e Mesme. Në të njëjtën kohë, ai siguroi se armiqësitë e reja do të përfundonin shumë shpejt dhe la të hapur mundësinë e vazhdimit të negociatave me Teheranin.
Një zyrtar amerikan tha se armëpushimi me Iranin ka pushuar së zbatuari të paktën përkohësisht, duke theksuar se situata mbetet jashtëzakonisht fluide dhe se sulmet e reja ushtarake nuk mund të përjashtohen. Sipas tij, forcat e armatosura amerikane aktualisht po mbajnë një qëndrim pritjeje, ndërsa operacionet e natës kishin në shënjestër raketa dhe dronë që mund të përdoren kundër aseteve ushtarake amerikane, siç janë transportuesit e avionëve.
Shtetet e Bashkuara goditën gjithashtu objektiva rreth Ngushticës së Hormuzit, duke synuar të neutralizojnë kërcënimet e mundshme për transportin ndërkombëtar detar. Sulmet e fundit përfshinë Marinën Amerikane, me operacione si nga toka ashtu edhe nga deti./Dosja.al
Donald Trump TURQI- Presidenti amerikan, Donald Trump, ka krahasuar veten e tij me Vladimir Lenin. Gjatë një konference për ...
Mark Rutte, TURQI- Sekretari i Përgjithshëm i NATO-s, Mark Rutte, është përballur me një situatë tejet të sik...
Eva Palatová KOSOVË- Ushtruesja e detyrës së shefes së Zyrës së Bashkimit Evropian në Kosovë, Eva Palat...
Donald Trump dhe Mark Rutte Mund të thuhet se dita e fundit e samitit të NATO-s në Ankara, më 8 korrik, nisi nën një atmosfe...
Aleksandar Vuçiq SERBI- Presidenti i Serbisë, Aleksandar Vuçiq, ka thënë të mërkurën se mungesa e konsensu...
Ngushticën e Hormuzi IRAN- Press TV, kanali në gjuhën angleze për stacionin shtetëror IRIB të Iranit, citon një bur...
Giorgia Meloni TURQI- Kryeministrja e Italisë, Giorgia Meloni, konfirmoi pas samitit të NATO-s se vendi i saj nuk ka marrë pjesë n...
Benjamin Netanyahu dhe Donald Trump TURQI- Kryeministri izraelit, Benjamin Netanyahu është vlerësuar ditën e sotme nga presidenti ameri...
TURQI- Në margjinat e samitit të NATO-s në Ankara, presidenti amerikan Donald Trump ka deklaruar se është shumë i prirur pë...
Donald Trump TURQI- Presidenti amerikan, Donald Trump ka deklaruar këtë të mërkurë se mund të rivendosë një blloka...
