Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Vizitorët e parë që mbërritën në qytet u përballën me tabela të mëdha ku janë radhitur 29 data të ndryshme deri në muajin korrik, gjatë të cilave do të ketë edhe hyrje të veçanta në qytet për vizitorët, banorët, studentët dhe punëtorët.
VENECIA- Një program pilot filloi në qytetin italian Venecia që synon të vendosë nën kontroll fluksin e vizitorëve të shumtë që mbërrijnë në këtë qytet turistik dhe të lehtësojë jetën e banorëve. Nga e enjtja vizitorët do të duhet të paguajnë 5 Euro për të hyrë në qytet në ditët më të ngarkuara të vitit.
Vizitorët e parë që mbërritën në qytet u përballën me tabela të mëdha ku janë radhitur 29 data të ndryshme deri në muajin korrik, gjatë të cilave do të ketë edhe hyrje të veçanta në qytet për vizitorët, banorët, studentët dhe punëtorët.
“Duhet të gjejmë një balancë të re mes turistëve dhe banorëve”, tha Simone Venturini, drejtuesi i turizmit për qytetin e Venecias. “Duhet të ruajmë hapësirat për banorët dhe të dekurajojmë ardhjen e vizitorëve ditorë në periudha të caktuara”.
Sidoqoftë, jo të gjithë banorët janë të bindur për efektshmërinë e këtij sistemi të ri që dekurajon turizmin masiv. Ata këmbëngulin se vetëm një rigjallërim i popullsisë vendase do të rikthente balancën në këtë qytet ku rrugicat e ngushta dhe varkat që shërbejnë si taksi janë shpesh të mbingarkuara me turistë.
Qindra venecianë protestuan kundër programit të ri, duke marshuar drejt stacionit kryesor të autobuzëve të qytetit, me parrulla si “Jo biletave, Po shërbimeve dhe strehimit”. Ata u përballën me policinë që ua ndaloi hyrjen në qytet, duke i detyruar të ndryshonin drejtimin dhe të hynin nëpërmjet një ure, ndërsa shoqëroheshin nga policë të veshur civilë. Demonstrata u përmbyll paqësisht në një shesh të qytetit.
Turistët që mbërritën në qytet u pritën nga gazetarë të shumtë dhe punonjës që i orientonin për rregullat e reja dhe i ndihmonin se si të merrnin në celularë kodin QR për të bërë pagesën e taksës së re.
Vizitorët që vinin nga qytetet e tjera të Italisë thanë se u ndjenë të habitur ndërsa iu kërkua të paguanin për të hyrë në një qytet të vendit të tyre, ndërsa i orientonin drejt hyrjeve të caktuara për turistët.
Pasi kaloheshin procedurat e hyrjes, vizitorët priteshin nga punonjës të veshur me jelekë të verdhë që bënin kontrolle të herëpashershme në stacionin e trenit. Shkelësve iu vendosën gjoba nga 50 deri në 300 Euro, por zyrtarët thanë se po tregonin më shumë mirëkuptim në këtë fazë fillestare të programit të ri.
Rregulla e reja do të vlejnë për personat që mbërrijnë nga ora 8:30 e mëngjesit dhe deri në 4 të pasdites. Jashtë këtij orari, hyrja do të jetë falas dhe e pakufizuar.
Venecia ka përjetuar prej kohësh trysninë e turizmit të mbingarkuar dhe zyrtarët shpresojnë që projekti pilot mund të ofrojë shifra më të sakta për ta menaxhuar më mirë këtë dukuri.
Qyteti është në gjendje të monitorojë numrin e vizitorëve që regjistrohen nëpër hotele. Vitin e kaluar ishin 4.6 milionë dhe kjo është një shifër 16% më e ulët se nivelet e larta përpara pandemisë. Por, numri i turistëve ditorë, që janë shumica e vizitorëve në Venecia mund të përllogaritej vetëm bazuar në hamendësime. Një zyrë operacionale që u krijua në qytet gjatë pandemisë filloi të gjurmojë numrin e të ardhurve nëpërmjet të dhënave të celularëve. Ky monitorim i ri konfirmoi vlerësimin e bërë para pandemisë për rreth 25 deri në 30 milionë vizitorë në vit, tha Michele Zuin, drejtuese për çështjet ekonomike të qytetit. Në këtë shifër përfshihen të gjithë vizitorët, ata ditorë dhe ata të regjistruar nëpër hotele./VOA
Alyaksandr Lukashenka BJELLORUSI- Udhëheqësi autoritar Alyaksandr Lukashenka, tha se “dhjetëra armë bërthamore ruse” j...
Besnik Bislimi KOSOVA- Kosova dhe Serbia nuk arritën ndonjë marrëveshje për çështjen e transferimit të mjeteve financ...
foto ilustruese SUEDI- Suedia do të dërgojë një batalion në Letoni vitin e ardhshëm për të kontribuar në forc&...
foto ilustruese NIGERI- Të paktën 118 të burgosur u arratisën nga burgu pasi shirat e dendur të mërkurën mbrëma d&e...
Sigfrido Ranucci ITALI- Gazetari Sigfrido Ranucci dhe drejtuesi i emisionit Report, ka ndarë ditën e djeshme një histori personale sesi i ka...
foto ilustruese JEMEN- Një dron i nisur nga një zonë në Jemenin e kontrolluar nga Houthit është kapur nga misioni i BE-së...
foto ilustruese SHBA- Anëtarët e Gjykatës së Lartë, si ata liberalë edhe ata konservatorë, duket se janë në nj...
Chip Roy AMERIK- Kongresmeni Chip Roy po akuzon miliarderin liberal George Soros se po përpiqet të përshpejtojë blerjen e ti...
foto ilustruese SHBA- Senati i SHBA-së ka miratuar një projektligj që mund të ndalojë përdorimin e aplikacionit TikTok në...
Millorad Dodik BOSNJE HERCEGOVINA- President i Republika Srpska Millorad Dodik ka deklaruar se nëse miratohet rezoluta për Srebrenic&...
