6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Komisioni Qendror i Zgjedhjeve tha se votën e tyre e hodhën 1 mijë e 567 qytetarë apo 3.47 për qind e rreth 45 mijë votuesve të regjistruar. Nga dhjetë kandidatë për postet e kryetarëve, vetëm një është nga radhët e komunitetit serb, pasi Lista Serbe dhe partitë tjera më të vogla nga radhët e këtij komuniteti i bojkotuan zgjedhjet me kërkesën e Beogradit zyrtar.
Me pjesëmarrje të ultë dhe bojkotim nga ana e partive politike serbe, në katër komunat në veriun e Kosovës, të dielën u zhvilluan votimet për zgjedhjen e kryetarëve të Mitrovicës së Veriut, Zveçanit, Leposaviqit dhe Zubin Potokut. Votat e pakta u hodhën në 13 qendra votimesh të improvizuara në kontejnerë dhe gjashtë syresh në qendrat e rregullta.
Komisioni Qendror i Zgjedhjeve tha se votën e tyre e hodhën 1 mijë e 567 qytetarë apo 3.47 për qind e rreth 45 mijë votuesve të regjistruar. Nga dhjetë kandidatë për postet e kryetarëve, vetëm një është nga radhët e komunitetit serb, pasi Lista Serbe dhe partitë tjera më të vogla nga radhët e këtij komuniteti i bojkotuan zgjedhjet me kërkesën e Beogradit zyrtar.
Slagjana Pantoviç, që është kandidate për postin e kryetares së komunës së Zveçanit tha se këto zgjedhje janë të njëjta si të gjitha të mëparshmet.
“Dhe nëse ne (serbët) nuk marrim pjesë, atëherë cilat janë shpresat tona për të ardhmen. Nëse nuk ka asnjë kandidat serb në zonat e banuara nga serbët, cilat do të ishin shpresat tona?”, tha ajo.
Në komunën e Mitrovicës së Veriut kandidatët shqiptarë për kryetarë të komunës thanë se presin ditë të mira për qytetin pas zgjedhjeve.
“Unë jam mese i bindur se për Mitrovicën po vinë më në fund ditë të mira. Kanë përfunduar ditët kur komuna veriore e Mitrovicës u përmend veç me konotacion të keq dhe ka pasur vetëm lajme të këqija”, tha Erden Atiç, kandidat për kryetar të komunës së Mitrovicës së Veriut nga lëvizja Vetëvendosje. Qytetarët shqiptarë dhe serbë kanë qëndrime të ndryshme për procesin e votimit në veriun e Kosovës. Derisa shqiptarët mendojnë që serbët po frikësohen të dalin në zgjedhje, qytetarët serb të veriut thonë se duhet kompromis për të mbajtur zgjedhje të drejta dhe legjitime.
“Vetëm politika e Beogradit po i shantazhon sepse qytetarët e rëndomtë nuk e kanë mendimin sikurse qeveria e tyre, por kanë frikë”, tha Naser Selimi nga fshati Qabër në komunën e Zubin Potokut.
“Këto zgjedhje po mbahen për inat, sërish me një dekret nga Prishtina, që vazhdon të përpiqen të arrijë një zgjidhje politike pa marrëveshje me serbët e Kosovës...”, tha Miodrag Marinkoviç nga Mitrovica e Veriut.
"Demokracia me forcë - jo. Thjesht, është procesi i zhvillimit të një ideologjie në formën e demokracisë dhe kjo nuk mund të bëhet në pesë ose 10 ditë. Duhet të ketë një kompromis, duhet të ketë një marrëveshje dhe gjithçka tjetër”, tha Jovan Knezheviç nga Mitrovica e Veriut. Autoritetet në Kosovë u bënë thirrje qytetarëve serbë që të dalin në votime në mënyrë që të zgjedhin institucionet lokale, të rëndësishme për jetën e tyre.
