Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Lëvizja Vetëvendosje me qendër në Tiranë ka reaguar, lidhur me 21-vjetorin e masakrës së Reçakut, ndodhur gjatë luftës në Kosovë, ku mbetën të vrarë 45 civilë shqiptarë, mes tyre gra dhe fëmijë. Përmes një statusi në “Facebook”, LVV shprehet se institucionet në Shqipëri duhet ta njohin zyrtarisht gjenocidin e Serbisë. Për të përkujtuar viktimat e kësaj masakre, aktivistët e Qendrës së Lëvizjes VETËVENDOSJE, në Shqipëri organizuan sot një konferencë për shtyp dhe një aksion simbolik përpara Kryeministrisë në Tiranë, në përkujtim të masakrës së Reçakut, duke kërkuar që institucionet e Republikës së Shqipërisë ta njohin e dënojnë zyrtarisht gjenocidin e Serbisë ndaj shqiptarëve.
REAGIMI I PLOTË I LVV-së Në TIRANË:
Institucionet e Shqipërisë duhet ta njohin zyrtarisht gjenocidin e Serbisë
Aktivistët e Qendrës së Lëvizjes VETËVENDOSJE ! në Shqipëri organizuan sot një konferencë për shtyp dhe një aksion simbolik përpara Kryeministrisë në Tiranë, në përkujtim të masakrës së Reçakut, duke kërkuar që institucionet e Republikës së Shqipërisë ta njohin e dënojnë zyrtarisht gjenocidin e Serbisë ndaj shqiptarëve.
Prej një viti, Kuvendi i Republikës së Kosovës ka miratuar rezolutën që e shpall 15 janarin si ditën përkujtimore të gjenocidit serb ndaj shqiptarëve, por aktivistja Gearda Demiraj shpjegoi se: “Institucionet e Republikës së Shqipërisë nuk kanë ndërmarrë asnjë hap për ta njohur e dënuar zyrtarisht këtë gjenocid. Asnjë institucion, asnjë vendim, asnjë rezolutë. Asnjë përpjekje për ta ndihmuar Kosovën të ngrejë padi në nivel ndërkombëtar ndaj Serbisë. Zyrtarët e Serbisë, si Vuçiç e Daçiç, vazhdojnë ta mohojnë publikisht masakrën e Reçakut dhe gjenocidin e Serbisë. Sakaq, Aleksandar Vuiçiç ka qenë Ministër i Informacionit kur Serbia kryente këto masakra në Kosovë.” Më tej ajo tha: “Në vend që të flasë për marrëveshje si mini-shengeni me një kriminel lufte si Vuçiç, qeveria Rama dhe institucionet e Republikës së Shqipërisë do duhej ta shpallnin sa më parë 15 janarin si dita e gjenocidit të Serbisë ndaj shqiptarëve, dhe do duhej të jepnin të gjithë ndihmën e nevojshme për ta ndërkombëtarizuar dhe dënuar gjenocidin e Serbisë… vuajtjet e këtij kombi nuk zgjidhen me mesazhe në rrjete sociale, apo duke i hapur dyert atyre që na kanë masakruar, por me vendime shtetërore që kërkojnë drejtësi sipas parimeve universale dhe ligjit ndërkombëtar.”
Demiraj kujtoi edhe një herë ngjarjet e 15 janarit 1999, kur forcat policore dhe ushtarake serbe hynë në shtëpitë e shqiptarëve në Reçak duke torturuar për vdekje popullaten civile të pambrojtur. Aty forcat serbe vranë dhe kryen makabritete si prerje kokash e nxjerrje organesh nga trupat, duke masakruar 45 njerëz pa dallim moshe e gjinie, nga mosha 12 vjeçare deri në moshën 85 vjeçare. Sot e kësaj dite, për masakrën e Reçakut, nuk është dënuar asnjë polic apo ushtarak serb.
Aktivisti Elvis Hoxha foli në këtë konferencë duke thënë se: “Masakra e Reçakut nuk është as më e madhja, as më e vogla. Nuk është as më e tmerrshmja as më e lehta. Ajo është një prej 100 sipërmarrjeve mizore të kolektivave shtetërorë ushtarakë dhe paraushtarakë serbë, mbi kolektivë civilësh shqiptarë”. Masakra e Reçakut i ka vetëdijesuar ndërkombëtarët për luftën e padrejtë që i është bërë Kosovës. Përmes Misionit të OSBE-së, i drejtuar nga Ambasadori Ëilliam Ëalker, u gjetën faktet per krimet e Serbisë në kufomat e shqiptarëve të masakruar në Reçak, duke çuar në ndërhyrhyrjen ushtarake të NATO-s. Në rrafshin praktik, Reçaku ishte deklarimi publik i gjenocidit.
