Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Historikisht njerëzit në mbarë botën, po i përdorin demonstratat e mëdha për të shprehur ankesat dhe zemërimet e tyre. Protestat popullore janë një triumf tanimë i parimeve demokratike dhe aktivizimit qytetar, të cilat mbartin gjithashtu rreziqe serioze, përfshirë dhunën nga dhe kundër protestuesve.
Por, përhapja e tyre sot, flet për dështimin e qeverive demokratike dhe autoritare, për të dëgjuar, e me dëshirë shumë të madhe, edhe për të plotësuar nevojat e popullit të tyre. Çështjet që diskutohen janë të ndryshme, e duket se në lumën e madh të protestave nga Hong-Hongu, Kili e Paris, edhe shqiptarët mësuan që këtë vit të protestojnë për veten dhe jo për politikën. Të ndezur nga protestat madhështore të studentëve, që ndoqën hap pas hapi rrugën për të drejtat e tyre, fshatarë e qytetarë dolën në rrugë gjatë këtij viti për të kërkuar të drejtat e tyre.
Fenomeni i ndërtimit të HEC-eve në Shqipëri përgjatë muajve të fundit, përveçse është një katastrofë për mjedisin, iu heq banorëve të zonave edhe ato pak burime që natyra u fali. Dëmtimet në mjedis janë shoqëruar edhe nga pakësimi i ujit të përdorshëm për banorët e zonave, ku këto HEC-e janë ndërtuar. Infrastruktura mbështetëse, si rrugët e aksesit kanë shkaktuar një dëmtim të mëtejshëm të këtyre mjediseve natyrore. Ndërtimi pa kriter i tyre ka shkaktuar dhe zemërimin e banorëve të, cilët përgjatë dy viteve të fundit janë ngritur në protestë për të kundërshtuar shkatërrimin e mjedisit, ku ata jetojnë dhe për të mbrojtur burimet ujore që iu vijnë në ndihmë për të përballuar jetesën, sidomos në zonat e thella rurale.
1-“Mos ma prek Valbonën”, motoja që nxiti aktivistët për reflektim
Mos ma prek Valbonën”,nën këtë moto për gati 2 vite, banorët e kësaj zone dhe aktivistë të shoqërisë civile kundërshtuan shkatërrimin e mjedisit nga ndërtimi i HEC-ve dhe 3 kontratat koncensionare që janë miratuar nga qeveria Berisha. Punimet që po kryhen për ndërtimin e HEC-eve sipas ambientalistëve po çojnë drejt shkatërrimit një ndër resurset natyrore, që çdo vit vizitohet nga mijëra turistë.
2-Protesta e minatorëve të Bulqizës, e udhëhequr nga shpirti i lirë
Një tjetër protestë, e cila u udhëhoq nga shpirti i lirë dhe gëzimi i të drejtave, është protesta e minatorevë të Bulqizës, të cilët me anë të demonstratave kanë kërkuar të drejtat e tyre dhe përmirësimin e kushteve të punës nga kompania Albchrome, e drejtuar Samir Mane. Ky i fundit si shenjë hakmarrje, pushoi pak ditë më parë pa asnjë paralajmërim Elton Debreshin, punonjës prej 6 vitesh në AlbChrome, vetëm 5 ditë pasi Debreshi u zgjodh si kryetar i Sindikatës së Minatorëve të Bashkuar të Bulqizës.
Punonjësit në këtë industri mbeten ndër më të rrezikuarit. Dhjetëra prej tyre humbin jetën çdo vit ose plagosen në punë. Por pavarësisht bilancit tragjik të viktimave, asnjë drejtues kompanie nuk është ndjekur penalisht gjatë viteve të fundit. Mediat dhe televizionet kombëtare, thuajse nuk e përfillin këtë protestë dhe e vetmja hapësirë ku minatorët gjejnë mbështetje janë portalet online.
