Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
ISLANDË– Shkencëtarët në Islandë pretendojnë se kanë gjetur 40 mutacione të koronavirusit, virus i cili ka përfshirë të gjithë botën nga frika.
Mutacionet u zbuluan duke analizuar tamponë të pacientëve me COVID-19 në Islandë, ku deri tani janë raportuar pothuajse 600 raste.
Duke përdorur sekuencën gjenetike, studiuesit identifikuan se sa mutacione kishte grumbulluar virusi. Këto variante gjenetike mund të veprojnë si gjurmët e gishtërinjve të virusit për të treguar se ku e ka origjinën në botë. Shkencëtarët islandezë ishin në gjendje ta gjurmonin koronavirusin në tre vende evropiane: Austri, Angli dhe Itali që është kthyer në epiqendrën e koronavirusit.
Mësohet se 7 persona të infektuar ishin të gjithë në të njëjtën ndeshje futbolli në Angli. Viruset grumbullojnë mutacione ndërsa evoluojnë, gjë që mund t’i lejojë ose t’i ndalojë të sillen në mënyra të ndryshme.
Mutacioni është një proces biologjik i cili do të lejonte që virusi të sulmonte në radhë të parë trupin e njeriut. Shkencëtarët besojnë se infeksioni ka qëndruar tek kafshët për vite me radhë, ndoshta edhe për dekada, përpara se të fitonte aftësinë për të kaluar te njerëzit. Studimi i viruseve ndihmon për të kuptuar se si sillen, gjë që do të ndihmojë shkencëtarët të luftojnë pandeminë spirale.
Shkencëtarët islandezë kanë hetuar virusin brenda vendit të tyre, ku është raportuar vetëm 1 viktimë nga COVID-19. Autoritetet shëndetësore islandeze, së bashku me firmën gjenetike “DeCode Genetics”, testuan 9,768 persona për koronavirusin, sipas raportimit të ‘Information’. Kjo përfshinte këdo që ishte diagnostikuar, si dhe njerëz me simptoma ose ata në grupe me rrezik të lartë për koronavirusin. Rreth 5,000 vullnetarë që nuk kishin asnjë simptomë u ofruan për studimin 48 prej të cilëve rezultuan pas testimit pozitivë.
“Sekuencimi i plotë i gjenomit zbuloi të dhëna se si virusi ka evoluar dhe zinxhirin e transmetimit. Ne mund të shohim se si viruset pësojnë mutacion.”-tha Kari Stefansson, drejtor i DeCode Genetics, i cili shtoi se: Ne kemi gjetur 40 mutacione specifike të ishullit. Ne gjetëm dikë që kishte një përzierje virusesh. Ata kishin viruse para dhe pas mutacionit, dhe infeksionet e vetme të gjurmueshme për atë person janë ato të virusit me mutacion. Një person u gjet me dy variante të koronavirusit.
Ndërkohë studimi nuk është botuar ende, që do të thotë se nuk është ekzaminuar nga shkencëtarë të tjerë.
“Kjo është ashtu siç do të prisnim. Të gjitha viruset grumbullojnë mutacione, por pak prej tyre janë me shumë pasoja mjekësore. Ata janë të vlefshëm në gjurmimin e origjinës së zinxhirëve të infeksionit. Duket se Islanda ka importuar mjaft infeksione nga vendet e tjera të Evropës”.– u shpreh Dr.Derek Gatherer, specialist i sëmundjeve infektive në Universitetin Lancaster.
Një virolog nga Departamenti i Imunologjisë dhe Mikrobiologjisë në Universitetin e Kopenhagës, Allan Randrup Thomsen, tha që rezultatet e përshkruara nga ekipi ‘kanë kuptim të mirë’: Është interesante me 40 variantet specifike që bien në tre grupime që mund të gjurmohen te burimet specifike të infeksionit. Si virolog, është shumë emocionuese që të fillosh të shohësh se cilat rrugë janë të infektuara. Është gjithashtu diçka që do të shohim shumë më tepër në vijim të epidemisë këto lloj studimesh, sepse duam të shohim se si zhvillohen viruset. Koronavirus është i njohur si një virus që mund të ndryshojë në mënyrë të dhunshme. Ne kemi parë raporte të varianteve nga Kina tashmë.
