6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Që nga refuzimet e komisioneve hetimore parlamentare që çuan në bojkot të Kuvendit dhe deri të përplasjet mes grupit parlamentar të PD-së, Kuvendi në këtë legjislaturë ka patur zhvillime të mëdha dhe përplasje e sherre akoma më të mëdha.
TIRANË- Sot mbyllet legjislacioni 4-vjeçar i këtij Kuvendi dhe i kësaj qeverie nga viti 2021 deri në 2025. Në këto katër vite, zhvillimet në Kuvend nuk kanë qenë të pakta dhe nuk kanë kaluar pa u vënë re. Që nga refuzimet e komisioneve hetimore parlamentare që çuan në bojkot të Kuvendit dhe deri të përplasjet mes grupit parlamentar të PD-së, Kuvendi në këtë legjislaturë ka patur zhvillime të mëdha dhe përplasje e sherre akoma më të mëdha.
Por çfarë ka ndodhur më specifikisht në këto 4 vite Kuvend?
Përplasjet brenda PD-së
Legjislatura e re në Kuvend, ka nisur me zhvillime dhe përplasje të mëdha brenda Partisë Demokratike. Një ditë para se të niste seanca e parë e Kuvendit (9 shtator 2021), Kryetari i atëhershëm i PD-së Lulzim Basha, vendosi të hiqte nga grupi parlamentar Sali Berishën, për shkak të shpalljes 'non grata' nga SHBA. Një vendim i njëanshëm që solli përplasje dhe përçarje të mëdha në partinë më të madhe të Opozitës, vendimi i njëanshëm i Bashës, mori përgjigjen pak muaj më vonë, kur Këshilli Kombëtar i PD-së shkarkoi Bashën si kryetar dhe zgjodhi Berishën. Seanca e parë plenare në këtë legjislaturë ka nisur më 19 shtator 2021, ku deputetët demokratë mbështetës së Berishës, kanë quajtur Bashën si të blerë nga Rama. Përplasjet brenda PD-së kanë vijuar deri në vendimin e Gjykatës në lidhje me vulën dhe logon e PD-së, ku kjo e fundit njohu Këshillin Kombëtar të 11 dhjetorit dhe rrjedhimisht Berishën si kryetar të saj.
Komisionet hetimore parlamentare
Gjatë këtyre 4 viteve Kuvend, kërkesat e Opozitës për Komisione hetimore kanë qenë të shumta, bazuar dhe në skandalet që kanë përfshirë qeverinë Rama këto katër vite. Por vetëm 4 kërkesa për komisione hetimore janë lejuar që të ndodhin. Kërkesa e parë për komision hetimor ka qenë për zgjedhjet e 25 prillit 2021. Kjo kërkesë për komision hetmor është ndër të vetmet që janë pranuar nga Mazhoranca, ndërkohë që kryetar të saj kanë qenë Enkelejd Alibeaj dhe nënkryetare Jorida Tabaku. Në këtë komision janë sjell të dhëna dhe prova të mjaftueshme në lidhje me rezultatin e zgjedhjeve, duke nisur nga verifikimi i parregullsive zgjedhore, përdorimi i patronazhisteve, legalizimet e ndërtimeve dhe presionet ndaj administratës gjatë fushatës. Por ky komision u mbyll pa asnjë rezultat dhe pa shumë bujë në vend.
Kërkesa tjetër për komision hetimor parlamentar që është pranuar nga maxhoranca është dhe Komisioni për Inceneratorin. Ky Komision i udhëhequr nga Jorida Tabaku, ka marrë në pyetje Ministra, biznesmenë si dhe vetë kryeministrin Edi Rama. Në këtë komision janë sjell prova në lidhje me aferën e Inceneratorëve, ku edhe pse pagesat e majme vazhdojnë e kryhen çdo muaj, Inceneratorë nuk ka, por vetëm një grumbull mbetjesh, që u vihet flaka në mënyrë misterioze herë pas here.
Komisioni hetimor për sistemin e të dhënave personale është lejuar që të hapet, vetëm pas disa protestash dhe bojkotesh nga ana e Opozitës. Me kryetar, deputetin tashmë të burgosur të opozitës Ervin Salianji, ky komision ka zgjatur 4 muaj. në këtë komision hetmor janë përfshirë çështje si rrjedhja e të dhënave të mbi 900 mijë qytetarëve të Tiranës, dalja e listave të pagave për më shumë se 600 mijë qytetarë si dhe ndërhyrjet e paautorizuara nga persona të tretë në strukturat e Policisë së Shtetit.
