Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Rasti ka ngritur pikëpyetje se përse Teixeira u la të vazhdonte të kishte qasje tek sekretet ushtarake edhe pas konstatimit të këtyre veprimeve nga ana e tij.
Një gjykatës në Uster, pritet të marrë sot vendim nëse punonjësi i Gardës Kombëtare Ajrore të Masaçusetsit, Jack Teixeira, i akuzuar për rrjedhjen e dokumenteve ushtarake tejet sekrete, do të qëndrojë pas hekurave në pritje të gjykimit të tij. Prokurorët kanë kërkuar që 21-vjeçari të qëndrojë në burg derisa gjykata të dalë me një vendim të formës së prerë. Zoti Teixeira, akuzohet se ka shpërndarë dokumente sekrete ushtarake rreth luftës së Rusisë në Ukrainë, në platformën ‘Discord’, e cila përdoret për lojra online. Ndaj tij rëndojnë edhe të tjera akuza që lidhen me çështje të sigurisë kombëtare.
Sipas dokumenteve të gjykatës, prokurorët kanë vënë në dukje se disa muaj përpara arrestimit të tij në muajin prill, zoti Teixeira ishte kapur nga eprorët e tij, duke marrë shënime mbi informacione të klasifikuara apo duke parë informacione që nuk kishin lidhje me punën e tij. Sipas dokumenteve të brendshme të Gardës Kombëtare Ajrore, të depozituara në gjykatë, ai ishte këshilluar dy herë nga eprorët në shtator dhe tetor, dhe ishte kapur në muajin shkurt, duke parë informacione “që nuk kishin lidhje me detyrën e tij, e që kishin të bënin me fushën e zbulimit”.
Rasti ka ngritur pikëpyetje se përse Teixeira u la të vazhdonte të kishte qasje tek sekretet ushtarake edhe pas konstatimit të këtyre veprimeve nga ana e tij.
Zëdhënësja e Pentagonit Sabrina Singh u pyet të enjten se pse eprorët e zotit Teixeira, nuk kishin marrë masa ndaj tij edhe pas ngritjes së këtyre shqetësimeve. Ajo tha se kjo çështje ishte pjesë e hetimit që po kryehen Departamenti i Drejtësisë dhe Forcat Ajrore.
Ky rast përbën rastin më të rëndë të rrjedhjes së informacionit të klasifikuar ndër vite.
Çështja po ndiqet penalisht nga zyra e prokurorit të Masaçusetsit, drejtuesja e së cilës, prokurorja Rachael Rollins, pritet të japë dorëheqjen deri në fund të ditës së sotme, pas gjetjeve të konstatuara nga dy agjenci mbikëqyrëse federale, se ajo ka kryer një mori shkeljesh etike e ligjore.
Avokatët mbrojtës kanë kërkuar lirimin e zotit Teixeira, duke vënë në dukje se ai nuk u arratis edhe kur mediat filluan të publikojnë emrin e tij, pak përpara arrestimit më 13 prill. Avokati i tij i tha gjykatësit muajin e kaluar se zoti Teixeira “do t’u përgjigjet akuzave” si dhe “do të gjykohet nga bashkëqytetarët e tij”.
Avokatët vunë gjithashtu në dukje se ka pasur shumë raste qe lidhen me shkeljen e Aktit të Spiunazhit, në të cilat gjykatat kanë vendosur ta lirojnë të pandehurin dhe që prokuroria, nuk ka kërkuar ta mbajë personin e akuzuar, pas hekurave.
Gjatë seancës dëgjimore të muajit të kaluar, prokurorët i thanë gjykatësit se zoti Teixeira kishte në banesë një arsenal armësh dhe një historik komentesh të dhunshme e shqetësuese.
Prokurorët kanë thënë gjithashtu se vite më parë ku ai ishte në shkollë të mesme, zoti Teixeira u pezullua, pasi një shok klase e kishte dëgjuar tek diskutonte për kokteje me molotov e armë të tjera, e hidhte kërcënime me bazë racore. Hetuesit thonë se zoti Teixeira ishte drejtues i një grupi privat online, i quajtur ‘Thug Shaker Central”, anëtarët e të cilit luanin në faqen sociale ‘Discord’. Ata bënin diskutime mbi llojet e preferuara të armëve, shpërndanin meme me përmbatje sarkastike si dhe diskutonin vazhdimisht mbi luftërat, mes tyre edhe agresionin rus në Ukrainë.
Dokumentet që rrodhën në mediat sociale, dyshohet se përmbanin detaje mbi ndihmën amerikane dhe të NATO-s për Ukrainën si dhe informacione të zbulimit amerikan në lidhje me vendet aleate. Disa prej dokumenteve që i takojnë periudhës shkurt-mars, tregojnë detaje të pozicioneve në fushëbetejë të trupave të Ukrainës dhe Rusisë, si dhe numrat e saktë të pajisjeve luftarake të shkatërruara në fushëbetejë, si dhe furnizimet e reja që do të merrte Ukraina nga aleatët e saj./VOA
Foto ilustruese KOSOVË- Shteti serb sërish ka vendosur barriera jotarifore ndaj prodhimeve kosovare. Vendimi i fundit i autoriteteve serbe ë...
Volodymyr Zelenskyy dhe Joe Biden UKRAINË- Presidenti ukrainas Volodymyr Zelenskyy reagoi pasi SHBA ësht gati të miratojë...
Foto Ilustruese GREQI- Një zbulim bombë hedh dritë mbi tragjedinë e rëndë ndodhur në Greqi, ku humbën jetën 57...
Kevin McCarthy SHBA- Një nga negociatorët e ekipit të kryetarit të Dhomës së Përfaqësuesve, Kevin McCarthy në ...
Joe Biden SHBA- Presidenti amerikan, Joe Biden, u ka thënë liderëve të grupit të shtatë shteteve më të industrializ...
Foto Ilustruese KOSOVË- Prokuroria Speciale e Kosovës ka ngritur të premten aktakuzë në mungesë ndaj të pandehurit me sh...
Milo Gjukanoviç MALI I ZI- Presidenti i zgjedhur i Malit të Zi Jakov Milatoviç bën betimit të shtunën. Ceremonia e inaugu...
aksidenti i trenave GREQI- Detaje të reja janë zbardhur nga aksidentin tragjik i përplasjes së trenave në Greqi ku humb&...
Spanjë SPANJË- Spanjë Perëndimore është përfshirë nga zjarre masive që kanë shkrumbuar më shumë...
Karabinierët ITALI- Një 24-vjeçar ka përfunduar pas hekurave pasi mburrej në rrjetet sociale se i ishte arratisur policisë....