3-“Dinjiteti s’ka çmim”-Albacall protestë kundër uljes së rrogës
Jo më larg se në muajin Qershor të këtij viti, 900 punonjës të kompanisë Call Center “Alba Call”, kanë nisur një “luftë” nervash me kompaninë ku punojnë prej vitesh. Shkak është bërë vendimi i njëanshëm i kompanisë për të hequr bonusin, të cilin punonjësit e kanë marrë për performancën e tyre në punë.Më 3 qershor, kompania e Alba Call iu komunikon verbalisht dhe përmes email-eve mbi 900 punonjësve se bonusi që iu është dhënë për çdo muaj nuk do të jepet më. Kompania nuk e ka argumentuar vendimin e saj tek punonjësit, duke mos dhënë as argumente financiare për këtë çështje. Ky vendim nuk parashikohet as në kontratat e punës, të cilat janë të individuale. Vendimi ka hasur në revoltën e punonjësve, të cilët kanë bërë lëvizjet e tyre, pasi sipas tyre ky bonus kap 30% të rrogës. Në këto kushte, 900 punonjësit e Alba Call e kanë shfrytëzuar vendimin e paargumentuar të kompanisë për të hartuar një peticion me 9 pika. Përmes këtyre pikave, ata kërkojnë ndryshim të kushteve të punës, duke nisur nga ato teknike tek higjienike. Inspektoriati i Punës shkoi atje dhe punonjësit pretendojnë për presion nga ana e tyre. Pas sensibilizimit mediatik, kompania u tërhoq pjesërisht nga kërkesat e saj.
4-Banorët e Bregut të Lumit, të vetëm e të tradhtuar…
Mëngjesin e 9 Prillit, banorët e bregut të Lumit u zgjuan me fadroma tek dera e shtëpisë dhe më policinë që kishin rrethuar të gjithë lagjen, teksa pritej aksioni i INUV për të prishur banesat e tyre, të cilat përfshiheshin në projektin e Unazës së Re. Në këtë protestë banorët u përplasën me policinë, pasi nuk lejonin shembjen e banesave. 6 protestues përfunduan në qeli, ndërsa 3 të tjerë u plagosën dhe përfunduan në spital. Opozita nuk iu shkoi në ndihmë banorëve për të penguar trup më trup shembjen dhe banesat u shembën.
5-“Jo thertores në Laknas”, triumfojnë banorët, qeveria tërhiqet
Një tjetër protestë, e zhvilluar me iniciativën e vetë banorëve është ajo e Laknasit, ku qytetarët kundërshtuan vendimin e qeverisë për prerjen e pemëve në pyllin afër shtëpive të tyre. Me anë të atij vendimi Qeveria kërkoi të shkatërrojë pyllin në Laknas për t’i hapur rrugë ndërtimit të një thertoreje të re në pronësi të Bledar Daçit, në këtë zonë. Banorët e kanë kundërshtuar këtë ndryshim, pasi pemët e këtij pylli mbrojnë nga rrëshqitjet e tokës shtëpitë e tyre, si dhe pretendonin se në zonë ekzitojnë edhe tre thertore të tjera, prandaj sipas tyre, një e katërt nuk është e nevojshme. Pas protestës, institucionet u tërhoqën dhe ndërtimi i thertores u anulua.
6-Protesta e banorëve të Petro Nini-t, Blerta Sadiku, policja që emocionoi Shqipërinë
Në muajin Mars, banorët e ndërtesës pranë gjimnazit “Petro Nini” u përplasën me policinë dhe me punonjësit e IKMT-së, të cilët u kërkonin të lironin shtëpitë. Banesa në zonën pranë gjimnazit “Petro Nini” në Tiranë, ishte në plan për t’u shembur, pasi toka ku ata kishin ndërtuar banesën, iu është kthyer pronarëve. Policia shoqëroi disa nga banorët, ku mes tyre ishte dhe Blerta Sadiku, efektive e repartit të Shqiponjave, e cila u detyrua të përplaset me kolegët e saj për të mos lejuar shembjen e banesës. Mënjëherë pas kësaj, efektivja Sadiku u pezullua nga puna, duke u rikthyer pak kohë më pas. Pas disa ditë tensionesh dhe konfliktesh dy familjet Llapaj dhe Dervishi ranë dakord për një marrëveshje me biznesmenin, Aleksandër Gavoçi, i cili i hapi rrugë zgjidhjes së konfliktit disa vjeçarë. Pas kësaj u dakordësua për arritjen e marrëveshjes midis palëve, ku biznesmeni Gavoçi kërkoi që banorët ti kërkonin ndjesë për dëmin moral që i kishin shkaktuar, ndërsa avokati i banorëve, Klodian Reçi, në emër të tyre tha se banorët shprehen të gatshëm për të bërë një gjë të tillë vetëm që të arrihet një marrëveshje. Kështu banorët u strehuan në banesa të tjera të mundësuara nga biznesmeni Aleksandër Gavoçi.
