Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
KOSOVË– Partia e udhëhequr nga Albin Kurti ka deklaruar se do të bëjnë dorëzimin e propozimit për mandatar brenda afateve dhe pa vonesa. Pa saktësuar se kur do të bëhet një gjë e tillë, nuk dihet nëse brenda kësaj kohe LV e LDK-ja do të mund të merren vesh për bashkëqeverisje, shkruan Gazeta Express.
Ndërkohë, pak me herët presidenti Hashim Thaçi deklaroi para medieve se do të ndërmarrë veprime kushtetuese, nëse nuk propozohet emri i mandatarit brenda afateve të përcaktuara ligjore.
Sot janë bërë 22 ditë që prej kur është bërë konstituimi i Kuvendit të Kosovës dhe janë zgjedhur, kryetari e nënkryetarët. Mirëpo, partia e parë e dalë nga zgjedhjet e gjashtë tetorit, nuk e ka dorëzuar ende emrin për mandatar te i pari i vendit, Hashim Thaçi. Vetëvendosje për këtë është duke u kritikuar edhe nga partia me të cilën pre muajsh janë duke negociuar për koalicion. Mos dorëzimi i emrit për mandatarin nga LDK-ja po shihet si frikë për të marrë përgjegjësi.
“Mandati është te partia e parë. Edhe këtë rast nuk janë tu e marrë mandatarin tash e 3 javë. Tregon një farë frike ose tregon se sa e vështirë është me i ndërtu institucionet. Si duket nuk ka vullnet. Është obligim kushtetues i tyre, na po presim. E kam thënë edhe ma herët që ka një lloj frike me e marrë këtë post edhe këtë zyrë me e udhëheq vendin, tani po vërtetohen edhe ma shumë. Ambasadori Walker tha, me siguri ka aluduar për LV-në, që ka frikë prej politikanëve me i marrë detyrat shtet ndërtuese”, ka thënë në emisionin DPT te Fidani, sekretari i Lidhjes Demokratike, Arban Abrashi.
Përveç kësaj, shtyrja e propozimit nga LV-ja, që do të hapte rrugë pastaj për krijim të institucioneve, ka bërë që presidenca të lajmërojë se për këtë do të drejtohen për interpretim në Gjykatë Kushtetuese. Kjo pasi që ata kanë kërkuar që të dihet se sa ka kohë partia e parë e dalë nga zgjedhjet për të dorëzuar emrin. Për këto deklarata e se kur do të bëjnë propozimin për mandatar, kanë folur sot gjatë ditës nga Lëvizja Vetëvendosje në një deklaratë për Gazetën Express.
Nga zyra për media, Arlind Manxhuka ka thënë se synim i LV-së mbetet edhe më tutje krijimi i institucioneve të reja, tash kur veçse është bërë zgjedhja e kryesisë. Ai ka shtuar se brenda afateve do të bëjnë edhe dorëzimin e emrit për mandatar, por, pa saktësuar se kur do të ndodhë një gjë e tillë.
“Synimi i Lëvizjes VETËVENDOSJE! ka qenë dhe mbetet krijimi i institucioneve të reja në përputhje me vullnetin qytetarë të shprehur me 6 tetor 2019, përkatësisht themelimi i qeverisë, tash kur Kuvendi i Kosovës është konstituuar dhe me ç’rast ka zgjedhur kryesinë e re me në krye të këtij institucioni Glauk Konjufcën. Në këtë drejtim ne po bëjmë të gjitha përpjekjet që sa më parë të kemi qeverinë e re, ndërkaq siç është theksuar në mbledhjen e fundit të Kryesisë së Lëvizjes përbrenda afateve dha pa ndonjë vonesë Lëvizja VETËVENDOSJE! sigurisht se do të dërgojë emrin e mandatarit ashtu siç parashihet me Kushtetutën e vendit dhe me këtë rast ne do ta njoftojmë opinionin publik me kohë kur do ta dorëzojmë emrin e mandatarit”, është shprehur Manxhuka.
