Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kryetarët e Listës Serbe kanë dhënë dorëheqje për shkak të vendimit të Qeverisë së Kosovës për zbatimin e procesit të riregjistrimit të automjeteve nga targat serbe në targa të Kosovës.
KOSOVË- Më 23 prill do të mbahen zgjedhjet e jashtëzakonshme për kryetarët e 4 komunave në veri të Kosovës, Mitrovicë e Veriut, Leposaviç, Zveçan dhe Zubin Patok. Kryetarët e Listës Serbe kanë dhënë dorëheqje për shkak të vendimit të Qeverisë së Kosovës për zbatimin e procesit të riregjistrimit të automjeteve nga targat serbe në targa të Kosovës. Zgjedhjet e paralajmëruara më parë, për 18 dhjetor të vitit të kaluar, u shtynë me kërkesë të bashkësisë ndërkombëtare. Më herët Lista Serbe njoftoi se nuk do të marrë pjesë në zgjedhje duke pretenduar se shkak për këtë vendim sipas tyre është bërë dhuna e vazhdueshme institucionale që zbaton regjimi i Albin Kurtit. Por ditët e fundit, presidenti serb Aleksandër Vuçiç paraqiti një kusht ndaj qeverisë së Kosovës, për të formuar Asosacionin para zgjedhjeve në mënyrë që politikanët serbë të hiqnin dorë nga bojkoti.
Nisur nga kjo, Kosova sheh rrezik që situata në veri të vendit të destabilizohet këto ditë, në prag të zgjedhjeve të jashtëzakonshme në katër komuna të asaj pjese. Por kryeparlamentari Glauk Konjufca ka thënë se e kanë “garancinë” e ndërkombëtarëve se zgjedhjet nuk do të shtyhen edhe një herë.
Kjo situatë vjen përkundër marrëveshjes së arritur mes Kosovës dhe Serbisë më 18 mars në Ohër, e cila u konsiderua si një garanci për paqen në rajon. Kryetari i Kuvendit Glauk Konjufca, tha të premtën se Serbia nuk mund ta kushtëzojë Kosovën për zgjedhjet në veri dhe se për to kanë marrë një garanci nga ndërkombëtarët.
“Nuk mund të kushtëzohemi prej Vuçiqit, prej Beogradit, prej Serbisë, që ata të vendosin se kur mundtë ketë zgjedhje ose jo në Kosovë. Zgjedhjet janë caktuar. Një kompromis i mëhershëm ka ndodhur dhe zgjedhjet janë shtyrë një herë. Ato janë shtyrë me kërkesën e bashkësisë ndërkombëtare. Ne kemi marrë garancinë prej tyre se nuk do të shtyhen më shumë se një herë”, tha Konjufca.
Ai e ka vlerësuar mbështetjen e vendeve të QUINT-it (SHBA, Britani e Madhe, Gjermani, Francë, Itali) për mbajtjen e zgjedhjeve më 23 prill, duke thënë se ai “ka qenë shumë pozitiv”.
Agjencia e Kosovës për Inteligjencë ka informacione se në Rashkë të Serbisë, pranë kufirit me Kosovën dy grupe po zhvillojnë trajnime për ta destabilizuar veriun, tha kryetarja e Komisionit për Mbikëqyrjen e AKI-së, Ganimete Musliu para gazetarëve të mërkurën e javës së kaluar.
“E ashtuquajtura Organizatë e Mbrojtjes Civile në bashkëpunim edhe me Listën Serbe në vazhdim kanë aktivitet në veri të vendit. Pjesëtarët e kësaj organizate po trajnohen në Rashkë për veprime destabilizuese në Kosovë. Atje vazhdon djegia e veturave të qytetarëve serbë me targa RKS. Po ashtu linçimi dhe presoni është rritur ndaj qytetarëve serbë që nuk i binden Listës Serbe. Prandaj si shtet duhet të përgatitemi për çdo provokim të situatës që mos të na zë në befasi. AKI-ja po e kryen punë me sukses dhe e ka përkrahjen e Komisionit për veprime konkrete. Unë flas zyrtarisht si institucion. Është e konfirmuar që dy grupe janë duke u stërvitur në Rashkë e që mund të merren me veriun e Kosovës. Ka stërvitje, gjuajte me armë, taktizim”, ka thënë ajo.
Indikacione për këtë kanë dhënë djegiet e disa veturave në veri ditët e fundit. Djegiet, sipas Bislimit, u bënë pasi në mars u shtua gatishmëria e qytetarëve serbë për t’i konvertuar targat e veturave të tyre në RKS.