Presidenti i Serbisë, Aleksandar Vuçiç, i cilësoi zgjedhjet e së dielës si zgjedhje pushtuese, ndërsa kryeministrja serbe, Ana Bërnabiç, duke postuar disa fotografi të policëve të Kosovës pranë kontejnerëve të votimit shkroi se “këto janë imazhet që me të vërtetë përshkruajnë “sundimin e ligjit” dhe kuptimin e vërtetë të “zgjedhjeve demokratike” në Kosovë të mbështetura nga Bashkimi Evropian dhe vendet e ‘Quintit’”.
Autoritetet në Serbi kanë kritikuar ashpër vendet kryesore perëndimore për mbështetjen e zgjedhjeve të së dielës, duke theksuar se qëllimi i tyre është pamundësimi i themelimit të Asociacionit të komunave me shumicë serbe, me të cilin ata kushtezojnë pjsëmarrjen në institucionet e Kosovës.
Diplomatët perëndimorë nuk e kanë kundërshtuar mbajtjen e zgjedhjeve në veriun e Kosovës edhe pa pjesëmarrjen e Listës Serbe, subjektit kryesor politik serb, ndërsa u kanë bërë thirrje Kosovës dhe Serbisë që të punojnë në kthimin e serbëve të Kosovës në institucione dhe zbatimin e marrëveshjes për normalizimin e marrëdhënieve ndërmjet tyre.
Postet e kryetarëve të komunave në veri të Kosovës mbetën bosh në nëntor të vitit të kaluar kur përfaqësuesit serbë në zonë dhanë dorëheqje nga vendet e tyre të punës, mes tensioneve për shkak të mospajtimeve ndaj një vendimi të qeverisë në Prishtinë për konvertimin e targave të makinave të lëshuara nga Serbia. Zgjedhjet në zonë u zhvilluan pa ndonjë incident ndërsa vëzhguesit tërheqin vërejtjen se sfida e vërtete do të mund të shfaqet kur të fillojë zbatimi i rezultateve të tyre.
Grupi i organizatave për vëzhgimin e zgjedhjeve “Demokracia në Veprim”, tha se “ndonëse zgjedhjet plotësuan kriteret minimale ligjore, ato nuk garantojnë legjitimitet politik e përfaqësues të institucioneve që do të prodhohen nga to”./VOA
Millan Radoiçiç KOSOVË- Nënkryetari i Listës Serbe, Millan Radoiçiç, tha se populli serb në Kosovë &ld...
Foto ilustruese KOSOVË- Komisioni Qendror i Zgjedhjeve tha se sipas rezultateve preliminare, Lëvizja Vetëvendosje ka fituar garën p&eum...
Petar Petkoviç KOSOVË- Drejtori i Zyrës për Kosovën të Qeverisë së Serbisë, Petar Petkoviç tha se fi...
Armend Muja KOSOVË- Lëvizja Vetëvendosje ka shpallur fitoren në zgjedhjet e parakohshme për kryetarë komune në Mitrovic&...
Foto ilustruese KOSOVË- Komisioni Qendror i Zgjedhjeve bëri të ditur se është përmbyllur procesi zgjedhor në katër ...
Pamje nga Gjermania BERLIN- Një tren goditi një makinë në Gjermani, e si pasojë humbën jetën të tre personat në...
Foto ilustruese Pas një mungesë globale të gjysmëpërçuesve në industrinë e automjeteve gjatë kohës s&eu...
Sergei Avakyants MOSKË- Vladimir Putin thuhet se ka shkarkuar një zyrtar të lartë ushtarak pasi ky i fundit refuzoi të dërgon...
Foto ilustruese PRISHTINË- Mbyllet votimi në katër komunat në veri të Kosovës për zgjedhjet e parakohshme lokale. Q...
Millorad Dodik Presidenti i Republikës Srpska, Millorad Dodik, foli më 23 prill në ngjarjen për të shënuar Ditën e P&eum...
