Zjarret "pushtojnë" vendin, Fushë-Kruja prej tre ditësh në luftë me flakët, në Mallakastër rrezikohen banesat
Dy vatra zjarri përfshijnë Shelegarin dhe Bregasin, forca të shumta zjarrfikëse në terren 23 Korrik, 1...
Dy vatra zjarri përfshijnë Shelegarin dhe Bregasin, forca të shumta zjarrfikëse në terren 23 Korrik, 1...
Jashtë protestë, brenda Kuvend/ Sot seanca e fundit e sesionit parlamentar, nga raportimet e institucioneve të pavarura te interp...
VIDEOLAJM/ Flamingot “mbërrijnë” para Kuvendit: Këtu vendosim ne 23 Korrik, 09:25 Tensione para Kuv...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Kërcënimi nga Trump vjen gjithashtu pasi forcat përfaqësuese të Iranit në Jemen, huthët, kërcënuan me sulme ndaj një rruge tjetër jetike për transportin e naftës botërore.
Presidenti i Shteteve të Bashkuara, Donald Trump, është zotuar të mërkurën se do ta shkatërrojë një urë ose një termocentral në Iran, sa herë që Teherani e sulmon ndonjë anije në Ngushticën e Hormuzit.
"Nga ky çast e tutje, sa herë që Republika Islamike e Iranit qëllon ndaj një anijeje në Ngushticën e Hormuzit, qoftë me raketë, predhë, dron apo me çfarëdo pajisjeje ose arme tjetër, Shtetet e Bashkuara do të bombardojnë dhe do të shkatërrojnë një urë ose një termocentral", shkroi Trump në një postim në rrjetin Truth Social.
Kërcënimi nga Trump vjen gjithashtu pasi forcat përfaqësuese të Iranit në Jemen, huthët, kërcënuan me sulme ndaj një rruge tjetër jetike për transportin e naftës botërore.
Pesë cisterna nafte ndryshuan kurs në Detin e Kuq të mërkurën për të shmangur Ngushticën Bab el-Mandeb, një ditë pasi kërcënimi i huthëve për të bllokuar eksportet saudite të naftës nxori në pah një rrezik të ri për furnizimet globale me naftë, si pasojë e përshkallëzimit të konfliktit.
Tri cisterna të ngarkuara me naftë saudite për Kinën dhe Indinë u kthyen mbrapsht të martën.
Në përgjigje të kërcënimit të Trumpit ndaj infrastrukturës iraniane, një zyrtar i lartë iranian paralajmëroi më 22 korrik se "asnjë infrastrukturë nuk do të jetë e sigurt", nëse Shtetet e Bashkuara zbatojnë kërcënimin e presidentit Trump për t’i goditur urat dhe termocentralet iraniane si përgjigje ndaj sulmeve mbi anijet në Ngushticën e Hormuzit.
"Nëse siguria jonë nuk garantohet, asnjë infrastrukturë nuk do të jetë e sigurt", shkroi në rrjetin X Mohammad Baqer Qalibaf, kryetar i Parlamentit të Iranit dhe negociatori kryesor në bisedimet për armëpushim.
Qalibaf tha gjithashtu se siguria në Ngushticën e Hormuzit mund të rikthehet vetëm "në mungesë të forcave amerikane", duke shtuar se "situata në ngushticë nuk do të kthehet më në gjendjen që ishte para luftës".
Bllokada pothuajse e plotë e Ngushticës së Hormuzit nga Irani në Gjirin Persik ka nxitur rritjen e inflacionit në mbarë botën, ndërsa rreziku i ri për transportin detar nga Huthët, të cilët kontrollojnë zona pranë Ngushticës Bab el-Mandeb, i çoi çmimet e naftës pranë nivelit më të lartë në gati gjashtë javë.
Miliona fuçi naftë saudite në ditë janë transportuar drejt portit Yanbu të Arabisë Saudite në Detin e Kuq për të shmangur Ngushticën e Hormuzit.
Nëse dërgesat nuk mund të kalojnë përmes Ngushticës jugore Bab el-Mandeb në Detin e Kuq, ato kanë vetëm rrugën veriore përmes Kanalit të Suezit, gjë që zgjat udhëtimin me javë të tëra dhe rrit ndjeshëm kostot e transportit dhe transitit.
Nata e 11-të radhazi e bombardimeve amerikane ndaj Iranit
Sulmet amerikane janë zgjeruar ditët e fundit nga jugu drejt zonave perëndimore dhe qendrore të Iranit. Ndërsa, Irani ka goditur këtë javë impiante jetike të desalinizimit të ujit dhe objekte energjetike në Kuvajt, si dhe ka shënjestruar asete ushtarake amerikane atje, në Bahrejn dhe në Jordani.