Universiteti i Pekinit studioi gjenomin viral të marrë nga 103 raste dhe gjeti mutacione të zakonshme në dy lokacione, të cilat ata i emëruan L dhe S. Ata pretenduan se rreth 70 përqind e pacientëve kanë llojin L, i cili është më agresiv dhe ka përhapje më të shpejtë se S. S është më pak agresive, por mendohet se është lloji i parë i virusit që bëri kërcimin te njerëzit dhe po vazhdon të infektojë pacientë të rinj.
Nga ana tjetër kritikët kanë kërkuar që të bëhet kujdes për studimin pasi ishte vetëm në një sasi të vogël mostrash. Ndër të tjera ata thanë se të dy mutacionet nuk do të thotë se ekzistojnë dy ‘raca’. Megjithatë si Dr.Gatherer edhe Profesori Thomsen presin që virusi të zhvillohet të bëhet më ngjitës, por më pak patogjen në të ardhmen. I ngjashëm me gripin, COVID-19 mund të jetë më i aftë të përhapet dhe infektojë më shumë njerëz. Variantet që bëjnë njerëzit të sëmuren vërtet mund të shuhen. Dr Gatherer tha që ky proces ‘mund të zgjasë për 2 vjet’.
“Gripi i derrit H1N1 2009 ishte shumë i fortë në pandeminë fillestare të verës 2009 dhe më pas u kthye mjaft fuqishëm gjatë dimrit në vijim 2009/2010. Pas dimrit 2010/2011 ai ishte qetësuar pak dhe po sillej më shumë si një grip tipik sezonal. COVID-19 mund të kthehet në dimrat e ardhshëm.”-u shpreh ai.
Bilanci i të prekurve në botë nga koronavirusi po rëndohet çdo dotë e më shumë. Numri i tyre ka shkuar në më shumë se 423 mijë personave të prekur, ndërsa 19 mijë të tjerë kanë ndërruar jetë. Më të prekurat janë Italia dhe Spanja, ndërsa Kina përmirësohet çdo ditë e më shumë. Amerika në gjendje të vështirë pasi atje Covid-19 po përhapet me shpejtësi. OBSH parashikoi se SHBA-ja do të jetë epiqendra e radhës.
Burimi: Dailymail
A.C/Dosja.al
1 vit nga zgjedhjet e 25 prillit si e shikoni gjendjen e vendit:
Koronavirusi po përhapet në të gjithë botën, ndërkohë që politika gjen ende kohë për deklarata. Një prej tyre është edhe presidenti Donald Trump, i cili e cilës...
Brazil-“Maracana”, një nga stadiumet më të famshëm në botë, tashmë është shndërruar në spital, në të cilin do të qëndrojnë të infektuarit me COVID-19. Mësohet s...
SHKUP– Qeveria e Maqedonisë së Veriut ka njoftuar qytetarët me anë të një deklarate për shtyp lidhur me protokollin që po ndiqet për të kuruar të gjithë të prek...
Kosovë– Shkon në 63 numri i personave të infektuar me COVID-19 në Kosovë dhe deri më tani raportohet vetëm për një viktimë.“Rastet e konfirmuara pozitive janë r...
Pirja e duhanit, alkooli, shëndet i përgjithshëm i dobët: Studiuesit thonë se këta janë disa nga faktorët që mund të shpjegojnë pse më shumë burra vdesin nga ko...
SHBA– New York do të jetë shteti i parë që do të testojë trajtimin e koronavirusit me gjak nga pacientët e rikuperuar. Metoda daton më shumë se një shekull, por...
Kurba e koronavirusit nuk po di që të bjerë. Në botë vazhdon të përhapet me shpejtësi infeksioni ndërsa numri i të prekurve nga Covid-19 ka shkuar në më shumë s...
Kosovë-Gjermania dhe Franca kanë kërkuar që të shtyhet votimi i sotëm në Kuvendin e Kosovës për rrëzimin e qeverisë. Nëpërmjet një deklarate të përbashkët minis...
Kosovë- Nisur nga kriza aktuale në politikë e brendshme të Kosovës, ministri gjerman i Evropës, Michael Roth, i është drejtuar me në apel Kosovës dhe lidershipi...
Kosovë- Ngjarje e rëndë në Prishtinë, humb jetën një 82-vjeçar. Mediet vendase shkruajnë se i moshuari dyshohet se është hedhur nga dritarja e një spital...
