Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Droga mbërriti atje nga Maqedonia e Veriut, ndërsa në mesin e të arrestuarve është edhe një zyrtar lokal i Partisë Përparimtare Serbe në pushtet, në pronën e të cilit u gjet kanabisi më 29 janar.
KOSOVË- Sekuestrimi i pesë tonëve marihuanë në fshatin Konjuh, afër Krushevcit në Serbi, ishte - sipas ministrit të Brendshëm, Ivica Daçiç - sasia më e madhe e drogës e zbuluar ndonjëherë në këtë vend. Vlera e saj ishte midis shtatë dhe dhjetë milionë eurove.
Droga mbërriti atje nga Maqedonia e Veriut, ndërsa në mesin e të arrestuarve është edhe një zyrtar lokal i Partisë Përparimtare Serbe në pushtet, në pronën e të cilit u gjet kanabisi më 29 janar.
Ky nuk ishte rasti i parë që ngriti dyshime për lidhje të mundshme mes individëve të përfshirë në trafikun e drogës dhe njerëzve të afërt me pushtetin, megjithëse autoritetet i hodhën poshtë ato pretendime.
Radio Evropa e Lirë përgatiti një përmbledhje të sekuestrimeve më të mëdha të drogave në Serbi dhe operacioneve ndërkombëtare në të cilat u arrestuan edhe shtetas serbë.
Dy tonë kanabis në Zemun të Beogradit
Dy tonë kanabis u sekuestruan në gusht të vitit 2025 në Zemun të Beogradit. Zyra e Prokurorit të Lartë Publik njoftoi në janar se ky operacion dhe informacione të tjera çuan në sekuestrimin e fundit në Konjuh.
Maqedoni e Veriut: Kontrabandë nën maskën e barnave
Policia dhe prokurorët në Maqedoninë e Veriut bastisën disa lokacione në Shkup dhe Strumicë dhe sekuestruan dhjetëra tonë kanabis mjekësor.
Operacioni pasoi një sekuestrim rekord prej pesë tonësh marihuanë në Serbi, e cila u tha se kishte origjinën nga një fabrikë e licencuar në Shkup.
Kultivimi i kanabisit mjekësor është legal në Maqedoninë e Veriut.
Ministri i Shëndetësisë në këtë vend, Azir Aliu, tha se ligji aktual ka dobësi serioze kur bëhet fjalë për kontrollimin e kompanive dhe paralajmëroi një zgjidhje të re ligjore.
Mbi një ton drogë në fermën e ushqimit organik Jovanjica
Në nëntor të vitit 2019, Policia e Serbisë zbuloi një laborator ilegal për prodhimin e kanabisit në fermën për prodhimin e ushqimit organik Jovanjica, pranë Stara Pazovës, afër Beogradit. Atëkohë u sekuestruan 1.6 ton marihuanë, ndërsa u arrestuan pronari i fermës, Predrag Kolluvija, dhe punonjësit.
Prokuroria për Krim të Organizuar e akuzoi Kolluvijën për drejtimin e një grupi kriminal, me ndihmën e disa pjesëtarëve të policisë, Agjencisë së Sigurisë dhe Informacionit dhe Agjencisë së Inteligjencës Ushtarake, të cilët, sipas aktakuzës, i dhanë informacione konfidenciale dhe ia siguruan fermën.
Gjykimi është ende në proces, ndërsa të akuzuar janë 18 persona, përfshirë gjashtë pjesëtarë të shërbimeve të sigurisë. Partia Përparimtare Serbe e mohoi përfshirjen e pushtetit në këtë rast. Inspektorët e policisë që udhëhoqën operacionin për zbulimin e plantacionit Jovanjica, u shkarkuan në gusht të vitit 2023.
Kokainë nga Ekuadori dhe Brazili
Në fund të nëntorit të vitit 2024, Policia e Serbisë arrestoi tetë anëtarë të të ashtuquajturit “Karteli Ballkanik”, të dyshuar për kontrabandë të kokainës. Prokuroria për Krim të Organizuar në Serbi njoftoi se në mesin e tyre ishte edhe ushtruesi i detyrës së drejtorit të ndërmarrjes publike të transportit urban në Novi Sad, Mlladen Papoviq.
Disa prej tyre u arrestuan në Beograd, Nish, Novi Sad dhe Mitrovicë të Sremit, ndërsa një shtetas serb u arrestua në Ekuador dhe një tjetër në Bosnje e Hercegovinë. Policia e Serbisë dyshon se ky grup qëndron pas dërgesave të kokainës, në sasi prej disa tonësh, nga Ekuadori dhe Brazili drejt Evropës.
Prokuroria i lidh ata edhe me sekuestrimin e 505 kilogramëve kokainë në një kontejner nga Ekuadori, i zbuluar në Portin e Ploçës në Kroaci, në mars të vitit 2021. Prokuroria deklaroi se përmes këtij aksioni, u shkatërrua një nga organizatat më të fuqishme kriminale nga Ballkani.
