Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– I dërguari i Posaçëm amerikan për Ballkanin Perëndimor, Gabriel Escobar ka folur lidhur me ardhjen e mundshme në pushtet të ish-kryeministrit Sali Berisha, i cili është shpallur “non grata” nga Departamenti Amerikan i Shtetit. Në një intervistë lidhur me çështjen për “News24”, Escobar ka bërë një krahasim me presidentin serb të Bosnje Herzegovinës, Milorad Dokik, për të cilin tha se e takojnë vetëm në kuadër të postit të tij. Por nuk merr kurrë ftesa për në Uashtinton, për shkak të qëndrimeve të tij. Ndërsa lidhur me provat e kërkuara për Berishën, Escobar ka hedhur “dorashkën” nga institucionet vendase, duke kërkuar nisjen e hetimeve.
“Ku janë hetuesit vendas? Ne kemi rregullat tona. Nëse doni ta dini hetoni, bëni ndjekje penale. Ka të bëjë me Amerikën që mbështet luftën tuaj kundër korrupsionit. Nuk e kisha pyetje retorike këtë. Nuk zgjedhim udhëheqësit tuaj, por zgjedhim fokusin tuaj. Takohemi me Dodik vetëm se është në presidencë, nuk e ftojmë në Uashtingon. Mendojeni atë si shembull. Kemi një politikë të përcaktuar nëse Berisha kthehet në PD. Nuk dua të flas për të shkuarën, sepse e shkuara është në të shkuarën. SHBA ka haxhuar kohë është sepse rajoni ka mundësi për rritje ekonomike. Ka njerëz të përqëndruar tek krijimi i një të ardhmeje më të mirë për njerëzit. Partnerët i shohim tek përqëndimi tek integrimi. Nëse nuk i gjejmë në sferën politike do i gjejmë në shoqëri civile, apo dhe tek sektori privat,“-shtoi Escobar.
PJESË NGA INTERVISTA:
Sokol Balla: Ok, pasoja e parë që shohim tani, që e sugjerojnë edhe sondazhe private, është se që nga muaji maj kur ndodhi shpallja dhe sidomos që kur filloi lëvizjen e tij foltorja, Sali Berisha duket se është bërë, e dini, guxoj ta them, më popullor mes demokratëve dhe shqiptarëve në përgjithësi. Disa thonë se kjo është dobësim i Amerikës mes shqiptarëve, gjë që unë nuk e besoj, por njerëzit e thonë. Disa të tjerë e shohin si shenjë që shoqëria po maturohet, e duam Amerikën, por mund ta kritikojmë kur bëjnë një gabim. Disa të tjerë mendojnë se u bë në mënyrën e gabuar, ajo që iu bë atij. Por unë si gazetar që dua të shkoj tek e vërteta dhe transparenca, do të doja të kisha një përgjigje më të qartë se pse konkretisht, Z. Berisha dhe familja e tij u shpallën non-grata nga Departamenti i Shtetit?
ZV/NS Escobar: Ja pyetja për ju: Ku janë hetuesit vendas dhe prokurorët vendas në raste si këto? Dua të them, ne e bëmë sipas ligjeve tona, rregullave tona, autoriteteve tona. Por edhe ju keni disa në vend. Pra, nëse doni ta dini, hetoni. Nëse doni të dënoni, bëni ndjekje penale. Nëse doni të ndëshkoni, dënoni njerëzit që janë pjesë e këtij korrupsioni sepse kjo nuk ka të bëjë me Amerikën që lufton korrupsionin në Shqipëri, por ka të bëjë me Amerikën që mbështet luftën tuaj kundër korrupsionit. Kjo është pyetja ime.
Sokol Balla: Dhe jam absolutisht dakord me ju, ishte pyetje retorike. Jam plotësisht në një mendje me ju.
ZV/NS Escobar: Imja nuk ishte retorike.
