E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
• Europa vijon të jetë prej ditësh nën pushtetin e flakëve, ku mijëra hektarë pyje janë djegur si dhe shumë banesa në afërsi të zonave afër vatrave të zjarrit u shkrumbuan • Britania shënoi temperaturën rekord prej 40 gradësh ditën e sotme duke shkatuar zjarre masive të cilët të ndihmuar dhe nga era u përhapen me shpejtësi • Greqia paraqet një situatë serioze dy ditët e fundit ku zjarret tashmë kanë përfshirë dhe banesa duke i lënë njerëzit në qiell të hapur dhe duke u rrezikuar jetën • Një i moshuar grek i dha fund jetës duke përdorur një pistoletë pasi shtëpia e tij u shkrumbua nga flakët, ai u gjet i shtrirë mes rrënojave në zonën mes Pallinit dhe Anthousa-s • 95 zjarrfikëse me tre grupe njësish këmbësore, 34 automjete, 7 avionë dhe pesë helikopterë janë në betejë me flakët në rajonet e Zachoulit, Alepochori dhe Zahouli ku janë evakuuar dhe banorët
5 artikuj për këtë temë.
MAQEDONIA E VERIUT- Zjarret masive ditët e fundit kanë pushtuar Greqinë. Ministrja e Mbrojtjes, Sllavjank Petrovska ditën e sotme njoftoi se do të solidarizohen me fqinjin dhe aleatin e tyre, Greqinë, në luftën kundër zjarreve.
Në një deklaratë nga Ministrja e Mbrojtjes Slavjanka Petrovska, tha se Maqedonia e Veriut do të dërgojë në Greqi një helikopter për të ndihmuar në fikjen e zjarreve.
“Maqedonia e Veriut do të dërgojë në Greqi një helikopter për të ndihmuar në fikjen e zjarreve, ndërsa 30 ushtarakë janë të gatshëm të ndihmojnë nëse paraqitet nevoja. Së bashku jemi më të fortë, së bashku mund të dalim fitimtarë në luftën kundër këtyre fatkeqësive natyrore!”, njoftoi ministrja e Mbrojtjes, Slavjanka Petrovska.
GREQI- Vazhdon të jetë jashtë kontrollit zjarri i rënë rreth orës 14:00 në Megarë, konkretisht në zonën e Venizës, pranë Alepochorit. Zjarrfikësit po bëjnë një betejë të madhe për të frenuar zjarrin dhe për të parandaluar përhapjen e tij. Në fshatin Zachouli, i cili u evakuua më herët, raportohet për dëme në shtëpi. Zjarri është përhapur në Pefkineas Megaron.
Megjithatë, përpjekjet për shuarjen e zjarrit janë të vështira, si për shkak të erërave tw forta dhe tymit të dendur, i cili vështirëson dukshmërinë, gjë që krijon probleme edhe për mjetet ajrore, të cilat nuk mund të operojnë, pasi nuk kanë akses, shkruajnë mediat.
Zjarri po përparon në jug, në rrugën për në Alepochori, ndërsa zjarrfikësit po luftojnë për të ndalur përparimin e tij dhe për të mos kërcënuar banesat atje. Në vendngjarje është bërë rregullimi i qarkullimit, ndërsa nuk mungojnë edhe forcat e policisë, si dhe një ambulancë e EKAB-it për arsye parandalimi.
Pak pas orës 17:00 të pasdites, në vendngjarje po operonin 95 zjarrfikëse me tre grupe njësish këmbësore, 34 automjete, 7 avionë dhe pesë helikopterë, nga të cilët njëri ishte koordinator. Operacioni mbështetet nga zjarrfikësit vullnetarë, pushteti vendor dhe ELAS.
Situata paraqitet e vështirë, pasi tymi i zi është përhapur në zonë, ndërsa flakët kanë mbërritur edhe në banesat e fshatit Zahouli. Për shkak të ngarkesës së nxehtësisë dhe tymit, ka vështirësi në funksionimin e mjeteve ajrore. Në të njëjtën kohë, zjarrfikësit dhe vullnetarët po luftojnë për të mos ikur zjarrit në Megara.
BRITANI- Në Britaninë e Madhe temperaturat këtë javë kanë shënuar më shumë se 40 gradë Celsius për herë të parë. Shërbimet e zjarrëfikësve kanë raportuar se në disa qytete kanë shpërthyer zjarre masive. Në qytetin lindor të Londrës, Wennington një zjarr masiv ka djegur shumë shtëpi.
Sipas raportimeve të banorëve për BBC, thanë se 8 shtëpi dhe një kishë janë shkrumbuar nga zjarri, ndërsa një zjarrëfikës e ka përshkruar këtë ngjarje si një “ferr”. Një qytetar, Tim Stark, i cili lajmëroi zjarrëfikësit në momentin kur shtëpia e tij u rrethua nga flakët, tha për BBC se në fillim kishte parë se kopshti i fqinjit të tij kishte marrë flakë, por pavarësisht përpjekjeve të tyre më të mira me një zorrëuji nuk kishin mundur të ndaloni përhapjen e tij, raporton BBC.
Sekretarja e Brendshme Priti Patel tha se ajo ishte informuar për "zjarret" dhe i kërkoi publikut të ndiqnin këshillat e sigurisë nga shërbimi i tyre lokal i zjarrfikësve. Në kryeqytet u bënë thirrje qytetarëve që të mos bëjnë barbekju dhe të kenë kujdes në hedhjen e cigareve. Aeroporti Heathroë ishte vendi i parë që shënoi temperaturën më shumë se 40 gradë Celsius, por disa vende të tjera kaluan gjithashtu 40 gradë Celsius gjatë pasdites, duke përfshirë Gringley në Hill në Nottinghamshire dhe St James's Park, Keë Gardens dhe Northolt.
Një pjesë e madhe e Anglisë lindore, nga Surrey në South Yorkshire, temperaturat ishin midis 39 gradë Celsius dhe 40 gradë Celsius. Skocia për herë të parë regjistroi tempëraturën më të lartë ndobnjëherë që nga viti 2003, e cila sipas shifrave të meterologëve ishte 34.8 gradë Celsius.
GREQI- Një qytet i Greqisë është përfshirë nga flakët e një zjarri masiv, ku ka humbur jetën një 80-vjeçar. Ai është gjetur nga autoritetet policore i pajetë në shtëpinë e tij.
Sipas raportimit policor, 80-vjeçari që u gjet i rrethuar nga flakët në zonën mes Pallinit dhe Anthousa-s i ka dhënë fund jetës duke përdorur një pistoletë. Shtëpia e tij ishte djegur tre herë në të kaluarën nga zjarret. Zjarrëfikësit po bëjnë të pamundur për shuarjen e zjarrit masiv.
