Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Duke vlerësuar pozitën gjeografike, Sarrazin shprehet se Ballkani Perëndimor, mund të bëhet qendra e të gjitha linjave ndërkombëtare të transportit, jo vetëm për t'u ndërlidhur me rajonet e tjera, por edhe për t’i sjellë produktet në tregun evropian.
I dërguari i posaçëm i qeverisë gjermane në Ballkanin Perëndimor, Manuel Sarrazin, në një intervistë për "Deutsche Welle" ka folur rreth sfidave të rajonit gjatë rugëtimit për integrimin në Bashkimin Evropian. Duke vlerësuar pozitën gjeografike, Sarrazin shprehet se Ballkani Perëndimor, mund të bëhet qendra e të gjitha linjave ndërkombëtare të transportit, jo vetëm për t'u ndërlidhur me rajonet e tjera, por edhe për t’i sjellë produktet në tregun evropian.
Lidhur me hapjen e negociatave për anëtarësim në BE për Shqiprinë, ai tha se vendi është drejt rrugës së përmbushjes së reformave të rëndësishme teksa tha se ky është një proces jo i lehtë, pasi do të duhet transoformimi i vendit dhe i legjislacionit.
Sarrazin u shpreh gjithashtu për Procesin e Berlinit, se synon të arrijë gjëra pozitive për qytetarët e rajonit dhe se nuk është kundër asnjë projekti tjetër në Ballkan.
Deutsche Welle: Z. Sarrazin, ju morët pjesë në Tiranë në Forumin e Ndërlidhshmërisë. Sa e rëndësishme është të flasësh në këto kohë për ndërlidhshmërinë në Ballkanin Perëndimor?
Manuel Sarrazin: Unë jam nga Hamburgu, i cili është porti i tretë më i madh i Evropës dhe çdokush në Hamburg i trembet faktit që rajoni juaj (Ballkani Perëndimor) mund të bëhet qendra e të gjitha linjave ndërkombëtare të transportit, sepse ju jeni në Mesdhe. Itinerari është shumë i shkurtër. Mund t’ju them se rajoni ka një potencial shumë të madh ndërlidhshmërie, jo vetëm sa i përket transportit nga rajonet e tjera, por edhe për t’i sjellë produktet në tregun evropian. Kjo është një nga temat kyçe të ndërlidhshmërisë në rajon.
Gjatë vizitës suaj në Shqipëri u takuat me kryeministrin e vendit, ministren e Jashtme, aktorë të shoqërisë civile etj. Çfarë përshtypjesh krijuat nga këto takime?
Ju e dini se tashmë Shqipëria ka hyrë në rrugëtimin e negociatave me BE-në. Më në fund ia dolëm të hapim negociatat dhe së pari jemi të gëzuar e të lumtur, por tani sigurisht duam ta shohim Shqipërinë që të përparojë. Duam të hapim kapituj, të mbyllim kapituj, duam të jemi të qartë rreth standardeve. Prandaj duhet ndjekur rruga e reformave. Jemi me fat që qeveria do ta ndjekë këtë rrugë, por gjithashtu kemi filluar t’i shtyjmë përpara, t’i nxisim këto çështje.
DW: Pra, Shqipëria, Maqedonia e Veriut dhe vendet e tjera kanë një rrugë të vështirë përpara?
Sigurisht, nuk është një rrugë e lehtë. Ju duhet të transformoni jo vetëm legjislacionin, por të gjithë vendin. Duhet të shtroni pyetjet: si do të zhvillohen procedurat, si do të bëhet transparenca, sa duhet të përfshihet shoqëria civile në këtë proces dhe çfarë cilësie do të ketë ky proces. Shqipëria është në fazat e para por fatmirësisht puna po nis dhe kjo është edhe përshtypja ime kryesore: duhet të jeni kritikë për detajet, sepse detajet kanë rëndësi. Më në fund po nisim negociatat e mirëfillta, pasi Shqipëria kishte ngelur në vendnumëro për një kohë të gjatë, për arsye për të ardhur keq.
Kur flitet për Ballkanin Perëndimor është më e rëndësishme të flitet për Procesin e Blerilinit apo për nismën tjetër të disa liderëve të rajonit, "Open Ballkans"?
