Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SHBA- Shtetet e Bashkuara duhet të trajnojnë agjentët dhe analistët e tyre të zbulimit mbi kërcënimin në rritje nga Kina, u tha ligjvënësve të mërkurën i emëruari i Presidentit të Shteteve të Bashkuara, Joe Biden për të drejtuar agjencinë kryesore të zbulimit të vendit, duke e quajtur konkurrencën nga Pekini “provën më të madhe gjeopolitike me të cilën përballemi”.
Ish-ambasadori William Burns, një diplomat karriere që ka shërbyer në Rusi dhe Lindjen e Mesme, e ndau këtë vlerësim me anëtarët e Komisionit të Senatit për Zbulimin në seancën për konfirmimin e tij në postin e Drejtorit të Agjencinë Qendrore të Zbulimit (CIA), duke paralajmëruar më tej se kjo epokë e re e konkurrencës në rritje me Pekinin mund të jetë si asnjë tjetër në historinë e SHBA-së.
“Aftësia konkurruese e Kinës do të jetë thelbësore për sigurinë tonë kombëtare në dekadat e ardhshme,” tha zoti Burns, duke përshkruar udhëheqjen e Kinës si armiqësore.
“Evolucioni i Kinës së [Presidentit] Xi Jinping gjatë gjashtë apo shtatë viteve të fundit ka qenë një këmbanë alarmi shumë e fortë ,” shtoi ai. “Është një lloj ambicieje dhe vendosmërie agresive, e hapur, që mendoj se e ka bërë shumë të qartë natyrën e kundërshtarit dhe rivalit me të cilin përballemi.”
Nëse konfirmohet, 64-vjeçari Burns do të bëhej diplomati i parë i karrierës që drejton CIA-n. Ai u tha ligjvënësve se përvoja e tij e punës me agjencinë e zbulimit ndërsa ishte në Departamentin e Shtetit e bëri të vlerësojë atë që bëjnë oficerët dhe analistët e saj.
“Informacionet e sakta të zbulimit të ofruara me ndershmëri dhe integritet janë themeli kritik për vendime politike të peshuara mirë“, tha ai, duke u përgjigjur për shqetësimet se nën drejtimin e ish-Presidentit Donald Trump, disa hallka të zbulimit u politizuan për të mbështetur qëllimet politike të administratës së tij.
“Politika duhet të ndalet aty ku fillon puna e zbulimit,” tha zoti Burns.
Presidenti Biden “tha se ai do që agjencia t’i thotë të vërtetën dhe unë u zotova të bëja pikërisht këtë, dhe të mbrojë ata që bëjnë të njëjtën gjë,” shtoi zoti Burns.
Ligjvënësit nga të dyja partitë vlerësuan figurën e zotit Burns. Megjithatë pati disa pyetje në lidhje me kohën kur zoti Burns ishte president i Fondit Carnegie për Paqe Ndërkombëtare, një organizatë me qendër në Uashington që kishte marrë pjesë në Fondacionin e Shkëmbimit Kinë-ShBA dhe kishte lidhje me Universitetin Tsinghua në Pekin.
Zoti Burns tha se ai e gjeti të ngritur programin e shkëmbimit kur u bë president i Fondit Carnegie dhe se ai shpejt e ndërpreu atë për shkak të shqetësimeve në lidhje me ndikimin kinez, ndërsa në të njëjtën kohë kërkoi të sigurohej që lidhjet e Fondit Carnegie me Universitetin Tsinghua të mos ta pengonin organizatën të bënte punë të pavarur.
Kryetari i Komisionit të Senatit për Zbulimin, demokrati Mark Warner dhe nënkryetari, republikani Marco Rubio, gjithashtu e pyetën zotin Burns se si do ta trajtojë atë që është bërë e njohur si “Sindroma e Havanës” – një sërë simptomash, duke filluar nga marramendja te dhimbja e kokës dhe humbja e dëgjimit që ka prekur personelin diplomatik dhe zyrtarët e zbulimit në Kubë, Rusi, Kinë dhe gjetkë.
“Unë do ta konsideroj një përparësi me rëndësi të jashtëzakonishme që të gjendet përgjegjësit dhe për të siguruar që kolegët dhe familjet e tyre të marrin kujdesin e duhur”, tha zoti Burns.
Trajtimi i kërcënimeve ruse, iraniane
Përveç Kinës, zoti Burns paraqiti një sërë kërcënimesh të tjera me të cilat do të duhet të përballet agjencia amerikane e zbulimit, duke përfshirë rreziqe më të reja si ndryshimi i klimës dhe siguria shëndetësore.
Ai gjithashtu përshkroi kërcënimet ndaj zinxhirit të furnizimit dixhital amerikan, duke e quajtur sulmin rus të kompanisë me bazë në Teksas SolarWinds, “një këmbanë e fortë alarmi për të gjithë ne lidhur me ekspozimin e zinxhirëve të furnizimit dhe infrastrukturës kritike”.
Zoti Burns paralajmëroi kundër nënvlerësimit të Rusisë.
