"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Policia e Kosovës i arrestoi tre njerëz nga Nikshiqi për shkak se targat e automjetit me të cilin kishin shkuar në manastirin e Deçanit më 24 nëntor, mbanin mbishkrimin "Kosova është Serbi"
KOSOVË- Dy nga tre personat e arrestuar në Kosovë për mbishkrimin "Kosova është Serbi" janë pjesëtarë të Ushtrisë së Malit të Zi, konfirmoi të mërkurën ministri i Mbrojtjes i Malit të Zi, Dragan Krapoviç.
"Në këtë moment, ata dy ndodhen zyrtarisht në pushim mjekësor dhe bëhet fjalë për pjesëtarë të mirë dhe shembullorë të ushtrisë", tha Krapoviç në një komunikatë.
Policia e Kosovës i arrestoi tre njerëz nga Nikshiqi për shkak se targat e automjetit me të cilin kishin shkuar në manastirin e Deçanit më 24 nëntor, mbanin mbishkrimin "Kosova është Serbi". Dy ditë pasi u dërguan në mbajtje, Gjykata Themelore në Pjesë urdhëroi një muaj paraburgim për Rajko Krivokapiç 34 vjeç, Marinko Jovanoviç 24 vjeç, dhe Dragutin Llallatoviç 24 vjeç.
Prokurori në Pejë i akuzon ata për veprën penale "nxitje të urrejtjes dhe mosdurimit". Avokatja e tyre, Jovana Filipoviç, tha për mediat në Kosovë se do të bëjë ankesë, duke theksuar se vendimi i Gjykatës ishte shumë i ashpër. Mbishkrimet që e paraqesin Kosovën si pjesë të Serbisë, autoritetet kosovare i trajtojnë si provokim dhe nxitje të urrejtjes dhe mosdurimit kombëtar.
Kryetari i komunës së Nikshiqit, Marko Kovaçeviç, i cili është funksionar i partisë Demokracia e Re Serbe (Nova Srpska Demokratija - NSD), pjesë e Frontit Demokratik prorus që së fundmi është shpërbërë, ka reaguar duke dënuar veprimet e institucioneve të Kosovës dhe duke u bërë thirrje të arrestuarve që "t’i përballojnë vështirësitë në të cilat janë gjendur".
Në profilin e tij në Facebook, ai deklaroi se Ambasada e Malit të Zi në Kosovë nuk ka reaguar për të mbrojtur tre qytetarët nga Nikshiqi, edhe pse është kontaktuar nga persona të afërt me të arrestuarit. Partia e tij, e drejtuar nga Andrija Mandiç, kryetari i Kuvendit të Malit të Zi, u ka bërë thirrje institucioneve shtetërore të Malit të Zi dhe bashkësisë ndërkombëtare që të reagojnë.
"Ky incident është vetëm një nga rastet e shumta të terrorit ndaj popullit serb në Kosovë, i cili tashmë është shtrirë edhe ndaj qytetarëve të Malit të Zi", thuhet në deklaratën e NSD-së.
Edhe Kisha Ortodokse Serbe (KOS) në Mal të Zi ka reaguar, duke nisur "një protestë të ashpër ndaj krahinës jugore serbe" për arrestimin e besimtarëve, si dhe një protestë ndaj autoriteteve malazeze.
"Ky incident kërkon dënimin më të ashpër për mungesën poshtëruese të reagimit të shtetit të Malit të Zi, Ministrisë së saj të Punëve të Jashtme dhe Qeverisë së saj, të cilat nuk i dolën në mbrojtje qytetarëve të vet", thuhet nga KOS në Mal të Zi.
Institucionet shtetërore nuk janë prononcuar lidhur me arrestimin e tre të rinjve nga Mali i Zi. Partitë politike proserbe në Mal të Zi, si dhe Kisha Ortodokse Serbe, nuk e njohin Kosovën si shtet të pavarur, por e konsiderojnë si territor të Serbisë. Mali i Zi e ka njohur pavarësinë e Kosovës në vitin 2008, gjatë qeverisjes së Partisë Demokratike të Socialistëve, e cila u rrëzua nga pushteti në gusht të vitit 2020./REL
Abedin Kerrnaja TIRANË- GJKKO ka marrë në shqyrtim kërkesën e nënkryetarit të bashkisë Tropojë, Abedin Ke...
foto ilustruese ITALI- Një 50-vjeçar shqiptar ka rënë në prangat e policisë italiane. Mësohet se shqiptari u kap ...
Granit Gjana TIRANË- GJKKO ka marrë vendimin ditën e sotme duke dënuar me 1 vit burg ish-prefektin e Kukësit, Granit Gjanën. ...
Foto ilustruese TIRANË- Nëse mendoni se Tirana ka shumë kulla, nuk keni parë gjë akoma. Numri i tyre do të jetë shum&eum...
pamje nga aksidenti FIER- Një aksident ka ndodhur pasditen e sotme në rrugën “Skënderbeu” në Fier. Mës...
foto ilustruese KURBIN- Një 33-vjeçar i shpallur në kërkim dhe i cilësuar si person me rrezikshmëri shoqërore ësh...
gjkko TIRANË- Gjykata e Posaçme ka marrë vendimin për anëtarët e bandës kriminale të Suel Çelës. GJKK...
foto ilustruese ELBASAN- Dy aksidente janë shënuar ditën e sotme në Elbasan. Mësohet se një 40-vjeçar ka përplasu...
foto ilustruese VLORË- Një 22-vjeçar është arrestuar në Vlorë, pasi pasi rezulton i dënuar me 20 muaj burgim...
Valbone TROPOJË- Policia Tropojës ka proceduar në gjendje të lirë 4 banorë të cilët ndërtuan pa leje në z...