Në datën 3 nëntor do të mbahet samiti i Berlinit dhe këto javë unë po udhëtoj në Ballkan për të rritur pritshmëritë ndaj Procesit të Berlinit. Kemi besimin se do të ecim përpara përsa i përket Tregut të Përbashkët Rajonal, solidaritetit në energji dhe Agjendës së Gjelbër, si dhe bashkëpunimit mes të rinjve në rajon. Pra, duam të rrisim pritshmëritë e Procesit të Berlinit dhe kjo është diçka e mirë. Ky Proces synon të arrijë gjëra pozitive për qytetarët e këtij rajoni. Nuk është kundër këtij apo atij projekti. Procesi i Berlinit ka të bëjë me çuarjen përpara të gjërave dhe ne po përpiqemi të ndihmojmë në këtë zhvillim.
Z. Sarrazin, përmendet rininë dhe rëndësinë e saj, e cila është dhe një ndër temat e Forumit të Ndërlidhshmërisë. Por në të njëjtën kohë, të rinjtë po ikin nga Shqipëria dhe nga vendet e tjera të rajonit…
Ne duam t’i japim një këndvështrim europian kësaj çështjeje. Shumica e njerëzve nuk largohen për veten e tyre, por sepse duan t’u japin fëmijëve të tyre kushte më të mira jetese. Rruga drejt Europës është përgjigjja ndaj këtij fenomeni. Ne duam ta bëjmë rrugën europiane më të besueshme dhe më të qartë, në mënyrë që të rikthehet besimi. Dhe mund t’ua rikthejmë besimin këtyre njerëzve. Integrimi rajonal, Tregu i Përbashkët Rajonal është njëri nga hapat. Sigurisht, unë e kuptoj kur një individ vendos të kërkojë fatin e tij në një vend që mendon se është më i mirë. Por mendoj se nuk duhet të fajësojmë individët, por duhet të përmirësojmë kushtet që më shumë njerëz të mund të qëndrojnë në këto vende të mrekullueshme dhe ta kërkojnë fatin këtu. Ata s’duhet të largohen nga vendet e tyre.
Manuel Sarrazin, ka qenë dikur deputet i Bundestagut për të Gjelbrit, por në zgjedhjet e fundit të Bundestagut e humbi mandatin. Prej fillimvitit 2022 ai është i ngarkuari i qeverisë gjermane për Ballkanin Perëndimor. Gjatë këtyre javëve ai ndodhet në rajon për të përgatitur samitin e Procesit të Berlinit, që do të zhvillohet më 3 nëntor në Berlin. Në Tiranë ai mori pjesë në Forumin Rajonal të Ndërlidhshmërisë, një nga projektet e Procesit të Berlinit./DW
Hekuran Murati KOSOVË- Ministri i Financave, Punës dhe Transfereve, Hekuran Murati, ka thënë se Kosova është me fat që e...
Vladimir Putin RUSI- Lideri i Kremlinit Vladimir Putin dhe 'guvernatorët' pro-rusë të katër rajoneve ukrainase Kherson, Zapor...
Von Der Leyen BRUKSEL- Presidentja e Komisionit Evropian, Ursula von der Leyen ka dënuar aneksimin e katër rajoneve ukrainase nga Presidenti i Ru...
Flamuri i NATO-s dhe i Finblandës FINLANDË-Që nga 30 shtatori, shtetasit rusë me viza turistike nuk do të mund të hyjnë ...
Antony Blinken SHBA- Sekretari amerikan i Shtetit, Antony Blinken, dhe Sekretari i Përgjithshëm i OKB-së denoncuan të enjten planin ru...
Pamje nga kasollja GREQI- “Hajde në vathë, hajde në vathë,”-kështu i tha 54-vjeçari që vrau gruan dhe f&e...
Vladimir Putin RUSI- Duke vazhduar përbuzjen e tij kundër Perëndimit, Putini ka akuzuar SHBA-në dhe Britaninë për rrjedhjet n...
Volodymyr Zelenskyy UKRAINË- Presidenti i Ukrainës thotë se vendi i tij nuk do të heqë dorë nga rimarrja e të gjitha raj...
Foto ilustruese KOSOVË- Kosova dhe Mbretëria e Bashkuar kanë nënshkruar një deklaratë të përbashkët për b...
Stoltenberg dhe Scholz GJERMANI- Në një telefonatë të premten, shefi i NATO-s Jens Stoltenberg dhe kancelari gjerman Olaf Scholz diskut...