Dhe Komisoni i fundit hetimor që PS ka lejuar që të ngrihet është komisioni për Sterilizimin dhe Check Up. Ky komision ka ardhur si një marrëveshje mes PD-së dhe PS-së, bashkë me komisionin për TIMS. Ky komision është kryesuar nga Albana Vokshi dhe ka nxjerr zbuluar vjedhjet dhe shpërdorimet për tenderat që janë bërë për këto çështje.
Ndërkohë që komisionet hetimore të kërkuara nga PD-ja për afera të tjera të kësaj qeverie, apo që përfshinin vetë kryeministrin Rama, nuk janë lejuar nga maxhoranca. Këto bëhet fjalë për komisionin për Becchettin, i cili ka fituar gjyqin ndaj Shqipërisë në lidhje me mbylljen e televizionit Agon Channel. Mbi këtë gjyq, Shqipëria duhet t'i paguaj Becchettit 110 mln euro dëmshpërblim.
Një komision tjetër që nuk është lejuar nga maxhoranca, ka të bëj drejtpërdrejtë me kryeministrin Edi Rama, që është McGonigal. Ky komision është kerkuar të hetohet lidhja e kryeministrit Rama me ish zyrtarin e FBI-së të arrestuar, Charles McGonigal, por kjo nuk ndodhi kurrë. Dhe që të mos ngrihej ky komision është siguruar vetë kryeministri Rama, i cili deklaroi se nuk ka asnjë shans që Kuvendi të ngrejë një Komision Hetimor lidhur me marrëdhënien e tij me ish-agjentin e FBI-së, Charles McGonigal.
E njëjta gjë është bërë dhe me komisionin hetimor për fluturimet e Ramës me Charter. Sipas PD-së janë regjistruar mbi 137 fluturime të Ramës me charter dhe i kanë kushtuar buxhetit të shtetit mbi 22 milionë eurosh. Ky komision hetimor i kërkuar është bllokuar që në Konferencën e Kryetarëve, ku maxhoranca në grup e ndali. Për këtë komision hetimor, Rama deklaroi se udhëtimet me chartera nuk ishin private, por pjesë e një marrëveshje promo me “Air Albania”.
Tre komisione hetimore të tjera që janë kërkuar nga maxhoranca janë për 'Investimet strategjike', 'Porti i Durrësit' dhe Konfliktet e interesit. Por asnjë nga këto komisione hetimore nuk janë lejuar nga ana e PS-së që të zhvillohen.
Përplasjet PD-PS
Tensionet mes dy partive kryesore në Kuvend, kanë qenë të shumta, por janë intensifikuar më shumë gjatë periudhës kohore 2022-2024. Fillimisht bojkoti nga ana e PD-së ka ndodhur për shkak se maxhoranca nuk ka lejuar që të ngrihen komisionet hetimore parlamentare që kanë inicijuar. Bojkotet në Kuvend, kanë nisur duke mos lejuar që seancat plenare të zhvillohen në mënyrë të qetë dhe duke bllokuar foltoren.
Ky bojkot nga ana e PD-së ka zgjatur për më shumë se 6 muaj, ndërkohë që PS-ja në çdo seancë plenare i kalonte projektligjet dhe projektvendimet pa asnjë diskutim. Ndërkohë që në Komisionin e Etikës, PS-ja përjashtonte deputetët e PD-së nga 10 ditë minimumi deri në 2 muaj jashtë Kuvendit.
Gjendja normale në Kuvendit është rikthyer pas një marrëveshje mes palëve, ku PD-së i janë lejuar që të ngrej dy komisione hetimore parlamentare që janë për TIMS dhe për Konçensionet në Shëndetësi. Por kjo gjendje ka zgjatur vetëm pak muaj, pasi në shtator të vitit 2024 janë rikthyer sërish përplasjet në Kuvend.
Këtë herë për shkak të burgosjes së deputetit Ervin Salianji nga Gjykata e Apelit më 26 shtator 2024. Ky vendim solli përplasje dhe tensione të mëdha në Kuvend, ku deputetët e PD-së nuk kanë lejuar zhvillimin e seancës dhe kanë djegur karriget e Kuvendit jashtë godinës.
Bojkotimi i Kuvendit ka vazhduar më tej për shkak të përjashtimeve të 24 deputetëve të Partisë Demokratike nga seancat, për shkak të dënimeve nga Komisioni i Etikës. Deputetët që protestuan janë përjashtuar me 1 deri në 2 muaj nga Kuvendi, gjë që rriti zemërimin e PD-së.
