Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndër dokumentet ishte një memorandum i shkruar me dorë nga ish-presidenti Barack Obama në vitin 2009 kundër shtimit të planifikuar të forcave në Afganistan dhe shënime të tjera me shkrim dore nga seancat e informimit me të dhënat e zbulimit dhe takime të tjera të sigurisë kombëtare, thuhet në raportin e prokurorit të posaçëm Robert Hur.
UASHINGTON – Presidenti Joe Biden mori me vete dokumente të klasifikuara për luftën e Shteteve të Bashkuara në Afganistan dhe për çështje të tjera të sigurisë kombëtare, kur u largua nga detyra e nënpresidentit në vitin 2017, por ai nuk do të përballet me akuza penale, thuhet në raportin e prokurorit të posaçëm të qarkulluar të enjten.
Ndër dokumentet ishte një memorandum i shkruar me dorë nga ish-presidenti Barack Obama në vitin 2009 kundër shtimit të planifikuar të forcave në Afganistan dhe shënime të tjera me shkrim dore nga seancat e informimit me të dhënat e zbulimit dhe takime të tjera të sigurisë kombëtare, thuhet në raportin e prokurorit të posaçëm Robert Hur.
Zoti Biden i tha një shkrimtari që po punonte me një libër kujtimesh të tij gjatë një bisede në shkurt 2017 në shtëpinë që kishte marrë me qira në Virxhinia, se “sapo i kishte gjetur gjithë gjërat e klasifikuara në katin poshtë”, thuhet në raport. Në raportin e prokurorit Hur thuhet se kjo bisedë ofron argumentat më të mira të mundshme për ngritje akuzash ndaj zotit Biden.
Por, prokurori Hur identifikon disa arsye përse nuk ngriti akuza ndaj zotit Biden, përfshirë faktin se vërtet dokumentat mund të jenë marrë gjatë periudhës kur ai ishte nënpresident, por se ai e kishte autoritetin për të mbajtur dokumente të tilla.
Prokurori Hur thotë se ndaj zotit Biden nuk do të ngriheshin akuza edhe nëse nuk do të ekzistonte politika e hershme e Departamentit të Drejtësisë për të mos ngritur akuza ndaj një presidenti në detyrë. Anëtarët e ekipit ligjor të presidentit Biden i gjetën dokumentet e klasifikuara në zyrën e zotit Biden në një organizatë studimore në Uashington dhe në rezidencën e tij private në Uillmington, Dellauer.
Rivali i tij kryesor në zgjedhjet e nëntorit, ish presidenti Donald Trump, përballet me 40 akuza federale për marrjen dhe mbajtjen e paautorizuar të dokumenteve tepër sekrete të sigurisë kombëtare në pronën e tij në Florida, pas lënies së detyrës në vitin 2021, si dhe për pengimin e përpjekjeve të qeverisë amerikane për t’i rimarrë këto dokumenta.
Megjithëse dy rastet kanë ngjashmëri, ato kanë edhe dallime të rëndësishme. Shtëpia e Bardhë tha se avokatët e zotit Biden gjetën një numër të vogël dokumentash të klasifikuara dhe i dorëzuan ato më pas.
Zoti Trump rezistoi t’i dorëzonte dokumentat derisa një bastisje e FBI-së në vitin 2022 gjeti rreth 100 dokumenta të klasifikuara, duke ngritur kështu edhe akuzat për pengimin e drejtësisë ndaj zotit Trump dhe dy punonjësve në rezidencën e tij në Mar-a-Lago. Prokurori i posaçëm Hur, i cili shërbente në poste të larta në Departamentin e Drejtësisë gjatë administratës së ish presidentit Trump, u emërua në këtë detyrë në janar 2023 për të drejtuar hetimet.
Prokurori i Përgjithshëm Merrick Garland, i emëruar nga presidenti Biden, caktoi zotin Hur në krye të hetimeve, për t’i dhënë procesit një nivel pavarësie nga drejtuesit e Departamentit të Drejtësisë. Hetuesit e prokurorit Hur intervistuan presidentin Biden në tetor, në kuadrin e procesit hetimor. Shtëpia e Bardhë është shprehur se presidenti Biden dhe ekipi i tij kanë bashkëpunuar me hetimin.
Sipas një politike të hershme të Departamentit të Drejtësisë, ndaj presidentit Biden nuk mund të ngrihen akuza penale gjatë kohës që është në detyrë. Gjetjet e raportit mund t’i shkaktojnë vështirësi politike zotit Biden, i cili është përpjekur të theksojë kontrastin me zotin Trump për çështje të etikës personale dhe të sigurisë kombëtare.
Raporti i zotit Hur dhe vendimi i tij për të mos ngritur akuza penale pritet të shkaktojë akuza për standarte të dyfishta nga zoti Trump dhe aleatët e tij republikanë. Ish presidenti Trump u vetëdeklarua i pafajshëm dhe ka akuzuar prokurorët për motive politike. Gjyqi është caktuar për në muajin maj, por gjasat janë që të shtyhet.
Marrë nga VOA
Biden SHBA- Komisioni Federal i Komunikimeve i SHBA-së (FCC) ka njoftuar se po ndalon thirrjet e automatizuara me zëra të int...
albin kurti SHBA- Kryeministri i Kosovës, Albin Kurti, ka thënë në OKB se rregullorja e re e Bankës Qendrore të Kosovës...
albin kurti SHBA- Kryeministri i Kosovës, Albin Kurti i ka replikuar presidentit serb për pretendimet e tij se Kosova po persekuton serbët ...
foto nga seanca SHBA- Në Këshillin e Sigurimit të OKB-së ka nisur pak momente më parë seanca e jashtëzakonshme p&eu...
Seanca e Këshillit të Sigurimit SHBA- Shefja e UNMIK-ut, Caroline Ziadeh gjatë fjalës së saj para anëtarëve të...
Albin Kurti dhe Aleksandër Vuçiç SHBA- Në New York ka nisur seanca e jashtëzakonshme e Këshillit të Sigurimit të...
Biznesmeni i vrarë GREQI- Detaje të reja janë zbardhur në lidhje me ekzekutimin e biznesmenit grek, Kristos Jalias i cili u vra mbr&eum...
foto nga islanda ISLANDË- Pas shpërthimit të tretë vullkanik në të njëjtën zonë në Islandë muajt e f...
Foto ilustruese GJERMANI- Shoqata e Kombeve të Azisë Juglindore ka rënë dakord për udhëzimet që rregullojnë pë...
foto ilustruese AFRIKË- Mijëra njerëz po kërkojnë strehim brenda një spitali të mbingarkuar mes një përsh...