“Karteli Ballkanik” përfaqëson një rrjet prej disa grupeve kriminale nga rajoni i Ballkanit, të përfshira në kontrabandimin e kokainës nga Amerika e Jugut drejt Evropës. Në Serbi u ngritën dy aktakuza kundër personave të dyshuar se janë pjesëtarë të këtij grupi.
Gati 200 kilogramë drogë në Austri dhe Spanjë
Katër persona u arrestuan dhe më shumë se 80 kilogramë kokainë dhe 110 kilogramë marihuanë u sekuestruan në një operacion ndërkombëtar të udhëhequr nga Policia e Serbisë, në dhjetor të vitit 2025. Një shtetas serb u arrestua në Vjenë dhe në posedim të tij u gjet kokainë me vlerë prej disa miliona eurosh. Të dyshuarit u arrestuan për shpërndarjen e kokainës dhe marihuanës në Spanjë, në Austri dhe në një pjesë në Serbi.
Më shumë se dy tonë në tetë vende
Europoli - agjencia e zbatimit të ligjit e Bashkimit Evropian - njoftoi në shtator të vitit 2021 se kishte sekuestruar 2.6 tonë kokainë dhe se kishte arrestuar 23 të dyshuar që besohej se ishin anëtarë të një karteli droge në Ballkan, që kontrabandonte drogë nga Amerika e Jugut në Evropë.
Operacioni përfshiu tetë vende: Spanjën, Kroacinë, Serbinë, Gjermaninë, Slloveninë, Bosnje e Hercegovinën, Shtetet e Bashkuara dhe Kolumbinë. Trembëdhjetë persona u arrestuan në Spanjë dhe dhjetë në Slloveni, ndërsa u sekuestruan 324 kilogramë marihuanë, 612 mijë euro dhe 15 automjete luksoze. Atëkohë u raportua se anëtarë të grupit ishin kriminelë nga Serbia, Kroacia, Mali i Zi dhe Sllovenia, dhe se ata kishin degë aktive në disa vende të Evropës.
Rasti Shariq, i pari në Serbi
Vendimi përfundimtar në maj të vitit 2022 kundër Darko Shariqit me 14 vjet burg, për kontrabandën e 5.7 tonëve kokainë nga Amerika e Jugut në Evropë nga viti 2006 deri në vitin 2009, i dha fund gjyqit në një nga rastet më të mëdha të krimit të organizuar, të zhvilluara ndonjëherë në Serbi.
Sipas vendimit, Shariq drejtoi një organizatë kriminale në shkallë globale. Prokuroria tha se grupi kontrabandoi 1.8 ton kokainë në Spanjë, 2.1 tonë u gjetën në një jaht pranë Montevideos në Uruguaj, 1.1 ton u zbulua në Brazil dhe 700 kilogramë u sekuestruan nga Policia e Italisë.
Prokuroria ngriti padi kundër Shariqit dhe të tjerëve në prill të vitit 2010, dhe gjyqi filloi në shtator të atij viti, derisa ai ishte në arrati. Shariq u dorëzua në mars të vitit 2014, por nuk u bë e ditur se ku fshihej ose nga cili vend vinte./REL
bullgari BULLGARI- Presidentja Iliana Yotova, njoftoi se Bullgaria do të mbajë zgjedhje të parakohshme parlamentare më 19 prill. S...
Foto ilustruse Ekonomia më e madhe e Europës përballet me rënie demografike më të thellë se sa ishte vlerësuar m&eu...
foto ilustruese KANADA- Kanadaja nisi dje programin e saj multimiliardë dollarësh për të forcuar ushtrinë&nbs...
Papa Leo XIV VATIKAN- Papa Leo XIV ka refuzuar ftesën e Donald Trump për tu bashkuar në "Bordin e Paqes". Kardinali Piet...
Steve Witkoff I dërguari i posaçëm i Shteteve të Bashkuara, Steve Witkoff, tha se dita e parë e rundit të fundit të bi...
Aleksandar Vuçiq Vendimi i presidentit të Serbisë, Aleksandar Vuçiç, për të nënshkruar ndryshimet në lig...
Jeffrey epstein SHBA- Si ia doli Jeffrey Epstein, një person që kishte braktisur kolegjin dhe që filloi të jepte mësim ...
Jeffrey Epstein BRITANI E MADHE- Policia britanike konfirmoi se po hetonte akuzat që dolën nga dosjet Epstein, sipas të cilave fi...
Kriza ekonomike godet rëndë industrinë gjermane. Si pasojë industria gjermane ka shkurtuar vende pune në shkallë të gjer&eu...
Foto ilustruse SIRI- Numri i banorëve në një nga kampet më famëkeqe të Sirisë ka rënë me shpejtësi, kan&e...