Në natën e 11-të radhazi të bombardimeve amerikane ndaj Iranit, banorët e Teheranit raportuan shpërthime në orët e para të së mërkurës, të shkaktuara nga sistemet e mbrojtjes ajrore të aktivizuara mbi kryeqytet, njoftoi agjencia gjysmëzyrtare iraniane e lajmeve Fars.
Tri lokacione në provincën Bushehr të Iranit, ku ndodhet centrali i vetëm bërthamor i vendit, u goditën, tha një zyrtar për agjencinë shtetërore iraniane IRNA, përfshirë një nënstacion elektrik pranë centralit.
Mediat iraniane raportuan gjithashtu se Shtetet e Bashkuara shënjestruan lokacione në qarkun Kabudarahang, në provincën qendrore Hamadan, pa dhënë hollësi të mëtejshme.
Ushtria iraniane tha se goditi objektet e akomodimit dhe magazinimit në bazën ajrore amerikane Al Azraq në Jordani, shënjestroi depot dhe hangarët e mirëmbajtjes së avionëve në bazën ajrore Sheikh Isa në Bahrein, si dhe goditi Kampin Doha në Kuvajt.
Jordania, Kuvajti dhe Bahrejni thanë se kishin zmbrapsur sulmet iraniane.
Një zyrtar i Ministrisë iraniane të Shëndetësisë tha se që nga fundi i muajit të kaluar janë vrarë 53 civilë dhe janë plagosur 592 të tjerë, por ushtria amerikane ka deklaruar se nuk shënjestron kurrë civilë.
Lufta ka çuar në vdekjen e 18 ushtarakëve amerikanë dhe plagosjen e më shumë se 450 trupave.
Trump mori pjesë të mërkurën në një ceremoni në Bazën Ajrore Dover në Delauerë për katër ushtarakë amerikanë të vrarë në sulmet iraniane ndaj bazave ushtarake gjatë ditëve të fundit - tre në Jordani dhe një në Irak.
"Për mua, kjo është një nga gjërat më të vështira që duhet të bëj si president. Por duhet bërë", tha ai para se të nisej për në ceremoni.
Rubio: Irani nuk është serioz në bisedime
Ndërkohë, Irani ka këmbëngulur të ruajë kontrollin mbi Ngushticën e Hormuzit që e vendosi gjatë kësaj lufte, e cila filloi me bombardimet nga Shtetet e Bashkuara dhe Izraeli më 28 shkurt.
Sekretari amerikan i Shtetit, Marco Rubio, tha se lejimi i Iranit për të pasur një kontroll të tillë do të krijonte një precedent të rrezikshëm për botën, përfshirë Azinë Juglindore, ku shumë vende kanë mosmarrëveshje territoriale me Kinën në Detin e Kinës Jugore.
Ai tha se Irani nuk ka qenë serioz në bisedime.
"Nëse ata janë seriozë, edhe ne jemi seriozë. Nëse nuk janë, atëherë do të bëjmë atë që është e nevojshme për të mbrojtur interesat tona, si edhe interesat e aleatëve tanë", u tha ai gazetarëve gjatë një takimi të ministrave të Jashtëm të vendeve të Azisë Juglindore në Manila./REL
Foto ilustruse Ushtria ukrainase ka sulmuar depot e kompanisë më të madhe të shitjeve online në Rusi, Wildberries. Ky ësht&eu...
Pamje Gaza- Një sulm me dron izraelit ka goditur kampin e refugjatëve Nusseirat, në pjesën qendrore të Rripit të Gazës, ...
Pamje ITALI- Siçilia po përballet me një situatë kritike për shkak të zjarreve të shumta që kanë përfsh...
Foto ilustruse PERU- Dhjetë persona përfshirë pesë fëmijë të mitur, vdiqën në një zjarr që shpë...
Pamje ITALI- Një vajzë nëntëvjeçare nga Maroku vdiq mesditën e së martës pasi u përfshi nga rrymat në l...
Pamje ROTERDAM- Të paktën 15 persona u plagosën pasi dy tramvaje u përplasën mwngjesin e kwsaj tw mwrkure në U...
Droni detar ukrainas MAGURA. Ukraina dhe Shtetet e Bashkuara kanë nënshkruar një letër dypalëshe të qëllimit që sh...
Pamje BULLGARI- Europa Juglindore pritet të përballet me një valë të re moti ekstrem gjatë 24 orëve të ardhshme, me...
Foto ilustruse IRAN- Ministria iraniane e shëndetësisë ka deklaruar ditën e sotme se sulmet amerikane ndaj Iranit kanë vrarë ...
Muzeu i Luvrit FRANCA- Salla Apollo në Muzeun e Luvrit rihapi dyert për publikun këtë të mërkurë, n&...
