Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Kryeministri Edi Rama ka zgjedhur të urojë sot gjigantin e letërsisë shqipe Ismail Kadare, në 85-vjetorin e tij të lindjes. Në një status në rrjetet sociale, kreu i qeverisë krahas një fotoje të Kadaresë shton se teksa shkruAnte urimin, i kanë ardhur ndërmend sa e sa shumë njerëz që kanë marrë penën të bëjnë libra për librat e vetë Kadaresë, por që të gjitha kanë pasur fatin e kështjellave të rërës që ngrenë fëmijët buzë detit.
Ndër të tjera në rreshta, kryeministri shkruan se Kadareja ka jetësuar me lehtësinë e një magjistari, nxjerrë në dritë fuqinë e një ekzorcisti dhe magazinuar me saktësinë e një gjirokastriti, për të gjitha hidhërimet që u ka shkaktuar mediokërve e për buzëplasjen që u ka provokuar xhelozëve me suksesin e tij jehues në dhjetëra gjuhë të kësaj bote.
Urimi i plotë i kryeministrit Edi Rama
ISMAIL KADARE mbush sot 85 vjeç. Duke shkruar për të këtë urim, më erdhi në mend se sa shumë njerëz kanë marrë penën që të bëjnë libra, dizertacione, mastera, doktoratura, referate, artikuj, shkrime, jetëshkrime e shkarrashkrime, me ditirambe, vlerësime e deri edhe ofendime, për librat e tij e për të vetë dhe se sa pak gjasë ka, që vargmalet e letrave të tyre të kenë një fat më të mirë se sa kështjellat e rërës, që kalamajtë ngrenë buzë detit, duke parafytyruar heronjtë e përrallave e të balladave apo bajlozët e gogolët e kërcënimeve të dëgjuara përpara gjumit.
Dhe me këtë mendim po e le këtë shënim (që të njëjtin fat me ato kështjella do të ketë) me një falenderim të thjeshtë, pa pretenduar asgjë më shumë se sa shprehjen e mirënjohjes së madhe ndaj Ismailit për monumentin fantastik që i ka ngritur gjuhës shqipe, duke ma bërë edhe më të madhe dashurinë për këtë gjuhë të hatashme, të cilën ne shqiptarët kemi fatin të flasim e të shkruajmë si gjuhë amtare; për kënaqësinë e jashtëzakonshme të udhëtimeve në botën e ngjarjeve, personazheve, emocioneve që ai ka jetësuar me lehtësinë e një magjistari, nxjerrë në dritë fuqinë e një ekzorcisti dhe magazinuar me saktësinë e një gjirokastriti; për hidhërimet që u ka shkaktuar mediokërve e për buzëplasjen që u ka provokuar xhelozëve me suksesin e tij jehues në dhjetra gjuhë të kësaj bote, e patjetër edhe për debatin e pambarimtë mes barrikadave, ku janë rreshtuar përballë tash 30 vjet, admiruesit e shkrimtarit dhe gjykatësit e qytetarit a thjesht njeriut Ismail Kadare – ku unë vetë kam mësuar e kuptuar jo pak me kalimin e viteve…
Ah, krejt personale kjo, po edhe për Vladimir Majakovskin, gjeniun vullkanik të poezisë ruse, që po të mos ekzistonte Ismail Kadareja nuk do ta kisha njohur kurrën e kurrës dot, në një prej takimeve më të mahnitshme të jetës sime me letërsinë! Po ndalem këtu dhe duke uruar sot bashkë me ditëlindjen e tij edhe që gojëdhana se Ismaili nuk shkruan më, të jetë vetëm një lojë e tij e radhës me personazhet e jetës reale, ku ai gjithnjë ka qenë si një i huaj me prejardhje e me pashaportë shqiptare, fjalën e fundit të këtoj urimi ia le Majakovksit të shqipëruar prej Kadaresë: “Mendimin tuaj, që ëndërron në trurin e butë, si lakeu i dhjamur në kanapenë me zdral, do ta tall me zhelen e përgjakur të zemrës; gjersa të ngopem, idhnak e brutal.”
Sot, gjeniu i letrave shqipe Ismail Kadare feston sot 85-vjetorin e lindjes. Kadare është një nga shkrimtarët më të mëdhenj të letërsisë shqipe. Kadare është padyshim figura kryesore e letërsisë shqiptare, dhe vepra e tij është përkthyer në mbi 45 gjuhë të botës.
Në nder të 85-vjetorit të shkrimtarit Ismail Kadare është zhvilluar edhe veprimtaria shkencore me temë “Ismail Kadare, shkrimtar shqiptar në letërsinë botërore”.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
BRITANI– Këngëtarja me origjinë shqiptare Dua Lipa, tashmë po korr sukses në botën e muzikës por jo vetëm. Fillimi i vitit 2021 ka qenë i mbarë për të pasi ka q...
TIRANË- Me rastin e 85- vjetorit të lindjes së shkrimtarit të njohur Ismail Kadare, është parashikuar një aktivitet kulturor i organizuar nga Universiteti ...
TIRANË– Këngëtarja Jonida Maliqi ka qenë e ftuar në emisionin “E ardhmja është vajzë” të Abc, ku në një rubrikë e cila quhet “Në mundsh”,tregoi dy momente ...
TIRANË– Presidenti Ilir Meta ka uruar Ismail Kadarenë për ditëlindjen e tij. Në një status në Facebook, Meta shkruan se Kadare është gjeniu ynë i madh i le...
TIRANË– Gjeniu i letrave shqipe Ismail Kadare feston sot 85-vjetorin e lindjes. Kadare është një nga shkrimtarët më të mëdhenj të letërsisë shqipe. Kadare ...
SHBA– Nëse është diçka që po flitet ditët e fundit më shumë është lajmi nëse Dua Lipa është në pritje të ëmbël ose jo! Këngëtarja me origjinë shqiptare e...
Publikohen disa dokumente arkivore të nxjerra nga Arkivi Qëndror i Shtetit në Tiranë (fondi i ish-Komitetit Qëndror të PPSH-së) të cilat për vite me rradhë kanë...
DashiKa një periudhë pritjesh: nuk ka asgjë konkrete, por ka gjëra të rëndësishme që ziejnë. Kjo nuk është në të vërtetë një periudhë me forcë të madhe në kupti...
KOSOVË– Këngëtari Visar Shala, i njohur si Skivi ka reaguar për vdekjen e shokut të tij, biznesmenit Albert Krasniqi, i cli u vra pasditen e sotme me armë...
