Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Një nga arsyet kryesore që mundëson trafikimin e fëmijëve është varfëria. Shumë familje në Shkodër dhe në fshatra përreth përballen me kushte të vështira ekonomike, që i detyrojnë prindërit të pranojnë oferta të rrezikshme, shpesh pa ditur pasojat që mund të sjellin. Rrjetet e trafikimit shpesh përfitojnë nga kjo situatë, duke përdorur premtime për mundësi më të mira jete për fëmijët, për t’i rekrutuar ata.
TIRANË- Trafikimi i fëmijëve është një nga krimet më të rëndë dhe të dënueshme që prek shumë shtete, përfshirë Shqipërinë. Shkodra, si një qytet i njohur për pasurinë e saj kulturore dhe historike, nuk ka shpëtuar nga ky fenomen shqetësues. Trafikimi i fëmijëve në Shkodër, si dhe në disa zona të tjera të Shqipërisë, ka krijuar një ambient të pasigurt për të miturit, të cilët mund të shfrytëzohen në mënyra të ndryshme, duke përfshirë punën e detyruar, shfrytëzimin seksual dhe marrjen e tyre për qëllime të tjera kriminale.
Një nga arsyet kryesore që mundëson trafikimin e fëmijëve është varfëria. Shumë familje në Shkodër dhe në fshatra përreth përballen me kushte të vështira ekonomike, që i detyrojnë prindërit të pranojnë oferta të rrezikshme, shpesh pa ditur pasojat që mund të sjellin. Rrjetet e trafikimit shpesh përfitojnë nga kjo situatë, duke përdorur premtime për mundësi më të mira jete për fëmijët, për t’i rekrutuar ata.
Sistemi i edukimit dhe institucioneve për mbrojtjen e fëmijëve, ndonëse ka bërë hapa të rëndësishëm, shpesh nuk arrin të reagojë shpejt në raste të tilla. Ndihma që mund të ofrohet për viktimat e trafikimit është ende e pamjaftueshme dhe shpesh nuk është e koordinuar siç duhet mes autoriteteve lokale, qeveritare dhe organizatave ndërkombëtare.
Për të luftuar këtë fenomen, është e rëndësishme të ketë më shumë bashkëpunim mes institucioneve shtetërore dhe organizatave jo-qeveritare. Edukimi i komunitetit, ngritja e vetëdijes për pasojat e trafikimit dhe krijimi i mundësive për një jetë më të mirë për fëmijët janë disa nga hapat që mund të ndihmojnë në zvogëlimin e këtij problemi. Përveç kësaj, forcimi i ligjit dhe zbatimi më i mirë i tij janë të domosdoshëm për të parandaluar dhe luftuar trafikimin e fëmijëve në Shkodër dhe në gjithë Shqipërinë. Fëmijët duhet të kenë të drejtat e tyre të mbrojtura dhe duhet të jetojnë në një mjedis të sigurt, larg çdo forme abuzimi dhe shfrytëzimi.
Roli i psikologut në shkollë është shumëdimensional, duke kontribuar në edukimin, mbrojtjen dhe rehabilitimin e fëmijëve, si dhe në ngritjen e ndërgjegjësimit për rreziqet që lidhen me trafikimin. Psikologia Irena Xhaferri theksoi se një nga detyrat kryesore të psikologut shkollor është edukimi i fëmijëve për rreziqet që lidhen me trafikimin dhe mënyrat se si mund të mbrohen ata. Po ashtu Xhaferri shtoi rëndësinë se psikologu mund të organizojë aktivitete edukative që përfshijnë grupe diskutimi, lojëra ndërgjegjësuese dhe trajnime që ndihmojnë fëmijët të identifikojnë shenjat e mundshme të abuzimit dhe të dinë si të reagojnë në situata të rrezikshme.