Dorëzimin e emrit për mandatar e ka kërkuar ditë më parë edhe presidenti i shtetit, Hashim Thaçi, mirëpo, që kësaj thirrje të tij iu është përgjigjur duke i kërkuar që të mos bëjë presion, i pari i LV-së, Albin Kurti. LV dhe LDK ende nuk kanë arritur që të dakordohen për koalicion, ndërsa, tani vetëm se janë shtuar edhe më shumë përplasjet mes tyre. Kjo pasi që as njëra e as tjetra nuk po lëshojnë pe nga kushtet që kanë vënë në tavolinë të diskutimit.
Disa javë më parë u themelua dhe legjislatura e 7-të e Kuvendit të Kosovës, por ende nuk është formuar qeveria e re. Negociatat deri më sot kanë dështuar, pasi LDK ka kërkuar që të marrë kreun e Kuvendit, Presidentin dhe 5 ministri, pra gjysmën e kabinetit. Pas zgjedhjes së Glauk Konjufcës si kryetar Kuvendi, LDK u tërhoq nga marrja e këtij posti dhe shprehu gatishmërinë për një marrëveshje të re, duke kërkuar sërish 5 ministri dhe Presidentin. Ndërsa Albin Kurti ka hequr dorë nga ministri i Brendshëm. Ditët e fundit Kurti ka zhvilluar takime të përditshme me Isa Mustafën, ndërsa zëdhënësit e tyre kanë deklaruar se negociatat po shkojnë mirë dhe se ka lëvizje nga të dyja palët.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
IRAN– Udhëheqësi i lartë i Kombit tha se tensionet mes palëve pas vrasjes së gjeneralit Kasem Sulejmani tregojnë se iranianët mbështesin Republikën Islamike.Ud...
KOSOVË-Vazhdojnë mosmarrëveshjet mes LDK-së dhe VV-së për formimin e qeverisë. Deputetja e Kuvendit të Kosovës nga radhët e Lëvizjes Vetëvendosje, Arbërie...
JAPONI– Kobe shënon 25-vjetorin e një katastrofe masive ku u vranë më shumë se 6000 mijë njerëz.Ngjarja ka ndodhur në qytetin perëndimor, Kobe në Japoninë perën...
LONDËR- Vendet, qytetarët e të cilëve u vranë në avionin ukrainas në Iran po kërkojnë nga autoritetet në Teheran të nxjerrin përgjegjësit para drejtësisë p...
SHBA– Njëmbëdhjetë anëtarë të Shërbimit të ShBA-së fluturuan nga Baza Ajrore e Al Asadit në Irak dhe u trajtuan për simptoma tronditjeje pas sulmit me raketa t...
UKRAINË– Pas katër muajsh në detyrë, Kryeministri i Ukrainës Oleksiy Honcharuk i ka dorëzuar presidentit letrën e tij të dorëheqjes. Ai njoftoi vendimin e ...
SHBA- 100 ligjvënësit e senatit amerikan u betuan ditën e djeshme si juristë për gjyqin për pezullimin nga detyra të Presidentit Donald Trump.Kryetari i Gjykatë...
KOSOVË– Kryeministri në ikje i Kosovës, Ramush Haradinaj, ka marrë një ftesë për Lutjet e Mëngjesit, që do të zhvillohen më 6 shkurt në Shtetet e Bas...
IRAN– Udhëheqësi suprem i Iranit Ayatollah Ali Khamenei do të udhëheqë lutjet e së premtes në kryeqytetin Tehera, hera e parë që ai e ka bërë këtë gjë në tetë ...
SHBA– Një mjek specialistë, patolog pas ekspertizës së trupit të pajetë të miliarderit pedofil, Epstein ka deklaruar se ai mund të jetë vrarë brenda burgut.D...
