Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
BRUKSEL- 17 shkurti mund të quhet dita e solidaritetit të Europës me Shqipërinë. Asnjëherë më parë nuk ishin bërë bashkë kaq krerë shtetesh, ministra e përfaqësues nga BE, si në Konferencën Ndërkombëtare të Donatorëve të hënën në Bruksel për të mbledhur fonde për rimëkëmbjen e Shqipërisë pas tërmetit.
Solidaritet me Shqipërinë
Konferenca “Së bashku për Shqipërinë” e organizuar nga Komisioni Europian nën drejtimin e vetë presidentes së KE, Ursula von der Leyen dhe presidentit të Këshillit të BE, Charles Michel kishte një synim. “Sot është dita që të tregojmë solidaritet ndaj shqiptarëve”, tha presidentja e Komisionit Europian, Ursula von der Leyen në fjalën e hapjes. Populli shqiptar e di, se e ka vendin në familjen europiane, tha ajo, duke kujtuar tërmetin e 26 nëntorit. “Shqipëria vetëm nuk ka shpatulla ta përballojë këtë barrë”, por ne jemi këtu që të themi, se do t’i qëndrojmë pranë Shqipërisë, premtoi von der Leyen.
“Jemi të gjithë një familje e madh europiane”, tha presidenti i Këshillit të BE, Charles Michel. Me këtë konferencë, ne duam të themi, se shqiptarët nuk “janë fqinj të largët të BE, por pjesë integrale e kontinentit tonë.”
Katër orë konferencë – por 1,15 miliardë euro të mbledhura në formë grantesh dhe kredish për Shqipërinë nga vende të BE e nga bota. Kur komisioneri i BE-së për zgjerimin, Oliver Varhelyi lexoi shumën e mbledhur, tha se kjo ishte përtej pritshmërive. “Kjo është një përpjekje e përbashkët dhe falëndëroj të gjithë kontribuesit.”
Fonde nga Europa dhe Ballkani
Gjermania, donatore kryesore në Shqipëri ishte ndër vendet e para që i ofroi ndihmë të menjëheshme teknike Shqipërisë pas tërmetit. Në Konferencën e Donatorëve ky vend dha një kontribut prej 11 milionë eurosh për rikuperimin e dëmeve të tërmetit. Ministri i Jashtëm francez, Le Drian, i pranishëm në konferencë nënshkroi me kryeministrin, Edi Rama marrëveshjen për kushtet e krijimit të Agjencisë Franceze të Zhvillimit në Shqipëri, një agjenci që do të monitorojë e ndihmojë në realizimin e projekteve në vlerë 100 milionë euro.
Po ashtu Franca ofroi 60 milionë euro kredi. Ministri i Jashtëm i Italisë, Luigi di Maio bëri të ditur, se janë identifikuar burimet financiare për 65 milionë euro ndihmë Shqipërisë. Holanda ofroi 3 milionë euro, po ashtu shumë vende të tjera europiane dhanë kontributet e tyre financiare. Peshën më të madhe në shumën e fondeve të mbledhura e mbajnë Banka Europiane e Investimeve, Banka Europiane për Zhvillim e Banka Botërore, që ofruan disa qindra milionë euro në formë kredish e grantesh për Shqipërinë.
Por kjo konferencë mund të quhet edhe dita e solidaritetit fqinjësor ballkanik. Kosova, që dha ndihmën e parë të shpejtë dhe mbërriti me forca shpëtimi brenda pak orësh më 26 nëntor, ofroi një shumë ndihme prej 200.000 eurosh, krahas shumës së parë prej 500.000 eurosh. Kurse presidenti i Malit të Zi, Milo Gjukanoviq, pjesëmarrës në konferencë bëri të ditur se Mali i Zi do të japë 500.000 euro ndihmë financiare. Kryeministrja serbe, Ana Brnabic premtoi nga Serbia një grant prej 2 milionë eurosh. Premtime për ndihma në forma të ndryshme erdhën edhe nga Maqedonia e Veriut, Bullgaria, Rumania e Greqia.
BE do të jetë e përfshirë në implementim
Me sa duket delegacioni shqiptar në konferencë nuk e kishte pritur mbledhjen e një shume të tillë. Koordinatorja e programit kombëtar të rindërtimit, Milva Ekonomi, tha për për Deutsche Wellen menjëherë pas konferencës, se “kur lexoi komisioneri shumën, m’u mbushën sytë me lot. Ishte një gëzim i paparë.” Habinë nuk e fshehu as kryeministri Rama, që tha se sot flisnim më parë me njëri-tjetrin se si do të ishte rezultati i konferencës. “Thamë, nëse do të mblidhet 40% e shumës së nevojshme do kthehemi pa ankth, nëse mblidhen 50% e shumës atëherë do ndjehemi të suksesshëm, çdo gjë përtej 50%, nëse do ndodhte do ishte magjike.”
Megjithatë pas gëzimit për mbledhjen e parave në deklaratat e përfaqësuesve të BE mund të lexoje edhe sinjalin paralajmërues për Shqipërinë. Paratë duhet të shkojnë në vendin e duhur, dhe se duhet të sigurohet transparencë në përdorimin e tyre dhe llogaridhënie. Komisioneri i Zgjerimit, Oliver Varhelyi tha për Deutsche Wellen, se implementimi do të jetë çelësi. “Korrupsion nuk do të ketë dhe nuk do të lejojmë të ketë. Ne do të jemi të përfshirë në implementim.”
(Marrë nga DW)
1 vit nga zgjedhjet e 25 prillit si e shikoni gjendjen e vendit:
TIRANË- Presidenti Ilir Meta ka përshëndetur edhe njëherë Konferencën e Donatorëve, duke thënë se qeveria shqiptare ka bërë një punë të mirë. I ftuar sot n...
TIRANË– Kryetarja e LSI-së Monika Kryemadhi ka shprehur mirënjohje për të gjithë vendet e botës që dhuruan 1.15 miliardë euro për rindërtimin e dëmev...
TIRANË– Nënkryetari i LSI-së, Petrit Vasili ka reaguar gjithashtu për shumën e donacioneve të mbledhura sot për dëmet e shkaktuara nga tërmeti. Në Facebook...
TIRANË– Ministri fuqiplotë Bledi Çuçi ka reaguar lidhur me shumën e 1.15 miliardë eurove që u mblodhën në Konferencën e Donatorëve për rindër...
TIRANË– Shqipëria ka arritur që të mbledhë 1.15 miliardë € nga Konferenca e Donatorëve në Bruksel për rindërtimin e dëmeve të shkaktuara nga tërmeti i 26 n...
BRUKSEL- Kryeministri Edi Rama nuk e ka fshehur dot gëzimin pas Konferencës së Donatorëve, nga e cila doli me 1.15 miliardë Euro për rindërtimin e Shqipërisë. N...
SHKODËR– Socialistët e Shkodrës i kanë dërguar një kërkesë zyrtare selisë qëndore të PS-së në tyre në Tiranë dhe kreut të tyre, kryeministrit Edi Ram...
BRUKSEL- Presidentja e KE, Ursula von der Leyen, ka folur pas Konferencës së donatorëve, duke thënë se do dërgohen një grup ekspertësh në Shqipëri për të monito...
TIRANË- Presidenti Ilir Meta, ka reaguar pas Konferencës së Donatorëve, nga e cila Shqipëria ka dalë me duart plot, pasi janë mbledhur më shumë se 1 miliar...