"Trafikimi i fëmijëve është një nga format më të rënda të shkeljes së të drejtave të njeriut, duke përfshirë shfrytëzimin seksual, punën e detyruar dhe format e tjera të abuzimit. Psikologu luan një rol thelbësor në luftën kundër këtij fenomeni në nivele të ndryshme, si në parandalim, ndihmë dhe rehabilitim të viktimave. Në secilën nëndegë të psikologjisë ka kontribut të veçantë, si ai klinik, shkollor, social etj. Në këtë rol kaq kyç detyrat e psikologut do të ndahej si më poshtë:
a) Roli në parandalim. Psikologët kontribuojnë në parandalimin e trafikimit të fëmijëve në ndërgjegjësimin e komunitetit nëpërmjet ndërgjegjësimit duke organizuar seminare, trajnime apo fushata sensibilizimi, ndërgjegjësimi në edukimin e publikut si në media, ashtu edhe në OJQ të ndryshme. Gjithashtu këtë rol e luan në punën me fëmijët dhe familjet. Psh psikologu shkollor kryen fushata ndërgjegjësimi në shkollë me prindërit dhe nxënësit. Në këtë kuadër psikologu ndihmon fëmijët dhe familjet për të njohur dhe shmangur dhe situatat e rrezikshme. Këta psikologë në shkolla ndihmojnë edhe në këshillim. Gjithashtu duke koordinuar edhe me psikologë të fushave të tjera, kalon edhe në identifikim dhe tratim.
b) Roli në identifikim. Duke qenë në kontakt të drejtëpërdrejtë me komunitetin psikologu luan rol thelbësor në identifikimin e viktimave në rrezik të trafikimit. Ky identifikim vjen si në shkollë tek fëmijët, psikologu klinik në terapi etj. Psikologu me anë të punës së tij, me anë të instrumenteve të ndryshme si dhe intervistat arrin të identifikojë simptomat problematike emocionale në terapi individuale si dhe në marrëdhënie me të tjerë në shkollë e më gjerë.
c) Roli në trajtim dhe rehabilitim të vitikimave të trafikimit. Duke patur përgatitjen profesionale, psikologu në rastin e iktimave të trafikimit ofrojnë ndihmë të specializuar për të rimarrë kontrollin mbi jetën e tyre. Kjo ndihmë psikologjike kryhet me anë të terapisë individuale duke e ndjekur fëmijën hap pas hapi për të përballuar traumën dhe në krijimin e sigurisë. Gjithashtu në rintegrimin e këtij fëmijë në familje dhe më gjerë duke kryer terapinë familjare, për të rivendosur lidhjet dhe ekuilibrat familjare që ata të kuptojnë fëmijën, çfarë ka kaluar, si të kuptojnë emocionet dhe se si familja të ndihmojë dhe mbështesë fëmijën. Të njejtën taktikë ndjek edhe në shoqëri, klasë me anë të terapisë së grupit. Pra psikologu ndihmon në ndëtimin e besimit të vetes, zhvillimin e aftësive sociale dhe mbështetjen për integrimin në shoqëri.
d) Roli në advokim dhe në ndërtim politikash. Duke qenë mbrojtës të fortë të emocioneve, të traumave të viktimave të trafikimit, psikologët luajnë rol kyç në advokim dhe në ndërtim të politikave dhe ligjeve që mbrojnë fëmijët nga trafikimi. Ky rol mbrojtës vjen duke kryer studime në terren dhe raporte konkrete, për pasojat psikologjike, emocionale, shëndetësore e mendore lë trafikimi, në këtë mënyrë kontribuojnë në formulimin e politikave sa më efektive. Gjithashtu psikologët, duke punuar vetë apo duke bashkëpunuar me OJQ të ndryshme për mbrojtje apo parandalim të viktimave të trafikimit, arrijnë të gjejnë terren si për avdokim, lobim e ndërtim politikash ashtu edhe në ofrim të shërbimeve konkrete," tha Xhaferri.
Psikologia gjithashtu theksoi se një nga detyrat e rëndësishme të psikologut në shkollë është krijimi i një mjedisi shkollor të sigurt dhe mbështetës, ku fëmijët mund të ndihen të sigurt dhe të respektohen. Xhaferri shtoi se psikologët duhet të punojnë ngushtë me mësuesit dhe stafin shkollor për të identifikuar fëmijët që mund të jenë të ekspozuar ndaj rreziqeve të trafikimit.
"Prania e një psikologu është jetike për të adresuar nevojat emocionale, sociale dhe psikologjike të fëmijëve që kanë rënë pre e trafikimit. Në momentin e identifikimit të rasteve të fëmijëve të trafikuar psikologu angazhohet në mbështetjen e menjëhershme emergjente për t’i krijuar ambient të përshtatshëm, të ngrohtë e të sigurtë ku fëmija ta ndiejë veten jo vetëm të sigurtë dhe të pranuar. Këshut fëmija mund të shprehë përvojat, frikërat dhe shqetësimet e tij lirshëm. Pas kësaj, kalohet në hapin e ndërtimit të planit të punës dhe në fillimin e terapisë për trajtimin e traumës së krijuar duke përdorur teknika të ndryshme, si terpaia konjitivo-bihejviorale, terapia e fokusuar tek trauma etj, në mënyrë që fëmija jo vetëm të shprehë traumën por të mësojë të përballojë dhe të rikrijojë një siguri në vetvete dhe teknika të reagimit në raste rreziku të tjera. Parë nga ky këndvështrim, roli i psikologut në këto raste është kaq jetik tek këta individë," tha Xhaferri.
