Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
KOSOVË- Ambasadori i Britanisë së Madhe në Kosovë, Nicholas Abbott në një intervistë për Gazetën Express ka thënë se Kosova duhet t’i rikthehet tryezës së bisedimeve me Serbinë. Abbott po ashtu ka thënë se propozimi për heqjen e pjesshme të taksës nga qeveria Kurti është hap i mirë, por presin që të ndodhë heqja e plotë e tarifës ndaj mallrave serbe dhe boshnjake. Ai ka thënë se përfshirja e ambasadorit Richard Grenell nënkupton se SHBA-të janë të interesuara që dialogu mes Kosovës dhe Serbisë të përparojë.
Gazeta Express: Pas disa muajve përpjekje, dy partitë Vetëvendosja dhe LDK-ja arritën të krijojnë qeverinë. Si e vlerësoni programin e qeverisë së re dhe si e vlerësoni qasjen e Kryeministrit Kurti në raport me politikën e jashtme, veçanërisht rifillimin e dialogut mes Kosovës dhe Serbisë?
Nicholas Abbott: Është program ambicioz, Kosova ka nevoje për zhvillim ekonomik dhe luftim të korrupsionit. Ka nevojë për adresimin e çështjeve të përditshme të qytetarëve të Kosovës, krijimi i vendeve të punës, sistem më të mirë të arsimit për të rinjtë, shërbime të mira shëndetësore. Sundimi i ligjit është thelbësor, duhet të luftohet korrupsioni nga i cili përfitojnë vetëm disa dhe shumica është e lënë anash. Është me rëndësi që Kosova ka qeveri stabile që do të mund të vazhdojë me dialogun në mes Kosovës dhe Serbisë. Përmes dialogut është mundësia që të arrihet një zgjidhje afatgjate e cila do të ketë përkrahje të gjërë nga partitë politike në Kosovë si dhe nga populli i Kosovës.
Gazeta Express: Qeveria Kurti ka vendosur të zvogëlojë kabinetin qeveritar nga 21 ministri në 15, dhe që gratë të kenë përfaqësim më të madh në qeverisje, pesë gra janë emëruar ministre, si e shihni këtë hap për zvogëlimin e numrit të ministrive dhe përfaqësimin e grave në qeveri?
Nicholas Abbott: Zvogëlimi i shpenzimeve të buxhetit është hap i mirë, sepse Kosova ka buxhet të vogël dhe shumë probleme të cilat duhet të adresohen nga ky buxhet. Këto para të kursyera mund të shkojnë në shëndetësi dhe arsim. Është një hap shumë pozitiv përfaqësimi më i madh i grave në qeveri, tash është mirë që kjo të reflektojë po ashtu në pozita tjera udhëheqëse. Me përfshirjen sa më të madhe të grave rritet barazia gjinore dhe rritet dhe zhvillohet shteti.
Gazeta Express: Shtetet e Bashkuara të Amerikës kanë përsëritur vazhdimisht që taksa 100 për qind duhet të hiqet. A mendoni se qeveria e re duhet të heq taksën 100 për qind për mallrat serbe dhe boshnjake, dhe a duhet kjo taksë të zëvendësohet me reciprocitet siç ka paralajmëruar kryeministri Albin Kurti?
Nicholas Abbott: Mbretëria e Bashkuar e përkrah rifillimin e dialogut në mes Kosovës dhe Serbisë, si dhe përshëndesim tërheqjen e pjesshme të taksës në mallrat nga Serbia dhe Bosnja dhe Hercegovina, por ne presim heqjen e plotë të taksës. Ne përkrahim procesin e negociatave dhe inkurajojmë të dy palët që të vazhdojnë. Të dy palët duhet të krijojnë kushtet për avancimin e dialogut dhe të marrin veprime që do të mund të dërgonin në një marrëveshje finale.
Gazeta Express: Sa i përket marrëveshjeve te Brukselit. Serbia insiston që Kosova te themelojë Asociacionin e Komunave me shumicë Serbe. Cili është qëndrimi i Britanisë se Madhe lidhur me këtë çështje, dhe marrë parasysh shembullin e Bosnje e Hercegovinës, a e shihni të udhës që Kosova të themelojë një Asociacion, i cili potencialisht edhe mund të defunksionalizojë shtetin?
