Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Shkatërrimi i një dige të madhe të një hidrocentrali në Ukrainë mund të përbëjë krim lufte vlerëson ekspertja ligjore Alessandra Spadaro nga Universiteti i Utrechtit, pasi kjo vë në shënjestër civilët.
UKRAINË- Shkatërrimi i një dige të madhe të një hidrocentrali në Ukrainë mund të përbëjë krim lufte vlerëson ekspertja ligjore Alessandra Spadaro nga Universiteti i Utrechtit, pasi kjo vë në shënjestër civilët. Kievi dhe Moska kanë shkëmbyer akuza kundër njëra tjetrës se kush urdhëroi shkatërrimin e digës në jug të Ukrainës, pjesë e një zone që kontrollohet nga forcat ruse. Ndërsa Moska thotë se diga u shkatërrua nga Kievi pasi kundërofensiva e filluar para dy ditësh po dështon, Kievi dhe perëndimi kanë akuzuar Moskën, duke thënë se kjo konfirmon brutalitetin e agresionit rus kundër Ukrainës.
Muri i një dige të madhe në jug të Ukrainës, që kontrollohet nga Moska u shemb pas një shpërthimi të martën. Veç rrezikut për mijëra banorë që jetojnë pranë saj, janë paralajmëruar dëme të mëdha ekologjike, ndërsa zyrtarët nga të dyja palët në luftë urdhëruan banorët të evakuoheshin.
Diga ndodhet në rajonin e Khersonit të kontrolluar nga forcat ruse. Moska dhe Kievi kanë shkëmbyer akuza të ndërsjella.
“Fizikisht është e pamundur të hidhet në erë nga jashtë. Diga ishte minuar dhe u hodh në erë nga pushtuesit rusë. Kjo tregon edhe një herë cinizmin me të cilin Rusia i trajton njerëzit tokën e të cilëve ka pushtuar. Kjo është fatkeqësia më e madhe e shkaktuar nga njeriu në Evropë në dekada”, tha presidenti ukrainas përmes një video lidhjeje në takimin e NATO-s të vendeve të Evropës Lindore.
“Është e qartë se ky akt sabotimi synonte ndërprerjen e furnizimit me ujë në Krime. Niveli i ujit në rezervuar po bie ndjeshëm. Me sa duket, ky akt sabotimi lidhet me faktin se një sulm në shkallë të gjerë i nisur nga ushtria ukrainase dy ditë më parë nuk i ka arritur qëllimet e tij”, tha Dmitry Peskov, zëdhënës i presidencës ruse.
Sekretari i Përgjigjshëm I NATO-s, po ashtu fajësoi Moskën për shkatërrimin e digës..
“Rusia ka shkatërruar paqen në Evropë. Shkatërrimi i digës Kakhovka vë mijëra civilë në rrezik dhe shkakton dëme të mëdha mjedisore. Ky është një veprim i rëndë që tregon edhe një herë brutalitetin e Rusisë ndërsa lufta në Ukrainë vazhdon”, tha zoti Stoltenberg.
Bashkimi Evropian gjithashtu fajësoi Moskën.
“Shkatërrimi i digës Kakhovka vë në shënjestër infrastrukturën civile dhe civilët në Ukrainë në një nivel të ri të paprecedentë. Bashkimi Evropian dënon fuqishëm këtë sulm të tmerrshëm dhe barbar kundër një pjese kaq të rëndësishme të infrastrukturës me pasoja të tmerrshme humanitare dhe mjedisore. Është e qartë se kjo po ndodh në kuadër të agresionit të paligjshëm rus, brenda të cilit Putini nuk hezitoi të përdorë urinë si armë, energjinë si armë, madje e ka shfrytëzuar edhe të ftohtin e dimrit si armë. Kjo është një shenjë e re e përshkallëzimit, duke e çuar natyrën e tmerrshme dhe barbare të agresionit rus kundër Ukrainës në nivele të paprecedentë”, tha Peter Stano, zëdhënës i Komisionit Evropian në Bruksel.
Shkatërrimi i digës të epokës sovjetike Kakhovka në jug të Ukrainës mund të përbëjë një krim lufte, për shkak të rregullave që mbrojnë civilët, thotë ekspertja ligjore Alessandara Spadaro nga Universiteti i Utrechtit.
“Ky sulm mund të jetë përgjegjësi e një individi për krim lufte. Sido që të jetë, autori, Ukraina apo Rusia, duhet të mbajë përgjegjësi, pasi ekzistojnë rregulla që mbrojnë në mënyrë të veçantë objektet civile dhe në veçanti digat gjatë konfliktit”, tha zonja Spadaro.
Sipas hidrologut gjerman Arnd Hartlieb, shkatërrimi i digës Kakhovka solli një shkarkim katastrofik të ujit.
“Së pari mendoj për njerëzit në zonën e poshtme. Ata duhet të shpëtohen. Shpresoj se mund t’i shpëtojnë dhe përmbytja nuk është aq e shpejtë. Më pas mendoj për rindërtimin e strukturës. Mendoj se është vërtet një punë e vështirë dhe ndoshta është e mundur vetëm kur të përfundojë lufta. Do të jetë një sfidë vërtet e madhe për ta bërë këtë”, tha hidrologu nga Universiteti i Mynihut, Arnd Hartlieb.
Një tjetër rrezik nga shkatërrimi i digës është dhe ulja e nivelit të ujit në rrjedhën e sipërme, që përdoret për ftohjen e termocentralit më të madh bërthamor të Evropës, Zaporizhia. Tani për tani sipas operatorit bërthamor të Ukrainës ‘Energoatom’ situata është “e kontrollueshme”./VOA
SHBA SHBA- Shtetet e Bashkuara kanë vendosur sot sanksione të reja ndaj subjekteve në Iran, Kinë dhe Hong Kong, duke akuzuar...
Boris Pistorius GJERMANI- Ministri gjerman i Mbrojtjes Boris Pistorius në një intervistë për mediat u shpreh në mbështetje t&...
Proteste FRANCË- Aktivistët e sindikatave franceze marshuan në selinë e Lojërave Olimpike të Parisit dhe bllokuan qarkullimin...
Foto ilustruese Një raporti i publikuar së fundmi nga Organizata e Kombeve të Bashkuara zbulon se çdo ditë 1.6 milionë njer...
Foto ilustruese RUSI- Rusia po kopjon taktikat e Iranit në përpjekjen për të shmangur sanksionet perëndimore, thotë një ...
Kabina telefonike KINË- Kina ka mbyllur komisariatet sekrete në Britani. Lajmin e ka bërë të ditur për mediat ministri britan...
Shpërthimi i digës UKRAINË- Kopshti Zoologjik i Kazkovës së Dibrovës, ku jetojnë rreth 300 kafshë ësht&eu...
Rishi Sunak BRITANI E MADHE- Kryeministri Rishi Sunak është 'masakruar' pa mëshirë për zgjedhjen e këpucë...
Ferma e luleshtrydheve në Berlin GJERMANI- Ferma 'Karls Erdbeerhof' në Berlin është përfshirë nga flakët pasditen e sotm...
Takimi i emisarëve dhe Kurtit Zëvendësndihmësekretari Amerikan i Shtetit i cili ndodhen në një vizitë zyrtare në Ko...
