Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SHBA- Mbas tensioneve disa javëshe cisterna iraniane “Adria Daya 1” u largua nga porti i Gjibraltarit dhe u nis për në Greqi. Cisterna është e ngarkuar me 2,1 milionë fuçi nafte të papërpunuar. Ajo është mbajtur e bllokuar nga marina britanike, që nga 4 korriku.
Arsyeja ka të bëjë me supozimet, se ngarkesa është planifikuar të shkojë në Siri, gjë që do të shkelte sanksionet që BE ka vendosur kundër Sirisë. Bllokimi i anijes ka shkaktuar konflikt të ashpër midis Uashingtonit dhe Teheranit. SHBA mendojnë se ekziston lidhje midis cisternës dhe gardës revolucionare iraniane, të cilën Uashingtoni e ka vendosur në listën e organizatave terroriste. Kështu që grindja vazhdon.
Synimi ankorimi në port grek?
Irani i dha siguri me shkrim kryeministrit të Gjibraltarit, Fabian Picardo, se cisterna nuk do të dërgohet në Siri. Pas kësaj, autoritetet e enklavës britanike e lanë “Adria Daya 1” të vazhdonte lundrimin, pavarësisht nga mospëlqimi i Uashingtonit. Protesta vazhdoi. Ministri amerikan i Jashtëm, Mike Pompeo thotë se vendimi i Britanisë së Madhe është “i pakënaqshëm”. Më 16 korrik një gjykatë në Uashington vendosi konfiskimin e cisternës. Por kjo nuk u pranua nga Gjibraltari.
Tani “Adria Daya 1” ka marrë rrugën për në Mesdhe. Informacione të pakonfirmuara thonë se ajo është duke shkuar drejt portit grek, Kalamata. Kryeministri grek, i sapozgjedhur, Kyriakos Mitsotakis ka përpara konfliktin e parë ndërkombëtar. Ambasada amerikane në Athinë, i tha qeverisë greke se ankorimi i cisternës është ilegal. Pa dhënë shpjegime të tjera për këtë gjë, SHBA pretendon se me naftën iraniane ndihmohen aksionet terroriste.
Në këtë mënyrë për Uashingtonin është e sigurt, se kushdo që lejon futjen e cisternës në portin e vet, përkrah terroristët. Është e paqartë çfarë pasojash ka kjo gjë. Për SHBA është e rëndësishme që të mos bëjë kompromise me Iranin. Përveç kësaj, nuk dihet nëse porti i Kalamatas është në gjendje të përballojë hyrjen e cisternës së madhe “Adria Daya 1”. Nuk është e sigurt, nëse çështje të tilla teknike do të largojnë stuhitë nga velat e konfliktit. Uashingtoni kërkon që aleatët ta mbështesin dhe e ka kaluar konfliktin me vetëdije në nivel morali.
Mitsotakis nën presion
Kabineti grek rreth kryeministrit Mitsotakis në takimin e parë qeveritar
Për kryeministrin Mitsotakis, konflikti po ndodh në një moment shumë të papërshtatshëm. Ai ka mbaruar studimet në Harvard dhe përpiqet të mbajë marrëdhënie të mira me SHBA. Meqenëse marrëdhëniet me Turqinë janë të vështira, Greqia shpreson që të marrë ndihma nga Uashingtoni, kryesisht ushtarake. Njëkohësisht Mitsotakis që fitoi zgjedhjet e 7 korrikut, duhet ta tregojë veten, se duke qenë kryeministër është në gjendje të merret me çështje të nivelit europian.
Ai i pati premtuar grekëve uljen e taksave, premtim një pjesë të së cilës është duke e mbajtur nëpërmjet ligjeve. Po ashtu ai u ka premtuar grekëve që të diskutojë sërish me Brukselin çështjen e borxheve në mënyrë që të ulë përqindjet për pagesat. Por për këtë, do i duhet të fitojë besimin e kolegëve europianë. Nëse merr anën e Uashingtonit tani, atëherë kryeministri i ri grek do të vinte në rrezik bashkëpunimin me Brukselin.