Po ashtu Xhaferri theksoi se psikologët shkollorë luajnë gjithashtu një rol të rëndësishëm në angazhimin e familjeve dhe komunitetit për të parandalimi trafikimin e fëmijëve.
"Por detyra e psikologut vazhdon edhe në mbështetje për integrim në shoqëri duke punuar në mënyrë individuale për rifitimin apo rindërtimin e aftësive sociale si dhe në sigurimin e mbështjetjes për arsim, në mbështetjen në shkollë e më gjerë, në aftësimin professional dhe në aktivitete rekreative. Gjatë gjithë kohës që nga fillimi deri në fund, psikologu kryen monitorim të shëndetit mendor dhe të gjendjes emocionale, duke bërë vlerësime dhe trajtime të vazhdueshme. Këtu nuk duhet të harrojmë që këta individë kalojnë trauma shumë të forta, ku psikologu duhet të punojë me ankthin, traumën dhe post-traumën, depresionin elementë që nëse nuk ndërhyhet në kohë krijojnë diagonza shumë të rënda tek indvidët e ardhshëm të cilët, nëse nuk ndërhyhet ose të do bien sërish në viktima të trafikantëve ose të kthehen vetë në trafikantë të mundshëm. Si përfundim mund të themi që prania e psikologut në jetën e përditshme është i rëndësishëm, për viktimat e trafikimit është thelbësor, kur këto viktima janë fëmijë psikologu është domosdoshmëri jetike. Psikologu, sipas specializimeve përkatëse në fusha të ndryshme të jetës, ndikon jo vetëm në shpëtimin e viktimave, p por edhe në parandalimin e rasteve të reja dhe ndërtimin e një shoqërie më të sigurt për fëmijët. Ndërthurja e ndihmës psikologjike me politikat mbrojtëse krijon një qasje të gjithanshme ndaj këtij problemi global," përfundoi ajo.
Roli i psikologut në shkolla për parandalimin e trafikimit të fëmijëve në Shkodër është shumë i rëndësishëm dhe shumëdimensional. Psikologët janë të fuqishëm në edukimin e fëmijëve, identifikimin e shenjave të rrezikut, ofrimin e mbështetjes emocionale dhe rehabilitimin e viktimave të trafikimit. Nëpërmjet bashkëpunimit të ngushtë me shkollat, familjet dhe komunitetin, ata mund të kontribuojnë në krijimin e një ambienti të sigurt dhe mbrojtës për fëmijët, duke minimizuar rreziqet e trafikimit dhe duke ndihmuar në zhvillimin e një shoqërie më të sigurt dhe të drejtë.
Foto ilustruese SHKODRA- Një 29-vjeçar në Shkodër është arrestuar pasi ka kërcënuar të vrasë baban...
TikTok TIRANË- Pedagogu Ervin Goci ka bërë një përmbledhje të disa gjërave që cënohen nga mbyllja e ...
Selim Cekaj TIRANË- SPAK i ka kërkuar për herë të dytë GJKKO-së pushimin e çështjes penale ndaj Selim &Ccedi...
gjykata e tiranes TIRANË- Gjykata e Tiranës ka caktuar "arrest me burg" 34-vjeçarin Darin Gezdarin, ndërsa ka dhënë "arrest...
fier FIER- Reshjet e dendura të shiut me erë të fortë kanë përfshirë edhe qytetin e Fierit. Aktualisht reshjet po bien m...
Egla Ceno dhe Altin Basha TIRANA- Aktorja Egla Ceno ka reaguar përmes një postimi në llogarinë e tij në "Instagram" n&eu...
Foto ilustruese PESHKOPI- Një aksident është regjistruar sot në rrugën Maqellarë-Peshkopi. Mësohet ...
Foto ilustruese TIRANA- Policia e Tiranës ka reaguar lidhur me protestën e thirrur nga opozita pasditen e sotme teksa ka paralajmëruar ...
mot me debore SHKODËR- Qarku i Shkodrës është përfshirë gjatë natës nga reshjet e dëborës me instensitet ...
Valter Xhelillari KORÇA- 38-vjeçari Valter Xhelillari ka rënë në prangat e policisë së Kor&c...
