Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
KOSOVË- Kryeministri i Republikës së Kosovës, Albin Kurti, ka shkruar një editorial për gazetën konservatore gjermane “Frankfurter Allgemeine Zeitung” (FAZ) në lidhje me arritjen e një marrëveshjeje për paqe me Serbinë. Kurti shkruan se është mirë të arrihet një marrëveshje e shpejtë mes Kosovës dhe Serbisë, por edhe më mirë është një marrëveshje e mirë. “Një marrëveshje e mirë duhet të bazohet në parime demokratike”, shkruan Kurti. Vetëm kështu kjo marrëveshje, sipas tij, mund të ketë sukses afatgjatë. Reciprociteti ndaj Serbisë, që po kërkohet nga qeveria kosovare dhe që ka për qëllim të krijojë parakushte për një marrëveshje substanciale, në aspektin afatshkurtër paraqet një hap të rëndësishëm për të arritur stabilitet ekonomik dhe politik mes Kosovës dhe Serbisë.
Në aspektin afatgjatë, nënvizon kryeministri Kurti, reciprociteti është një hap i rëndësishëm për ndërtimin e raporteve të mira fqinjësore deri te normalizimi i plotë i këtyre marrëdhënieve. Normalizimi i raporteve ndërshtetërore mund të arrihet vetëm nëse palët “normalizuese” pajtohen për rregulla dhe parime të cilat i respektojnë të dyja palët. Vullneti i mirë dhe takimet në kushte të barabarta janë parakushte për të gjitha negociatat, të cilat synojnë krijimin e marrëdhënieve paqësore. “Politika që synon revanshizmin ka një jetëgjatësi të shkurtër dhe nuk ka perspektivë. I bëjmë thirrje Bashkimit Evropian dhe Shteteve të Bashkuara të Amerikës ta mbikëqyrin procesin dhe paraprakisht të definojnë masat që do të merren kur nuk respektohen parimet dhe kur eventualisht shkelet marrëveshja”, shkruan Kurti.
Kryeministri thekson se koalicioni qeveritar i përbërë nga Vetëvendosja si forcë e qendrës së majtë progresive dhe nga Lidhja Demokratike e Kosovës si parti e djathtë konservatore, ka bërë një premtim elektoral i cili nuk synon revanshizmin, por parimin e barazisë dhe drejtësisë për ndërtimin e marrëdhënieve (tregtare) konstruktive dhe bilaterale. Kurti shkruan se tarifat 100 për qind ndaj produkteve nga Serbia dhe Bosnjë-Hercegovina i ka trashëguar nga qeveria paraprake. “Parimi i reciprocitetit, ndërkaq, ka qenë përherë parim udhëheqës i partisë sime. Po ashtu, reciprociteti si vlerë buron nga koncepti i barazisë dhe është gjithkund i pranishëm në marrëdhëniet ndërkombëtare. Paqja e qëndrueshme dhe barazia janë premisa udhëheqëse të qeverisë kosovare, kryeministër i së cilës jam nga fillimi i shkurtit. Respekti i ndërsjellë është i pashmangshëm për arritjen e këtyre qëllimeve, sepse vetëm kështu, një marrëveshje e mundshme mund të ketë efekte vërtet pozitive në jetën e njerëzve”, shkruan Albin Kurti në “Frankfurter Allgemeine Zeitung”.
Sipas Kurtit, marrëveshjet e arritura “me detyrim dhe kërcënime” dhe jo duke u bazuar në respektin e ndërsjellë nuk kanë vlerë as sa letra mbi të cilën hidhen “nënshkrimet tona”. Për këtë arsye, shton Kurti, “ne duam që si shenjë të vullnetit të mirë dhe të gatishmërisë sonë për shmangien e ngatërresave politike, nga data 15 mars 2020 të heqim tarifat prej 100 për qind ndaj lëndës së parë të importuar nga Serbia dhe Bosnjë-Hercegovina”.
Qeveria e Kosovës kërkon, sipas Kurtit, që Serbia të ndërpresë fushatën kundër njohjeve të pavarësisë së Kosovës dhe të heqë barrierat tregtare jotarifore. “Nëse pala serbe tregon vullnet të mirë, qeveria kosovare nga 1 prilli 2020 do t’i heqë plotësisht tarifat për mallrat nga Serbia dhe Bosnjë-Hercegovina për një periudhë prej 90-ditësh”, shkruan Kurti. Ai shpreson se Bashkimi Europian para Samitit të Zagrebit më 7 maj të heqë vizat për qytetarët e Kosovës. Në rast se Serbia nuk e respekton vullnetin e mirë të qeverisë kosovare për heqjen e barrierave ekonomike, tregtare dhe politike dhe rrjedhimisht nëse e vazhdon fushatën ndërkombëtare kundër Kosovës dhe po ashtu nëse nuk i heq barrierat ekzistuese tregtare, atëherë “ne më 1 prill do të nisim zbatimin hap pas hapi të parimit të reciprocitetit, së pari në tregti, pastaj edhe në ekonomi dhe në politikë”. Pastaj, premton Kurti, “ne do të përqendrohemi në synimet tona parësore të politikës së brendshme, të cilat janë qenësore për jetën e njerëzve: vende të punës dhe sundim të ligjit. Për të arritur këtë, do të luftojmë me të gjitha mjetet korrupsionin dhe kështu, do të kujdesemi për zhvillimin ekonomik të vendit tonë”.
Marrë nga Koha.net
1 vit nga zgjedhjet e 25 prillit si e shikoni gjendjen e vendit:
KOSOVË- Ish-kryeministri i Kosovës, Ramush Haradinaj ka theksuar se sot duke manipuluar me shifra dhe duke trumpetuar për anulimin e kinse 50 milionëve për...
Kosovë- Ish-kryeministri i Kosovës, Ramush Haradinaj ka deklaruar se Ministri i Integrimit në Kosovë, Blerim Reka ka propozuar që me kompromis Serbia të marrë ...
Kosovë-Autoritetet e Serbisë ia kanë vazhduar paraburgimin Nezir Mehmetajt. Për këtë ministri i Jashtëm, Glauk Konjufca ka kërkuar që SHBA dhe BE të reagojnë nd...
Itali- Truproja i Matteo Salvinit, ish-ministrit të Brendshëm të Italisë është i infektuar me koronavirus. Analistat e tij kanë dalë pozitive. Menjëherë ka reag...
KROACI– Ambasadorja e Kroacisë në Bashkimin Europian, Irena Andrassy është futur në karantinë, pasi sipas informacioneve paraprake dyshohet se ka rezultuar pozi...
KOSOVË- Inspektorati Policor i Kosovës ka nisur të grumbullojë faktet për drejtorin e Policisë, Rashit Qalajn, i cili është direkt i përfshirë në rastin ga...
KALIFORNI– Një eksperte e shëndetësisë ka bërë gjeste në publik, të cilat edhe vetë tregonte se nuk duheshin bërë. Teksa mbante një konferencë për mediat, përba...
SHBA- Senatori Republikan, Josh Hawley, ka njoftuar se do të prezantojë një projektligj që ndalon punonjësit federal të përdorin aplikacionin e mediave sociale ...
MEKSIKË- Një ngjarje rëndë ka ndodhur në Meksikë, ku një nënë ka hedhur nga dritarja e apartamentit binjakët e porsalindur. Sipas Daily MAil, fëmijët të ci...
ITALI- Presidenti i Republikës Italiane, Sergio Mattarella ka reaguar për sëmundjen koronavirusit përmes një mesazhi të drejtuar populli, ku ka thënë se vendi p...
