Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Si mundet që një njeri me një makinë të hyjë në aeroportin e Hamburgut dhe të shkaktojë kaos? Janë shtuar shumë kritikat ndaj autoriteteve të sigurisë.
Të dielën, një burrë 35-vjeçar u dorëzua në polici, pasi mbajti vajzën e tij katërvjeçare në një makinë në aeroportin e Hamburgut për plot tetëmbëdhjetë orë. Gjendja shëndetësore e vajzës së vogël është "e padëmtuar", siç kumtuar autoritetet. Më parë, ai u fut me makinë në pistën e aeroportit dhe qëndroi pranë avionit. Ai ishte i armatosur. I gjithë aeroporti u bllokua me orë të tëra, ndërsa mijëra persona mbetën pa fluturimet e planifikuara dhe të paguara.
Kjo dramë nxiti debate të shumta rreth sigurisë në aeroportet gjermane. Ndryshe nga vendet e tjera, ku ka shtylla që mund të ulen ose ngrihen në rrugë dhe të pengojnë hyrjen e makinave, në Hamburg rrëmbyesi me sa duket kishte para vetes vetëm rampa kuq e bardhë si pengesë në rrugën e tij për në zonën e siguruar shumë.
E kjo nuk është hera e parë që persona të paautorizuar depërtojnë në zonën e aeroportit. Verën e kaluar, aktivistët e "Brezit të fundit" prenë gardhin metalik dhe e futën në pistë.
Autroritetet thonë se nuk ka pasur lëshime
Menaxhmenti i aeroportit nuk sheh asnjë lëshim të mundshëm: "Siguria e zonës së aeroportit është në përputhje me dispozitat ligjore, madje shkon përtej kësaj”, tha një zëdhënëse për DPA.
Ajo shtoi se në një aeroport kaq të madh, i cili ka një sipërfaqe prej afërsisht 800 fusha futbolli, nuk mund të përjashtohet që "ndonjë kriminel i rëndë të futet në zonën e siguruar”.
Kjo zëdhënëse shtoi se ekziston një sistem alarmi për situata të tilla, "i cili aktivizohet pa të meta”.
Siç shtoi ajo, pas protestës së aktivistëve të klimës, është shtuar numri i patrullave pranë rrethojës së aeroportit, ndërsa po testohen edhe kamera dhe sensorë të rinj.
Ajo nuk tha asgjë për rampat që mund të kalohen lehtë: "Ju lutemi kuptoni, ne nuk ofrojmë informacion më të detajuar në lidhje me konceptin tonë të sigurisë."
Rregullat e vjetruara
Andreas Roskopf, kryetar i Sindikatës së Policisë, u pyet nga programi i parë gjerman ARD, nëse koncepti i sigurisë në aeroportin e Hamburgut është në nivelin e duhur?
"Ne kemi nevojë urgjente për të krijuar një koncept sigurie që korrespondon me gjendjen e sotme”, përgjigjet Roskopf. Ai shton se nuk guxon as të mendojë se çfarë mund të kishte ndodhur po të ishte fjala për terrorizëm.
Roskopf nënvizon se standardet e sigurisë së aeroportit sot nënkuptojnë edhe kamerat e vëzhgimit dhe detektorët e lëvizjes në zona të ndjeshme: "Në rrugët e afrimit duhet të punojmë me barriera dhe pengesa që të paktën një makinë e zakonshme nuk mund t'i kalojë."
Ai thotë se rreziku është në rritje në këtë zonë në Gjermani. Por thekson se aeroportet funksionojnë sipas rregulloreve aktuale të sigurisë.
"Legjislativi duhet të miratojë rregullore shumë të qarta në këtë fushë, në mënyrë që aeroportet të detyrohen të vendosin këto masa mbrojtëse dhe që ekspozimi ndaj rrezikut që kemi aktualisht të jetë sa më i ulët.
"Nënë apo njerkë"
Profesori në Akademinë e Policisë, Raphfael Beer, si dhe nënkryetari i Sindikatës së Policisë Gjermane, Heiko Tagaz, kërkojnë mbrojtje më të mirë të aeroporteve. "Është e vështirë të kuptohet se edhe panairet e Krishtlindjeve janë të siguruara me barrikada betoni, ndërsa ndaj kompanive të aeroporteve ka një raport si njerkë, në zona të mbrojtura rreptësisht," tha Tagaz për agjencinë e lajmeve dpa.
Profesori u shpreh për NDR se koncepti i sigurisë duhet patjetër të rishikohet. "Nuk mund ta kuptoj që kompania e aeroportit tani fshihet pas dispozitave ligjore që nuk parashikojnë masa më të rrepta."
Ai thotë se përmbushja e detyrimeve ligjore është një çështje e rëndësishme. "Por nëse shikojmë botën përreth nesh, shohim se autorëve të sulmeve nuk u intereson se cilat rregullore ndiqen dhe cilat jo. E thënë thjesht, ajo pjesë e trafikut duhet të mbrohet më mirë. Kjo është arsyeja pse e gjithë kjo në mënyrë të pashmangshme duhet të rishqyrtohet”.
As aeroportet e tjera nuk janë të sigurta
Eksperti i aviacionit Heinrich Grosbongart ka punuar më parë për Lufthansa, Boeing dhe sindikatën e pilotëve Cockpit. Vlerësimi i tij është alarmant. "Aeroporti i Hamburgut nuk është i sigurt – por as aeroportet e tjera gjermane nuk janë”, tha ai për Spiegel.
Sipas tij, kjo është skandaloze sepse aeroportet "janë të njohura prej dekadash si objektivat e preferuar të terroristëve. Avionët me dhjetëra mijëra litra kerozinë dhe qindra pasagjerë presin të ngrihen. Për shkak të gjithë kësaj, Grosbongart i quan administratën dhe institucionet e aeroportit "të pakuptueshme dhe naive”./DW
ditari i anne frank GJERMANI- Planet e një qyteti në Gjermaninë lindore për të hequr emrin 'Anne Frank' nga një çerdhe...
edward joseph SHBA- Profesori në Universitetin “Johns Hopkins” në Uashington, Edward Joseph ka thënë se me propozimin e ri ...
Kryeministri izraelit Benjamin Netanyahu tha të hënën se Izraeli do të shqyrtojë mundësinë për "pauza të shkurtra...
Një muaj më parë, Izraelin e zgjoi tragjedia më vdekjeprurëse në historinë e tij 75-vjeçare. Militantë të...
Viktima dhe autori BRAZIL- Një e re braziliane filmoi momentin kur u qëllua dhe u vra nga i dashuri i saj. Pamjet d...
Kercenimi VLORË- Emisioni Fiks Fare solli rastin e një gruaje nga Vlora, e cila prej 1 viti nuk takonte dot djalin e saj të mitur, me proble...
Izrael IZRAEL- Ministri i Financave të Izraelit, Bezalel Smotrich, bëri thirrje të hënën për krijimin e zonave të siguri...
Emigrantet ITALI- Opozita italiane nuk e pëlqen marrëveshjen Itali-Shqipëri për emigrantët. Nga Partia Demokratike e cila e c...
Thyerja e piktures ANGLI- Protestuesit e Stop Oil janë arrestuar pasi thyen xhamin që ruante një pikturë të Diego Velá...
Edi Rama dhe Giorgia Meloni ITALI- Italia do të ndërtojë qendra në Shqipëri për të pritur emigrantët që pë...
