Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
KOSOVË- Në një kohë kur debati publik për korrigjimin e kufijve të Kosovës është në kulmin e tij, mediat kosovare publikojnë të dhëna nga projekt-marrëveshja, e njohur ndryshe si “Trakti i miqësisë dhe fqinjësisë së mirë”, mes Serbisë dhe Kosovës.
Në një dokument me 22 pika, që në rast firmosjeje hyn në fuqi në 1 nëntor të këtij viti, thuhet se palët do kenë kufi të rinj, të njohur nga të dy vendet dhe automatikisht bëhen anëtare në OKB.
Më tej, thuhet se Serbia do të marrë ujmanin, ndërkohë që Kosova merr Preshevën. Po ashtu, mësohet se Medvegjia i ngelet Serbisë bashkë me disa fshatra të tjerë përreth. Dokumenti parashikon që Mitrovica do të jetë si Republika sbrska, me një status “Free city” për 35 vite dhe do të ketë një kryetar qyteti me presidium, një serb, një shqiptar dhe një tjetër të caktuar nga OKB.
DRAFT-MARREVESHJA E PLOTE
Disa nga pikat kyçe të draft marrëveshjes së propozuar të “traktit të miqësisë dhe fqinjësisë së mirë” ndërmjet Serbisë dhe Kosovës. Palët kanë rënë dakord me dokumentin zyrtar prej 22 pikash nën ndërmjetësimin e SHBA-ve,Rusisë dhe Francës!,
1. Palët në përfundim të miratimit të kësaj marrëveshje firmosin traktatin e miqësisës dhe fqinjësisë së mirë!
2. Të dyja shtetet e reja me kufinjtë e rinj njihen mes veti dhe bëhen anëtare të OKB-së në të njëjtën kohë.
3. Kufiri perëndimorë mes dy shteteve është tërë vija gjatësore e Liqenit Ujman/Gazivod. Nga ana kosovare në linjën: Vitkovigje – Bërnjak – Rezallë – Kovaç – Zubin Potok.
Nga ana serbe pjesa mbi Zubin Potok deri në kufirin aktual.
4. Serbisë i kalon territori në linjën Zubin Potok – Zupçe – Zveçan – Zheronicë – Banjskë – Vuçe – Leposaviq – Zemanicë.
5. Mitrovica – bashkohet, merr statusin e “FREE CITY” me afat kohor prej 35 vjetësh jo më shumë se 99 vjeçare dhe përfshin rrethin me kufinjtë: Zemanicë – Dren – Ceraj – Maxhere – Stari Tërg – Bajgor – Kqik i Madh – Koshutovë – Zupçe.
Administratori/Kryetari i qytetit është me Presidium: një serb, një shqiptarë dhe një i caktuar nga Këshilli i Sigurimit të OKB-së me mandat 5 vjeçarë. Qyteti ka edhe KUVENDIN e vet me 50 asambleist, të ndarë përgjysëm dhe 5 të huaj të caktuar nga Administratori i huaj. Qyteti ka buxhetin, policinë, letërnjoftimet dhe pasaportat e veta, kurse ushtria NATO-së ruan sigurinë. Monedha që përdoret është EURO.
6. BUJANOCI merr statusin SPECIAL DISTRIKT për 35 vjet jo më shumë se 99 vite me këtë linjë rrethore: Bozhinjevc – Zhuzeljic – Srpska Kuca – Davidovac – Ristovac – Karadnik – Rakovac – Ternoc i Madhe – Konçul – Lluçan – Nesalcë – Borovac – Somolice.
Qyteti ka Presidium prej 3 anëtarësh, Kuvendi me 30 anëtarë përgjysëm, 3 të huaj. Policia është e përzier prej 3 anëtarësh, buxheti financohet nga Serbia, Kosova dhe BE proporcionalisht. Monedhat e lejuara janë EURO dhe DINARI. Letërnjoftimet dhe Pasaportat janë me simbole të BE-së, por qytetarët zgjedhin edhe një tjetër në mes Serbisë dhe Kosovës si dokumente të dyta. Qyteti merr edhe statusin e “FREE TAX ZONE”.