7-Gramshiotët në këmbë për mbrojtjen e Holtës
Me moton ”Mbro Kanionin”, banorët e Gramshit u ngritën në protestë për të kundërshtuar ndërtimin e HEC-it në kanionin e Holtës në Gramsh. Banorët e Gramshit i janë drejtuar disa herë Bashkisë duke dërguar kërkesë për anulim të ndërtesës. Ndërtimi i HEC-it në këtë zonë do të ishte në pasoja shkatërruese për zonën dhe nga ana tjetër do ndikonte në largimin e turistëve të huaj dhe vendas, të cilët e frekuentojnë shpesh këtë zonë. I gjendur në verilindje të Gramshit, Holta ofron një pamje piktoreke, e cila magjeps gjithnjë e më shumë adhuruesit e turizmit malor. Pikërisht për këtë arsye, ndërtimi i HEC-it mbi këtë kanion do të përbënte një shkatërrim të kësaj pasurie natyrore.
Pas kërkesave të shumta nga banorët, kryeministri Edi Rama mori vendimin për të anuluar ndërtimin e HEC-it mbi këtë kanion, i cili premtoi se bukuria e magjishme e Kanionit të Holtës nuk do të preket nga ndërtimet.
Kauza për një qëllim të përbashkët dhe lufta për të mbrojtur të drejtat e grupeve të shoqërisë u arrit pas një kalvari të mundimshëm, por që forcon shpirtin e protestës në një vend me demokraci të dobët si Shqipëria. Bashkimi bën fuqinë, por a do të jetë viti 2020, momenti për të mbrojtur xhepat tanë?!
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Franci Popoçi, 20 vjeç, është i riu që rezulton se ka qenë në një lidhje stabël me “Zogun e Tiranës”, i cili tanimë do e kalojë vitin...
ANGLI– Mediat britanike kanë zbardhur detaje të reja në lidhje me ekzekutimin e shqiptarit Flamur Beqiri, i cili u vrá në sy të gruas dhe djalit të tij. “Daily ...
TROPOJË- Bashkia e Tropojës i ka bërë apel qeverisë që të kryejë një kontroll rigoroz në ndërtimet ekzistuese. Përmes një postimi në “Facebook”, bashkia sh...
TIRANË–Kolegji i Posaçëm i Apelimit arriti në përfundimin se përtej arsyeve të tjera, ish-prokurori Ramadan Troci duhej të ishte shkarkuar nga detyr...
POGRADEC- Dy katet shtesë të një pallati në Pogradec janë përfshirë nga flakët ditën e sotme duke djegur kështu 12 apartamente. doja.al ka maësuar se ngjarja ka...
TIRANË– Aktivistët e Organizatës Politike denoncojnë në rrjetet sociale se policia e Shtetit ka penguar avokatët që të takojnë të rinjtë e ndaluar për shpë...
POGRADEC- Detaje të reja janë zbardhur nga zjarri që përfshiu ditën e sotme një pallat në Pogradec. Si pasojë e flakëve është lënduar një punonjës i shërbimit z...
FIER- Një 33-vjeçar është arrestuar, pasi ka plagosur me thíkë të vëllain e tij në banesë. Ngjarja e rëndë është regjistruar në fshatin Varibob të Fierit...
Shqipëri- Me gjithë pakënaqësinë për shumën e shpërblimit të caktuar nga qeveria pensionistët në rrethet e vendit kanë nisur ta tërheqin atë. Ato po shpërndahen...
TIRANË– Mjeshtri i restaurimit Frederik Stamati prej disa muajsh është duke punuar për restaurimin e flamurit të valëvitur në kongresin e Lushnjës, i cili...