Nicholas Abbott: Është me rëndësi të respektohet pavarësia dhe sovraniteti i Kosovës. Ne besojmë se në një shoqëri multietnike siç është Kosova të drejtat dhe liritë e komunitetit joshumicë duhet të respektohen.
Gazeta Express: I dërguari special i Presidentit Trump, Richard Grenell për dialogun Kosovë-Serbi ka arritur që të lehtësojë nënshkrimin e disa marrëveshjeve përfshirë linjën ajrore Prishtinë-Beograd, hekurudhën dhe autostradën që lidh dy vendet. Si e shihni përfshirjen e ShBA-së në dialogun Kosovë-Serbi.
Nicholas Abbott: Ne mirëpresim nismën e Ambasadorit Grenell për të përmirësuar lidhjet e transportit në mes Kosovës dhe Serbisë. Kjo ka sjellur një energji të re në perspektivën për marrëdhënie më të mira në mes Kosovës dhe Serbisë. Shtetet e Bashkuara të Amerikës si partner të afërt të Kosovës, janë të interesuara të shohin se si do të përparojë dialogu. Eshtë e qartë se varet nga qeveritë e Kosovës dhe Serbisë të vendosin se kush do të përfshihet në proces.
Gazeta Express: Cili do të jetë roli i Britanisë së Madhe në dialogun mes Kosovës dhe Serbisë, tani që zyrtarisht Britania e Madhe ka dalur nga Bashkimi Evropian?
Nicholas Abbott: Mbretëria e Bashkuar beson se dialogu për normalizimin e marrëdhënieve në mes Kosovës dhe Serbisë duhet të vazhdoj sa më shpejt që është e mundur, dhe ne jemi të gatshëm të përkrahim të gjithë që janë duke punuar për progres dhe zgjidhje të dialogut. Ne inkurajojmë qeverinë e re të adresoj të dyjat, prioritetet vendore dhe ndërkombëtare që të mund të arrihen aspiratat e gjithë popullit të Kosovës.
Marrë nga gazeta Ekspress
1 vit nga zgjedhjet e 25 prillit si e shikoni gjendjen e vendit:
New York- Një grua që u diagnostikua me kancerin e gjirit terminal të Fazës IV, në moshën 41 vjeç, ka zbuluar se si ajo la burrin e saj për të rivitalizu...
SHBA– Fotografitë prekëse të një çifti të moshuarish të cilët komunikojnë mes tyre nëpërmjet xhamit, ndërsa njëri prej tyre ndodhet në karantinë për shka...
GUINE- Një aksident tragjik ka ndodhur në Guine, ku si pasojë kanë humbur jetën 8 futbollistë, mes të cilëve edhe vëllai i mesfushorit të Liverpoolit, Naby Keit...
SERBI- Në Serbi është konfirmuar rasti i parë me koronavirusin e ri, njoftoi ministri i Shëndetësisë, Zllatibor Llonçar.I infektuari, është një burrë 43 ...
BRITANI- Një baba në Britani është kthyer në një hero, pasi shpëtoi djalin e tij 11-vjeçar, i cili ra në një gropë, teksa ishte duke bërë ski.Sipas Daily...
Itali- Shënohet rasti i parë me koronavirus në Vatikan. Mediet italiane raportojnë se lajmi është dhënë nga zëdhënësi u selisë së shenjtë, Matteo Bruni, i cili ...
Kur në fund të janarit Gilles Guibout e pyetën, nëse mund të jetë virusi korona një “mjellmë e zezë”, ai u përgjigj: “Po, ndoshta për firmat, ...
Kosovë- Bekim Jashari, djali i Hamëz Jasharit ka rrëfyer së fundmi pseudonimin që përdorte familja gjatë kohës së luftës për babain e tij dhe xhaxhain, Adem Jas...
DUBAI– Sundimtari miliarder i Dubait, Sheiku Al Maktoum urdhëroi rrëmbimin dhe torturimin e dy vajzave të tij të arratisura dhe zhvilloi një fushatë terroriste ...
IRAN– Kreu i gardës revolucionare të Iranit, Hossein Salami deklaroi se SHBA-të mund të jenë fajtori kryesor për epideminë e koronaviruesit, duke kërcënua...