Në vijim, Elvis Hoxha deklaroi se: “Kryeministri i Shqipërisë, e ftoi ministrin e propagandës së Millosheviçit, Aleksandar Vuçiçin, nëpër festa, në vende publike, duke i vendosur të gjithë trupën e Teatrit Kombëtar të këndojë përpara tij, duke e çuar në vendet më shik të Tiranës, dhe këtë e bënë si për të harruar dhe për të fshirë krimin mbi shqiptarët. Shteti shqiptar ekziston pra, sipas mendjes së kryeministrit Rama, për të harruar dhe fshirë krimin mbi shqiptarët. Dhe sigurisht kjo nuk është patetike, por kriminale. Fyerja e Qeverisë së Tiranës mbi viktimat e gjenocidit është një krim. Ajo kapi tre momente djallëzore: (1) Organizimin e një koncerti madhështor ku mori pjesë krimineli i luftës Vuçiç; (2) Vizitën e Vuçiçit në Durrës, në vendin simbolik të synimeve pushtuese serbe; dhe (3) Në kuptimin estetik, krimi më i rëndë që është kryer mbi popullin shqiptar nga kryeministri i vet, morën Vuçiçin dhe e vendosën pranë një djali të vogël për t’u fotografuar. Kujtojmë që ushtria dhe paramilitarët serbë kanë ekzekutuar 1392 fëmijë shqiptarë gjatë dy viteve të luftës në Kosovë. Pra i thanë Vuçiçit, me një dorë te koka e një djali të Shqipërisë, ti mund të harrosh 1392 krimet që ke bërë vetëm mbi fëmijët. Dhe gjithashtu iu tha se me 100 shtëpitë që do ndërtosh ti dhe shteti serb do harrosh 100.000 shtëpi të rrafshuara.”
Fjalën e tij Hoxha e mbylli duke deklaruar se: “Ndoshta për kryeministrin Rama, shqiptarët janë të tepërt, por për ne, viktimat janë një problem i gjallë. Indiferenca e përgjithshme shoqërore nuk është e natyrshme. Ajo është e shkaktuar prej padijes së institucioneve të shtetit dhe të atyre akademike, si dhe prej shkeljes së Kushtetutës prej institucioneve. Në nenin 8, pika 1, Kushtetuta thotë se Republika e Shqipërisë është në mbrojtje të popullit shqiptar jashtë kufijve. Kuptohet se për cilin popull bëhet fjalë. Është urgjente të mendojmë në bazë të Kushtetutës.” Në fund të konferencës, në përkujtim të 45 shqiptarëve të masakruar në Reçak, aktivistët vendosën në hapësirën e gjelbërt para kryeministrisë në Tiranë 45 trëndafila të kuq.
Masakra ka ndodhur më 15 Janar 1999, ku në Reçak u vranë e u masakruan barbarisht 45 shqiptarë të paarmatosur. Pak kohë pas kryerjes së këtij akti barbarë nga forcat paramilitare serbe, fuqitë e mëdha ndërkombëtare vendosën për intervenimin e NATO-s në Kosovë. Sot lideriët në Kosovë e Shqipëri kanë kujtuar këtë masakër, duke kërkuar dënimin e autorëve.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Lulzim Basha nga selia e Partisë Demokratike, është shprehur se kjo parti është e hapur për të gjithë. Në një deklaratë për mediat Basha ka bërë me...
TIRANË- Opozita e bashkuar dhe maxhornaca janë ulur dje në një takim, i cili ishte i papritur për mediat dhe opinionin publik. Për ironi të fatit takimi u ...
TIRANË- Kreu i Partisë Demokratike, Lulzim Basha, i është përgjigjur sot akuzave dhe pyetjes se përse u ul një një tavolinë me Damian Gjiknurin, të cilin e...
TIRANË- Kreu i Partisë Demokratike, Lulzim Basha, një ditë pas marrëveshjes me maxhoraancën, ka bërë me dije se nuk ka hequr dorë nga largimi i Edi Ramës s...
TIRANË- Kreu i Partisë Demokratike, Lulzim Basha, një ditë pas marrëveshjes me maxhorancën ka folur për mediat duke iu përgjigjur dhe akuzave që i janë bër...
TIRANE– Kryeministri Edi Rama ka monituar sot nga afër ecurinë me kalimin e shërbimeve nga sportelet në online. Shefi i qeverisë tha se tashmë do të jetë admini...
Kukës- Safet Gjici, kreu i Bashkisë së Kukësit, në një deklaratë për mediet ka deklaruar se pas marrjes së detyrës nuk ka larguar asnjë punonjës nga puna me “ar...
Tiranë- Ish-ministri i Jashtëm, Ditmir Bushati i sapoemëruar si i dërguar i Posacëm i Presidencës së OSBE-së, ka reaguar për 21-vjetorin e masakrës së Reç...
TIRANE- Ish-kryetari i Lëvizjes Socialiste për Integrim, Petrit Vasili është në qendër të vëmendjes së publikut pas mandatimit si negociator bashkë me Oerd Byly...
TIRANE- Rudina Hajdari, kryetare e grupit parlamentar të deputetëve të opozitës së re në Parlament, ka mbledhur sot në një takim anëtarët e këtij grupi. Burime ...