Por çështja nuk është vetëm kujt do i qëndrojë besnike Athina, Brukselit apo Uashingtonit. Greqia zotëron flotën tregtare më të madhe në botë. Transporti ujor është një industri me vlerë miliardash. Anije që lundrojnë nën flamurin grek ndodhen edhe në Gjirin Persik. Nëse Athina i ndalon hyrjen në portin Kalamata cisternës iraniane, atëherë mund të ndodhë që të ketë masa hakmarrëse. Që kur Greqia hori dorë verën e kaluar nga blera e naftës iraniane, marrëdhëniet midis Athinës dhe Teheranit janë tensionuar. Përshkallëzimi i situatës në Gjirin Persik nuk do të ishte pa pasoja dhe do ta bënte edhe më të vështirë dilemën aktuale të shteteve perëndimore në trajtimin e Iranit.
Politika e përshkallëzimit në Uashington, e njëanshme
SHBA-së i shkon për shtat ashpërsimi i konfliktit midis Iranit dhe Greqisë. Nëse anijeve greke u bëhet presion nga Irani, kërcënohen ose madje sulmohen, atëherë Europa nuk mund të vazhdojë të këmbëngulë për politikën e uljes së tensioneve me Teheranin. Kjo do ishte ajo që do Donald Trump. Ashtu kështu, ai ka dalë në mënyrë të njëanshme nga marrëveshja për armët atomike me Iranin dhe ndjek që nga ajo kohë politikën e sanksioneve të ashpra. Nëse midis Teheranit dhe Europës krijohen probleme serioze, atëherë Brukseli do ishte i detyruar t’i bashkohej politikës së përshkallëzimit që ndjek presidenti amerikan.
Për Europën kriza që ka të bëjë me cisternën iraniane është një goditje e rëndë për afrimet e bëra vitet e fundit midis Teheranit dhe Perëndimit. Në situatën aktuale Greqia ka marrë një rol simbolik, tek i cili nuk dallohet vetëm gjendja shumë e tensionuar midis Iranit dhe SHBA, por edhe konfliktet midis vendeve perëndimore, që po bëhen gjithnjë e më shumë konfuze.
Marrë nga DW
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KOSOVË- Është bërë mëse e zakonshme për politikanët përdorimi i fjalorit banal si në ekran, ashtu edhe në rrjete sociale. Deputeti i PSD-së, në Kosovë...
PERU– Një polic dhe disa serfistë kanë arritur që t’i japin ndihmë një balene të plagosur e cila kishte ngelur në breg. Ngjarja ka ndudhur në Lima, Peru, në pla...
MALI I ZI- Një politikan nga Mali i Zi ka bërë një deklaratë të pazakontë. Kreu i Lëvizjes Malazeze për Ndryshim, Nebojsha Medojevic, siç bëjnë me dije m...
KOSOVË- Deputetët e Kosovës kanë votuar pro shpërndarjes së Kuvendit, duke i hapur kështu rrugë zgjedhjeve të jashtëzakonshme.Për shpërndarje kanë votuar ...
Me dhunë është nxjerrë jashtë nga lokalet e një objekti në Prishtinë, gazetari i T7, Mirlind Behluli. Truprojat e kreut të PDK-së, Kadri Veseli, e kanë goditur ...
SHBA- Këshilli i Sigurimit i Kombeve të Bashkuara do të mbajë një takim të hapur më 22 gusht, me kërkesën e Rusisë dhe Kinës, për të diskutuar mbi testin e fund...
SHBA- Presidenti i SHBA, është i njohur për skepticizmin e tij kur bëhet fjalë për ndikimin e njeriut në ndryshimin e klimës. Megjithatë, akujt që janë duke u s...
PRISHTINË- Sindikata e Aeroportit Ndërkombëtar të Prishtinës (ANP) ka paralajmëruar grevë të përgjithshme dhe pa afat në ditët në vijim.Në njoftimin e Sind...
GREQI- Një platacion gjigand me drogë është kapur në Greqi dhe më pas është shkatërruar. Sipas mediave greke mësohet se platacoini ku ishin mbjellë mijëra rrënj...
GREQI– Greqia ka thënë se nuk do ta ndihmojë një cisternë iraniane, e cila nga porti i Gjibraltarit besohet se po shkon drejt një porti grek. Zëvendës-ministri ...
