Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
E ardhmja e Presidentit Biden dhe ajo e udhëheqësit republikan McCarthy janë të ndërthurura në këtë thellim të hetimit të Kongresit ndaj Presidentit. Edhe nëse Dhoma e Përfaqësuesve miraton ngritjen e akuzave për shkarkimin e Presidentit, ka pak të ngjarë që Senati i kontrolluar nga demokratët, të bjerë dakord për zhvillimin e gjyqit ndaj tij.
SHBA- Presidenti Joe Biden thotë se ai "është i përqendruar në gjërat për të cilat ka nevojë populli amerikan", jo në teatrin politik të Dhomës së Përfaqësuesve, e cila ka hapur hetime, për të shqyrtuar, nëse ka apo jo prova, për ngritjen e akuzave për shkarkimin e presidentit lidhur me marrëveshjet financiare të djalit të tij Hunter Biden me kompani të huaja. Demokratët i quajnë hetimet një përpjekje për të larguar vëmendjen nga gjërat e rëndësishme. Hetimet ndodhin në një kohë kur ligjvënësit duhet të arrijnë një marrëveshje me Presidentin Biden për të mbajtur qeverinë të hapur pas 30 shtatorit.
Presidenti amerikan Joe Biden shkoi në kishë, në shtetin e tij, Delauer, vetëm disa ditë pasi republikanët në Dhomën e Përfaqësuesve hapën një hetim ndaj tij, duke përmendur dyshimet për korrupsion. Shtëpia e Bardhë i quan hetimet goditje politike.
“Republikanët e Dhomës së Përfaqësuesve kanë zbuluar fakte serioze dhe të besueshme për shkelje nga Presidenti Biden. Të marra së bashku, këto akuza japin një pasqyrë të një kulture korrupsioni”, tha javën e kaluar Kryetari i Dhomës së Përfaqësuesve, Kevin McCarthy.
Ai theksoi se akuzat nxjerrin në pah çështjet si "shpërdorim detyre, pengim të drejtësisë dhe korrupsion", të cilat "kërkojnë hetime të mëtejshme nga Dhoma e Përfaqësuesve". Demokratët thonë se ky është një nga rastet më të këqija të një loje politike me motive partiake.
“Shtëpia e Bardhë ka bashkëpunuar dhe besoj se do të vazhdojë të bashkëpunojë, sepse nuk ka asgjë për të fshehur. Nuk ka fakte që sugjerojnë se Presidenti Biden është përfshirë në ndonjë shkelje të ligjit dhe vepra që do të çonin në ngritjen e akuzave për shkarkim. Ky është një hetim i paligjshëm për ngritje të akuzave për shkarkimin e tij”, tha udhëheqësi i pakicës demokrate në Dhomën e Përfaqësuesve, Hakeem Jeffries.
Republikanët thonë se duan më shumë informacion në lidhje me akuzat.
“Faktet janë kudo. Ka mesazhe sms, emaile, dëshmitarë, sinjalizues, takime dhe telefonata. Kemi dëshmi për darka dhe nuk mund të thuhet se këto nuk do të çojnë në zbulime të veprave të tjera”, thotë ligjvënësja republikane Nancy Mace.
Ish-presidenti Donald Trump, kandidat republikan për president, i cili përballet vetë me më shumë se 40 akuza penale në disa çështje gjyqësore, thotë se ai mbështet mbylljen e qeverisë, nëse republikanët e Dhomës së Përfaqësuesve nuk arrijnë atë që ai e quan "një marrëveshje të drejtë" për një buxhet afatshkurtër. Ai nuk dha hollësi mbi atë se çfarë do të duhet të përmbante një “marrëveshje e drejtë” për buxhetin.
E ardhmja e Presidentit Biden dhe ajo e udhëheqësit republikan McCarthy janë të ndërthurura në këtë thellim të hetimit të Kongresit ndaj Presidentit. Edhe nëse Dhoma e Përfaqësuesve miraton ngritjen e akuzave për shkarkimin e Presidentit, ka pak të ngjarë që Senati i kontrolluar nga demokratët, të bjerë dakord për zhvillimin e gjyqit ndaj tij.
Ndërkohë, Dhoma e Përfaqësuesve ka vetëm disa ditë pune për të miratuar një buxhet të përkohshëm për financimin e qeverisë për të shmangur mbylljen e saj. Disa republikanë konservatorë po kërkojnë shkurtime më të mëdha të shpenzimeve qeveritare se sa niveli për të cilin ligjvënësi McCarthy kishte rënë dakord në kuadër të një marrëveshje buxhetore me Presidentin Biden në fillim të këtij viti.
Marrë nga VOA
foto ilustruese GREQI- Policia greke ka bërë me dije se janë arrestuar dy shtetas turq pasi akuzohen për spiunazh, raportojnë...
foto ilustruese BRUKSEL- Pas takimit në Bruksel mes kryeministrit Albin Kurti dhe presidentit të Serbisë Aleksandër Vuçi&cc...
pamje nga protesta IRAN- Mbi 260 persona janë arrestuar në Iran gjatë protestave të zhvilluara në fundjavë. Protestat u zhvi...
Petar Petkoviç SERBI- Shefi i Zyrës për Kosovën në Qeverinë e Serbisë, Petar Petkoviç gjatë një ...
foto ilustruese ANTARKTIDË- Të dhënat satelitore tregojnë se akulli i detit që rrethon Antarktidën është shumë...
Muhammed Seyh Ahmed TURQI- Një ngjarje e rëndë ka ndodhur në Turqi, ku një 17-vjeçar ka vrarë shokun e tij t...
foto ilustruese Anëtarët e grupit për klimën Gjenerata e Fundit, e kanë bllokuar trafikun në disa pjesë të Berlinit...
pamje nga vendngjarja SHBA- Sërish pushuesit e plazhit në Florida janë përballur me një peshkaqen në breg. Ndryshe nga p...
foto nga vendngjarja SHBA-Dy pilotë kanë humbur jetën pas përplasjes së avionëve të tyre gjatë Garave Ajrore të...
Foto ilustruese IRAN- Pesë shtetas amerikanë që mbaheshin të ndaluar në Iran, pritet të lirohen sot dhe të largohen nga ...