15. Presheva hyn tërësisht në Kosovë me këtë linjë kufitare: Slavujevc – Ljanik – Svinjishte – Sebrat – Kustice – KLENIKE – Trejak – Bogdanovac – Somolicë – Letovicë.
16. Baza ushtarake “JUG” në CEPOTIN bëhet bazë e SHBA-ve, por e përzier, e cila do të ketë rreth 1700 ushtarë, prej tyre 50 për qind serb dhe 50 për qind shqiptarë me status civil mbikqyrës dhe këshillues.
17. Korridori 10 për 15 vite është i mbrojtur nga NATO dhe lëvizin lirshëm gjitha palët.
18. Serbia me financim të BE-së ndërton Korridorin e ri që ndjek linjën Davidovac – Ristovac – Krsevice – Klinoc – Sv.Petka – Klenike – Starac dhe del në Pelince (MKD).
19. Medvegja si qytet mbetet nën Serbi me ca fshatra. Në Kosovë kalojnë : Vrapce, Svirce, Sijarina, Stara Banja, Marovc, Tupalle, Kapiti. Janë në negocim me Banjën e Sijarines dhe Retkocerin.
20. Palët nuk kanë pretendime për reparacione lufte.
21. TREPÇA merr STATUS SPECIAL, me krijimin e Konzorciumit të përbashkët nga kapitali amerikan – francez – rus – kinez, për 99 vite në shfrytëzim. Nga kontributet 15% i ndahen Mitrovicës, 35% për Serbinë dhe 50% për Buxhetin e Kosovës.
22. Ujmani/Gazivoda bëhet pronë e përbashkët serbo-shqiptare me administrim sipas konventave ndërkombëtare. Investimet dhe administrimi teknik i jepet një Kompanie angleze dhe gjermane për 99 vite.
23. Elektroenergjetika ndahet në proporcion 75% për Kosovën dhe 25% për Serbinë, për shkak të DAB-eve dhe Interkonjeksioneve. Administrimi amerikan, austriak dhe gjerman. Modalitetet tjera akoma të pazgjidhura.
24. Patriarkana e Pejës dhe Kisha e Deçanit marrin status EKSTRATERRITOR(EX-PATRIA). Kisha e Prizrenit dhe Manastiri i Graçanicës merr status Ekstraterritorial në territor të Kosovës. Kishat e tjera mbesin pa status. Formohet Asociacioni i Komunave Serbe në Kosovë pa fuqi ekzekutive, por vetëm si KËSHILL NACIONAL për të adresuar problemet në qeveri.
25. Të gjitha pikat kufitare mes dy shteteve do të jenë TË INTEGRUARA me një kalim.
26. Serbia merr statusin shtet anëtarë i BE-së brenda vitit 2021-2022, kurse Kosova brenda vitit 2030.
27. Serbia përfiton Një Plan Marshall me investime prej 3.5 miliardë euro për infrastrukturë moderne dhe investime strategjike. Kosova përfiton nga ky Plan investiv prej 1.2 miliardë euro.
28. Të dyja shtetet brenda 10 viteve obligohen të heqin nga tekstet shkollore terminologjitë raciste dhe denigruese për njëri- tjetrin.
29. Njihen pensionet dhe sigurimet ndërmjet dy palëve, qytetarët pavarësisht gezojnë të drejtat respektive në të dyja shtetet.
30. Kjo marrëveshje garantohet nga Këshilli i Sigurimit i OKB-së, BE-ja dhe NATO-ja.
Në negocim janë edhe tri çështje tjera:
1. Serbia kërkon që të njoh Kosovën në emrin e saj kishtarë si Kosova e Metohija për nevoja të saj lokale, kurse në OKB do ta njoh si Kosovo, pra don ta regjistroj me dy emra.