“Ndërsa Rusia mund të jetë në shumë drejtime një fuqi në rënie, ajo mund të jetë të paktën po aq e rrezikshme, nën udhëheqjen e [Vladimir] Putinit, sa fuqitë në rritje si Kina,” u tha ai ligjvënësve.
“Për sa kohë që Vladimir Putin është udhëheqësi i Rusisë, ne do të veprojmë me një numër të kufizuar alternativash, që nga konkurrenca shumë e ashpër deri tek armiqësia e egër”, tha ish-ambasadori amerikan.
Për Iranin, zoti Burns tha se Shtetet e Bashkuara nuk mund të kenë besim që udhëheqja në Teheran të ketë një armë bërthamore.
“Është absolutisht e rëndësishme për Shtetet e Bashkuara të bëjnë gjithçka që mundemi për të parandaluar Iranin të zhvillojë një armë bërthamore,” u tha ai ligjvënësve.
Edhe nëse Irani i rikthehet respektimit të plotë të marrëveshjes bërthamore, i njohur si Plani i Përbashkët Gjithëpërfshirës i Veprimit (JCPOA), zoti Burns tha se marrëveshja duhet të shërbejë si një “platformë” për vendosjen e kufizimeve më të rrepta në programin bërthamor të Teheranit dhe aktivitetet e tjera keqdashëse.
Zhvillimi i aftësive teknologjike dhe kibernetike
Ish-zyrtarët paralajmërojnë se Burns do të përballet me një numër sfidash të tjera, nëse ai konfirmohet.
“Unë besoj me forcë se kushdo që ka aftësitë më të mira teknologjike fiton luftën globale të zbulimit,” i tha Zëri i Amerikës Larry Pfeiffer, një ish-shef personeli i CIA-s.
“CIA duhet të vazhdojë të forcojë zgjerimin e inovacionit dixhital për të përmirësuar mbledhjen, analizën dhe shpërndarjen e zbulimit,” tha ai, duke theksuar se agjencisë mund t’i duhet të bëjë ndryshime të tilla pa rritur buxhetin.
Në dëshminë e tij, zoti Burns tha se agjencia e zbulimit “do të duhet të punojë edhe më shumë” për të zhvilluar aftësitë teknologjike dhe kibernetike, si për t’u përballur më mirë sulmet ashtu edhe për të shtuar parandalimin e tyre.
Një çështje që nuk doli në pah gjatë seancës të së mërkurës, por që ka të ngjarë të paraqesë një sfidë për CIA-n, është ekstremizmi i brendshëm. Ndryshe nga FBI-ja, CIA e ka të ndaluar të mbledhë informacion nga persona brenda Shteteve të Bashkuara.
“Ekstremizmi i brendshëm në vetvete nuk është çështje e CIA-s, por lidhjet e huaja dhe paralelet me atë lloj ekstremizmi janë brenda përgjegjësisë së agjencisë,” tha Paul Pillar, një ish oficer i lartë i CIA-s, profsor në Universitetin Georgetown.
MARRË NGA VOA
1 vit nga zgjedhjet e 25 prillit si e shikoni gjendjen e vendit:
SHBA– Presidenti i Shteteve të Bashkuara Joe Biden anuloi të mërkurën një urdhër të paraardhësit të tij që bllokonte shumë aplikantë të kartës së gjelbër ...
ITALI– Pamje magjepëse nga Italia. Mbrëmjen e sotme, ka shpërthyer sërish vullkani Etna. Sipas mediave të huaja ky është shpërthimi i pestë brenda një jave. Si&...
KROACI- Një tërmet tjetër me magnitudë 4.3 ballë i shkallës Rihter ka goditur Kroacinë para pak minutash. Sipas të dhënave të ESMC-së epiqendra e tërmetit është...
Organeve të policisë dhe të drejtësisë në Gjermani po u jepen mundësi të reja për të luftuar trafikimin e paligjshëm të drogave, të armëve ose objekteve të tjer...
Një popull që përbëhet vetëm nga hajdutë, muzikantë, fallxhorë dhe lypës” – ky është përfytyrimi që ekziston në Gjermani për rreth 6,3 milionë sinti...
KOSOVË- I dërguari i bashkimit evropian për dialogun Kosovë-Serbi, Miroslav Lajcak, më 22 shkurt të këtij viti ka dhënë një intervistë për “European Wester...
IZRAEL- Parlamenti në Izrael, ditën e sotme ka autorizuar një ligj, ku i jep mundësi Ministrisë së Shëndetësisë të zbuloj identitetin e personave që nuk janë v...
Lista Serbe refuzon të përgjigjet se si do të veprojë në raport me qeverinë e ardhshme, e cila pritet të krijohet nga Lëvizja Vetëvendosje (LVV), si fituese e z...
KOSOVË-Rreth 20 prindër të nxënësve të shkollave të mesme që morën pjesë në dhunimin e djalit të politikanit serb në Kosovë Nenad Rashiç, janë mbled...
Një gjykatë në Gjermani ka dënuar një ish-zyrtar të inteligjencës siriane me katër vjet e gjysmë burgim, për bashkëpunim në krime kundër njerëzimit.Prokurorët n...
