6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Natën e vrasjes, H.H., ishte takuar me Madridin dhe kishin pirë kafe së bashku në lokal, që ndodhet në bulevardin e qytetit.
TIRANË- Dy dëshmi kanë zbardhur detaje në lidhje me vrasjen e Madrit Ulqinakut që tronditi Elbasanin dy netë më parë. Policia e ka marrë në pyetje H. H., që ka qënë prezent në vendgjarje dhe ka treguar se çfarë kishte ndodhur.
Nga dëshmia e zbardhur nga OraNews, ai është shprehur se ka qenë një sherr çasti që ka agravuar të gjithë situatën. Natën e vrasjes, H.H., ishte takuar me Madridin dhe kishin pirë kafe së bashku në lokal, që ndodhet në bulevardin e qytetit.
“…jemi ngritur nga kafja rreth orës 21:00 dhe kemi qënë duke ecur në këmbë në trotuarin e bulevardit, me drejtim për nga stadiumi. Në një moment të caktuar ora kishte kaluar 21:30 përballë nesh ishin duke ecur tre djem, ku njëri prej tyre filloj të ngacmojë pa asnjë motiv shokun tim Madritin, dhe konkretisht me fjalët "…m’bane pis, më pengove…" dhe filluan të ofendoheshin mes njeri-tjetrit, dhe se ky person quhet Klaudjan Sallufi. Personi tjetër që shoqërohej me Klaudjanin, menjëherë ka nxjerrë një pistoletë, e mbushi, dhe në një distancë shumë të afërt ka shtënë një herë në drejtim të Madridit i cili menjëherë është shtrirë në tokë…,”- ka dëshmuar shoku i viktimës.
Eiden Dimo, 18-vjeçari që ka rënë në pranga për vrasjen e Ulqinakut ka dhënë gjithashtu dëshminë e tij. I riu tregon se ka qenë bashkë me Klaudjan Sallufin, 33 vjeç e autorin e krimit Horgito Peqini, 18 vjeç, (të dy të shpallur në kërkim), në banesë dhe kanë konsumuar birra. Ai shton se Sallufi e Peqini kanë konsumuar edhe kokainë. Dimo thotë se pasi kanë dalë nga shtëpia janë nisur drejt bulkevardit dhe dy djem kanë ndaluar Sallufi ne kanë debatuar me ta. Sipas dëshmisë së 18-vjeçarit, Peqini kishte nxjerrë armën dhe e kishte qëlluar Ulqinakun duke e lënë të vdekur.
“Pasi kemi pirë disa birra, Klaudio dhe Horgito, të dy kanë konsumuar disa viza kokainë mesa mbaj mend tre katër viza secili. Unë vetë kam pirë vetëm birra dhe nuk kam konsumuar lëndë narkotike kokainë. Kur unë vajta tek shtëpia, pashë që Klaudjani kishte pistoletë mbi divan. Pasi pimë birrat dhe kokainën që konsumoi Horgito dhe Klaudjani, unë kam bërë një “video live” në rrjetim tim social “Instagram” ku kam adresën...Pas videos qëndruam edhe pak në shtëpi edhe më pas dolëm. Kur dolëm Horgito mori pistoletën dhe e futi në marsupin që kishte apo në brez kurse Klaudjani mori një thikë në dorë dhe me pyeti: "…kë do mbash në çantë thikën apo mos e do ti pistoletën…? "…unë i thashë që do mbaj thikën se pistoletë, nuk kam mbajtur ndonjëherë. Futa thikën në çantën marsup që kisha me vete, e cila është e zezë. Kur ishim në rrugën sapo kalon stadiumin, unë po ecja para me Horgiton kurse pas nesh, në më pak se 1 metër po ecte Klaudjani. Në një moment unë shikoj që 2 persona kishin kapur nga duart Klaudjanin dhe po bënin llafe me atë. Unë dhe Horgito, u afruam direkt. Këto shtetas i njoh sepse i kam në lagje dhe quhen Madrit Ulqinaku dhe tjetri Herion Hamzallari. Madritin e njoh sepse vëllai i tij ka punuar në bahçen e babait tim kurse Herionin e njoh sepse ka punuar më parë tek lokali i babait tim ". Sapo i pashë që po konfliktoheshin me Klaudjanin, u afrova për ti ndarë sepse i njihja të dyja palët. Kur më pa Madriti, mu afrua dhe më tha: "…Ti je çuni i Kelit, ç’do ti me këta…". Unë thashë: "…jo nuk kam punë me ta por çfarë keni që ziheni…". Horgito, ndërkohë po i bërtiste Madritit dhe i tha: "Ta q…. r…." dhe sapo tha këtë Horgito, nxorri pistoletën nga çanta e zezë, ia drejtoi armën Madritit dhe i qëlloi me armë një herë dhe Madriti u rrëzua në tokë. Më pas të tre ne u larguam me vrap nga aty. Dhe Horgito iku me pistoletë në dorë. Klaudjani ishte veshur me një bluzë blu, kurse Horgito kishte kapele të zezë në kokë, bluzë të bardhë, me një marsup të zi dhe pantallonat nuk ia mbaj mend. Unë shkova drejt farmacisë që ka mami im dhe aty i lashë mamit celularin, varësen dhe unazën time. Më pas më kapi një Polic dhe më shoqëroi në Komisariat. Dua të them që nuk e di ku shkoi Klaudjani me Horgiton, sepse nuk i pashë ngaqë vrapova direct.
Eiden Dimo u arrestua një ditë më pas. Ai akuzohet për veprat penale "Prodhimi, mbajtja, blerja apo shitja pa leje e armëve të ftohta", "pasi gjatë kontrollit fizik të ushtruar nga shërbimet e Policisë, iu gjetën dhe sekuestruan në cilësinë e provës materiale, një thikë dhe një dorezë metalike". Ndërsa Sallufi e autori i krimit, Horgito Peqini janë ende në kërkim.
