Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Një prokuror në Nju Jork ka marrë në dorëzim kopje të dokumenteve fiskale të ish-Presidentit Trump, pasi Gjykata e Lartë hodhi poshtë këtë javë përpjekjet e zotit Trump për të bllokuar dorëzimin e dokumentacionit.
Zyra e prokurorit të Manhatanit, duke vepruar me urdhër gjykate, pak orë pas vendimit të Gjykatës së Lartë të hënën kërkoi dorëzimin e dokumentacionit nga firma e kontabilitetit që përfaqëson zotin Trump, siç tha të enjten zëdhënësi i kësaj zyre, Danny Frost.
Prokurori i Distriktit, Cyrus R. Vance Jr. është përpjekur prej një viti e gjysmë të marrë në dorëzim dokumentacionin fiskal në kuadër të hetimeve lidhur me aktivitetin e biznesit të ish-presidentit. Dokumentet mbrohen në bazë të rregulloreve të sekretit për çështje që dalin para një jurie të madhe. Nuk pritet që ky dokumentacion të publikohet.
Prokurori Vance, demokrat, po kryen hetime të gjera lidhur me marrëdhëniet e biznesit dhe kontratat e zotit Trump për të parë nëse ai ka gënjyer për vlerën e zotërimeve të tij në mënyrë që të përfitonte nga terma favorizuese kredie si dhe ulje taksash. Prokurori i distriktit po heton edhe paratë që u janë dhënë disa grave për të mbyllur ankesat dhe rrëfimet e tyre me pretendimet për sjellje të parregullta nga ana e zotit Trump.
Zyra e prokurorit paraqiti në gusht 2019 urdhrin e gjykatës pranë firmës së kontabilitetit Mazars USA, duke kërkuar dorëzimin e dokumentacionit fiskal dhe materialeve të tjera për tetë vjet të aktivitetit të biznesit të zotit Trump.
Avokatët e zotit Trump menjëherë paraqitën ankesë në gjykatë duke kërkuar bllokimin e këtij akti, me argumentin se gjatë periudhës që ishte president, zoti Trump ishte imun nga hetimet.
Kur Gjykata e Lartë e hodhi poshtë këtë argument vjet në korrik me një votë 7-2, avokatët e zotit Trump u kthyen në një gjykatë të shkallës më të ulët duke argumentuar se urdhri për dorëzimin e dokumenteve ishin nxjerrë me motivacion politik dhe ishte tendencioz dhe tepër i gjerë. Një gjykatë e shkallës së apelit e hodhi poshtë këtë argument dhe Gjykata e Lartë nuk pranoi të përfshihej në çështje.
Në një deklaratë me pak fjalë të hënën, pasi Gjykata e Lartë dha vendimin, prokurori Vance u shpreh “Puna vazhdon”.
Ish-presidenti Trump e quajti hetimin vazhdim të “gjuetisë më të madhe të shtrigave në histori”.
Prokurori Vance kryeson hetimin së bashku me konsulentin e tij Carey Dunne, i cili paraqiti argumentet në emër të zyrës gjatë seancave të ndryshme gjyqësore. Prokurori Vance mori në punë në ekipin e tij ish-prokurorin anti-mafia Mark Pomerantz si asistent të posaçëm për të ndihmuar në këto hetime.
Prokurori Vance, të cilit i mbaron mandati në fund të vitit, nuk ka njoftuar nëse do të rikandidojë, duke lënë hapur pyetje se kush do të kryesojë procesin në të ardhmen.
Urdhri i gjykatës që paraqiti zoti Vance kërkon nga firma Mazars USA jo vetëm të dorëzojë versionet finale të dokumenteve fiskale, por edhe versionet paraprake të këtyre dokumenteve dhe “të gjitha faturat, raportet tre mujore dhe raportet e auditorëve të pavarur” që janë në zotërim të kësaj firme.
Firma Mazars nuk e ka kundërshtuar urdhrin e gjykatës dhe në një deklaratë në kohën kur doli urdhri pat thënë se “do të respektojë procesin ligjor dhe të bashkëpunojë plotësisht me detyrimet e saj ligjore”.
Urdhri i gjykatës po ashtu kërkon që të dorëzohen edhe marrëveshjet e kontraktimit të llogaritarëve që kanë përgatitur dokumentacionin fiskal; dokumentet bazë tek të cilat llogaritarët u mbështetën për të përgatitur taksat si dhe komunikimin mes firmës dhe përfaqësuesve të zotit Trump.
Aty përfshihen komunikime që tregojnë se si u përpunuan të dhënat në përgatitjen e dokumentacionit fiskal.
Gazeta New York Times siguroi në mënyrë të pavarur dokumentacionin fiskal të ish-presidentit dhe botoi disa artikuj vjet me hollësi mbi financat e tij, përfshirë faktin që Donald Trumpi kishte paguar vetëm 750 dollarë si taksa federale në 2017 dhe asnjë shumë taksash në 11 vjet nga një periudhë 18 vjeçare pasi kishte deklaruar humbje masive në biznes.
Marrë nga VOA
1 vit nga zgjedhjet e 25 prillit si e shikoni gjendjen e vendit:
KOSOVË-Kryetari i PDK-së, Enver Hoxhaj, ka komentuar hartën që është shfaqur gjatë një interviste të të dërguarit të Bashkimit Evropian Miroslav Lajç...
Organizata Botërore e Shëndetësisë tha të enjten se një në 10 pacientë me COVID-19 përjetojnë probleme shëndetësore edhe 12 javë pasi kanë patur virusin dhe u b...
KOSOVË-Kryetari në detyrë i PDK-së, Enver Hoxhaj, ka komentuar fitoren e kreut të Lëvizjes Vetëvendoje, Albin Kurti.Sipas Gazeta Express Hoxhaj ka thënë se...
KOSOVË-Kreu i Aleancës për Ardhmërinë e Kosovës, Ramush Haradinaj ka reaguar pas sulmit ndaj gazetarit Visar Duriqi.Me anë të një postimi në Facebook, Hara...
KOSOVË-Ish-presidentja e Kosovës Atifete Jahjaga ka reaguar pas dënimit të një gruaje, e cila vrau të dashurin në vitin 2018.Me anë të një postimi në Faceb...
KOSOVË- Kompania e mishit “Meka”, që është një nga bizneset prodhuese në Kosovë, nuk ka arritur që të jetë e pranishme në tregjet rajonale, përveç S...
Bennet Nura, nga Kosova është vetëm 19 vjeç. Ai prej tre vitesh jetën në Holande, ku vazhdon studimet për shkenca kompjuterike.Emri i Bennetit do të mbah...
IZRAEL-Izraeli pezullon planet e dhurimit të vaksinave Covid-19. Sipas TheGuardian, Izraeli do të shtyjë dërgimin e vaksinave, pas disa kritikave, që ajo duhet ...
PEKIN-Kina ka miratuar dy vaksina të tjera kundër Covid-19. Sipas Washingtonpost, Administrata Kombëtare e Produkteve Mjekësore dha aprovimin për një vaksinë ng...
KOSOVË-I dërguari i BE-së për dialogun Kosovë-Serbi, Miroslav Lajçak ka reaguar rreth çështjes së hartës që u shfaq në zyrën e tij, ku Kosova...