“Brenda pak ditëve janë regjistruar afërsisht një e dhjeta e veturave të cilat nuk kanë qenë të konvertuara ende dhe me atë ritëm shumë shpejt do të kishim mundur t’i konvertojmë shumicën absolute të targave ilegale në Kosovë. Situata ka ndryshuar në prag të takimit në Bruksel”, ka thënë kryenegociatori i Kosovës në dialogun me Serbinë.
Presidenti serb, Aleksandër Vuçiç dhe kryeministrja Ana Bërnabiç dhe kryenegociatori Petar Petkoviç shkuan të enjten në Rashkë, aty ku u tha se po bëhen trajnime për destabilizimin e Kosovës. Aty, afër kufirit me Kosovën, ata u takuan me udhëheqësit e Listës Serbe që ka vendosur t’i bojkotojë zgjedhjet e 23 prillit. Kjo parti ka thënë se s’do të marrë pjesë në zgjedhje pa u përmbushur dy kërkesat e tyre: formimi i Asociacionit të komunave me shumicë serbe dhe tërheqja e të gjitha njësive speciale të Policisë së Kosovës nga veriu. Në këtë takim u miratuan pesë konkluzione. Së pari, ata kërkojnë “reagim urgjent” nga BE-ja ndaj Kosovës. Së dyti, ata e vendosin formimin e Asociacionit si “parakusht absolut” për vazhdimin e dialogut.
“Kërkesë për formimin e pakushtëzuar dhe urgjent të Asociacionit. Është një parakusht absolut për të gjitha hapat e mëtejshëm në dialog”, thuhet në konkluzionin e dytë.
Nga sot, ata thanë se do të kërkojnë tërheqjen e forcave të Policisë së Kosovës nga çdo vend në veri. Serbia kërkon që zgjedhjet e jashtëzakonshme të mbahen “pas formimit të Asociacionit”. Në lidhje me pjesëmarrjen në zgjedhje, Vuçiq tha se ua ka treguar perëndimorëve kushtin e tyre. “Kanë javë që thonë – ju lutem zoti Vuçiç, do t’ju shpallim fajtor nëse prishen zgjedhjet”, tha ai.
Kryetarët e Mitrovicës së Veriut, Zveçanit, Zubin Potokut dhe Leposaviçit, bashkë me serbët në disa institucione të vendit, kishin dhënë dorëheqje në shenjë proteste ndaj vendimit të Qeverisë së Kosovës për riregjistrim e automjeteve me targa ilegale serbe në ato RKS – Republika e Kosovës. Zgjedhjet e jashtëzakonshme fillimisht u planifikua të mbaheshin më 18 dhjetor të vitit të kaluar, mirëpo me rekomandimin e ndërkombëtarëve, ato u shtynë mes incidenteve të shkaktuara.
Bashkimi Europian dhe vendet e grupit QUINT – Shtetet e Bashkuara, Britania e Madhe, Italia, Franca dhe Gjermania – nuk kanë kërkuar më që zgjedhjet të shtyhen. Ato këtë herë vetëm kanë shprehur keqardhje pse Lista Serbe që ka marrë mbi 90 për qind të votave nga komuniteti serb dhe që mbështetet nga Beogradi, nuk e ka shfrytëzuar të drejtën për të marrë pjesë në zgjedhje.
Alexis Tsipras GREQI- Presidenti Alexis Tsipras në ditën e pashkëve otodokse ka zhvilluar një takim me oficerët dhe marinar&e...
Ovidio Guzman SHBA- Ambasadori amerikan në Meksikë, Ken Salazar, raportoi se përpjekjet për të ekstraduar Ovidio Guzman Lope...
Sudan SUDAN- Të dy palët në konfliktin në Sudan kanë rënë dakord për armëpushimin urgjent humanitar.&nbs...
Pamje nga sulmet në Sudan SUDAN- Një banor në Khartum, qyteti ku prej më shumë se dy ditësh është vënë n...
Rexhep Taip Erdogan TURQI- Pas dy dekadash në pushtet, Erdogan po përballet me një sfidë të përbashkët. Sondazhet trego...
Pamje nga sulmi në Sudan SUDAN- Luftimet që kanë shpërthyer në kryeqytetin sudanez, Khartoum dhe në disa zona të t...
Rusi SHBA- Shtetet e Bashkuara, Britania, Kanadaja, Japonia dhe Franca kanë krijuar një aleancë për të zhvilluar një zinxhir ...
Jade Alyssa Alvarez dhe Adam Bird SHBA- Një ngjarje e rëndë ka tronditur San Antonion, Teksas ku Adam Bird 23-vjeç ka ...
Kriptomonedha KOSOVË- Ministrja e Ekonomisë, Artane Rizvanolli, ka njoftuar se Policia e Kosovës sot ka konfiskuar 20 pajisje të k...
Foto: The Sunday Times “Në një shtet të vogël ku Blair dhe Clinton ideolizohen, një histori suksesi i NATO-s po kërc&eu...