Aktet ligjore të miratuara në Kuvend
Gjatë kësaj legjislature në Kuvend janë miratuar qindra projektligje, vendime dhe rezoluta. Por le ti shohim pak më në shumë detaje. Sipas kërkimit të bërë nga Dosja.al, në periudhën shtator-dhjetor të vitit 2021 janë miratuar gjithsej 96, të cilat ndahen në projektigje, projektvendime dhe projektrezoluta. Në vitin 2022 janë miratuar gjithsej 192 të cilat ndahen në projektigje, projektvendime dhe projektrezoluta. Viti 2023 dhe viti 2-24 kanë pasur më shumë vendime të miratuara në kuvend, përkatësisht me 233 projektigje, projektvendime dhe projektrezoluta në vitin 2023 dhe 241 projektigje, projektvendime dhe projektrezoluta në vitin 2024. Ndërsa në vitin 2025, janë miratuar 107 projektigje, projektvendime dhe projektrezoluta.
Interperlancat në Kuvend
Ndërkohë që në këtë legjislaturë nuk kanë munguar as kërkesat për interperlancë ugjente dhe me procedurë të zakonshme. Kërkesat më të shumta për interperlancë janë bërë nga deputetët e PD-së kundrejt kryeministrit Edi Rama apo dhe ministrave, por ka pasur dhe përjashtime, ku deputeti socialist Erion Braçe ka kërkuar interperlancë me Ministren e Bujqësisë Frida Krifca.
Gjithsej në këtë legjislaturë janë kërkuar dhe mbajtur 58 interperlanca, ku më të shumtat kanë qenë me Ministrat e qeverisë Rama. Ndërkohë që interperlancat urgjente janë kërkuar me Kryeministrin Edi Rama, në lidhje me aferat që e kanë përfshirë atë si çështja McGonigal, udhëtimet me Chartera, Inceneratorët. Por në interperlancat që janë kërkuar, kryeministri Rama ose nuk ka ardhur fare dhe ia ka deleguar këtë Ministres për marrëdhënien me Parlamentin Elisa Spiropali, ose ka ardhur duke mbajtur një fjalim një Kuvend dhe më pas është larguar.
Jeta parlamentare mbyllet sot për politikanët në Shqipëri, duke pritur muajin shtator që të rinisin sërish, kush është zgjedhur deputetët. Ndërkohë që për disa të tjerë, dita e sotme shënon mbylljen e këtij kapitulli, duke mos marrë një mandat tjetër. Por ajo që na mbetët të bëjmë tashmë, është që të shpresojmë se Kuvendi i ardhshëm 4-vjeçar të ketë përparësi, problemet reale të qytetarëve shqiptarë dhe jo rritjen e rrogës për vetën./Dosja.al
Berisha TIRANË- Kreu i Partisë Demokratike, Sali Berisha gjatë fjalës së tij në konferencë për mediat ka folur...
Agron Gjekmarkaj TIRANË- Deputeti demokrat Agron Gjekmarkaj ka cilësuar 11 majin si farsë zgjedhore, duke denoncuar manipulimin që ka s...
Berisha TIRANË- Kreu i Partisë Demokratike, Sali Berisha është shprehur gjatë konferencës së sotme për mediat se PD...
Erion Veliaj TIRANË- Jona Bejko, punonjësja e kompanisë '5D Konstruktion' ka dëshmuar ditën e sotme në GJKKO. Gjatë...
Berisha TIRANË- Kreu i Partisë Demokratike, Sali Berisha gjatë fjalës së tij në konferencë për mediat ka folur...
edi rama VLORË- Kryeministri Edi Rama në vizitën e tij në Vlorë nuk ka kërkuar vetëm dorëheqje dhe shkarkime. Rapor...
Berisha TIRANË- Kreu i Partisë Demokratike, Sali Berisha gjatë fjalës së tij në konferencë për mediat ka folur n&eu...
Berisha TIRANË- Kreu i Partisë Demokratike, Sali Berisha gjatë fjalës së tij në konferencë për mediat u shpreh se&n...
sali berisha TIRANË- Kryetari i Partisë Demokratike, Sali Berisha ka zhvilluar sot një konferencë për mediat nga selia blu. Berish...
edi rama VLORË- Kryeministri Edi Rama mbërriti sot në Bashkinë e Vlorës, ku ka zhvilluar një mbledhje me dyer të mb...