2. Asnjë shtet nuk ka drejtë të bashkohet me shtetin tjetër, apo territorin tjetër për 99 vjet
(zgjidhet kriza në Bosnjë dhe Hercegovinë dhe Maqedoni).
3. Palët obligohen që të kenë votë unanime në OKB për çështjet e caktuara (për çështjet
teknikisht ende të hapura). Të gjitha pikat e marrëveshjes duhet të mbarojnë deri në datën 15 Maj 2019.
Marrëveshja finale firmoset nga data 28 qershor deri 13 korrik 2019. Deri në fund të tetorit 2019, parlamentet e të dyja shteteve e bëjnë ratifikimin dhe i ndryshojnë Kushtetutat e tyre.Zbatimi i plotë i kësaj marrëveshje fillon më 01 Nëntorë 2019.
Korrigjimi i kufijve mes Kosovës dhe Serbisë është një propozim i hedhur nga presidenti i Kosovës, Hashim Thaçi që prej muajit korrik 2018. Sipas Thaçit, korrigjimi i kufijve nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën. Përveç luginës së Preshevës, Thaçi thotë se do bashkohen edhe Medvegja dhe Bujanovci me territorin e Kosovës, por nga drafti i propozuar, duket se Kosova ka shumë për të humbur. Gjermania është një nga vendet që ka dalë kundër kësaj marrëveshjeje ndërkohë që SHBA dhe BE, nuk janë pozicionuar në një qëndrim zyrtar nëse janë pro ose kundër. Zyrtarët janë mjaftuar me deklaratat pro një marrëveshjeje mes dy vendeve, pa e specifikuar nëse do e pranojnë një ndryshim të kufijve Kosovë-Serbi.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KOSOVË- Bum kërkesash për të hequr dorë nga shtetësia kosovare nga shqiptarët. Vetëm përgjatë muajit janar në Ministrinë e Brendshme të Kosovës janë depozi...
Kufiri mes Venezuelës dhe Kolumbisë është mbyllur. Nënpresidenti Delice Rodriguez deklaroi se mbyllja e përkohshme e kufirit erdhi për shkak të kërcënimeve ser...
Hetuesit në Brazil shkatërruan një rrjet ndërkombëtar të trafikimit të drogës që supozohet të ketë dërguar gati 10 ton kokainë gjatë një periudhe prej dy vjetës...
Dy ish-ministrat e qeverisë Gruevski ,Mile Janakieski dhe Spiro Ristovski janë sulmuar fizikisht në paraburgim në Shutkë. Sulmi ka ndodhur nga një i burgosur tj...
Vetëm dy vite pasi Trump u zgjodh president i SHBA-ve Europa po ndodhet e vetme ne trazirat e mëdha gjeopolitike. Sipas prenoncimeve të fundit të zëvendës pres...
Gazeta e përdithsme gjermane “Frankfurter Rundschau” ka shkruar për detajet e një dokumenti në të cilën SHBA dhe Bashkimi Evropian kanë shkruar marrëveshjen fin...
Turqi-Prokuroria në Turqi ka lëshuar urdhër arrest për 295 ushtarakë. Sipas medieve lokale mes ushtarakëve që do të përballen me arrestimin janë tre kolonelë, t...
Kryeministri i Kosovës, Ramush Haradinaj gjatë një interviste për RTV 21 është shpehur se taksa ndaj importeve serbe dhe të Bosnjë-Hercegovinës nuk do të hiqet ...
Disa punëtorë estonezë me dashamirësi nxituan të shpëtonin një qen, që po mbytej në një lumë të ngrirë, të pavetëdijshëm për faktin se ai nuk ishte një qen, por...
Epiqendra e tërmetit ishte në një zonë pak të populluar 139 milje (224 km) në juglindje të qytetit të Ambato. Tërmeti filloi të ndihej në një thellësi prej 132 ...