Sokol Balla: Që drejtësia këtu nuk po bën punën si duhet. A do të thotë ndihma juaj për drejtësinë që ju edhe do të jepni prova dhe dosje dhe të dhëna për sistemin shqiptar të drejtësisë kur vjen fjala tek rasti i Z. Berisha dhe familjes së tij?
ZV/NS Escobar: Kemi një sistem të shkëlqyer bashkëpunimi në ligjzbatim dhe bashkëpunim ligjor dhe po, mund ta bëjmë.
Sokol Balla: Po e bëni këtë?
ZV/NS Escobar: Nuk do të komentoj për komunikimet diplomatike, por pjesë e marrëdhënies dypalëshe, e cila është e thellë dhe e gjerë, ka të bëjë me bashkëpunimin jo vetëm tek pjesa ushtarake, jo vetëm në nivelin politik, por edhe për zbatimin e ligjit dhe një gamë të gjerë çështjesh si nga pikëpamja dypalëshe ashtu edhe shumëpalëshe ku ne ndajmë inteeresa të përbashkëta dhe synime të përbashkëta.
Sokol Balla: Z. Escobar, Berisha pretendon se do të marrë, në kuptimin e parë të fjalës, Partinë Demokratike, nesër në mitingun që ka orgnaizuar në Tiranë. Javën e kaluar, Z. Basha, kreu i Partisë Demokratike më tha në një intervistë se është i gatshëm të përballet me Berishën dhe njerëzit e tij në çdo, citoj këtu, skenar të mundshëm. Por shumë vrasin mendjen nëse Basha mund t’ia dalë ta ndalojë Berishën dhe disa thonë tani se autoritetet nuk e bëjnë punën, sistemi i drejtësisë nuk e bën punën, dhe tani punën duhet ta mbarojnë SHBA-të. Si i përgjigjeni kësaj?
ZV/NS Escobar: Shiko, marrëdhënia jonë është një marrëdhënie e pjekur mes aleatëve në NATO. Nuk është në dorën tonë të zgjedhim udhëheqësit tuja, por do të nxisja njerëzit të mendojnë me shumë kujdes se cilët udhëheqës zgjedhin, se në cilën rrugë duan të jetë Shqipëria. Dhe shpresojmë se përgjigja do të jetë një rrugë me fokusin europian, përkushtuar ndaj NATO-s, dhe përkushtuar ndaj luftës kundër korrupsionit.
Sokol Balla: Ambasadorja juaj këtu e ka bërë të qartë pozicionin e Departamentit të Shtetit se çfarë do të ndodhë me Partinë Demokratike nëse gjërat shkojnë nga ana e Berishës. A keni një mesazh tjetër për ta plotësuar?
ZV/NS Escobar: Nuk takohemi me të. Është i shpallur. Pra, do të ketë pasoja nëse Partia Demokratike zgjedh dikë që është i shpallur për të qenë udhëheqësi i saj.
Sokol Balla: Si? Keni zgjedhur më parë, dua të them Departamenti i Shtetit ka zgjedhur më parë edhe organizata politike që kanë qenë në listë, në listë të zezë…
ZV/NS Escobar: …shumë rrallë …
Sokol Balla: …shumë rrallë, do të ishte ky rasti?
ZV/NS Escobar: Nuk e kuptoj pse do të ishte ky rasti. Dhe e di që njerëzit duan ta krahasojnë me rastin e Milorad Dodik; me që ra fjala, ne takohemi me të vetëm sepse është në presidencën treshe, takohemi me presidencën, jo me të. Nuk takohemi me të në Sarajevën lindore, nuk takohemi me të në Banja Luka dhe nuk takohemi me të në Pale, dhe sigurisht që nuk e ftojmë në Uashington dhe nuk ftohet në Bruksel apo ndonjë kryeqytet europian tjetër. Pra, mendojeni atë si shembull.
(k.m/dosja.al)
Cila mendoni se është alternativa më e mirë:
TIRANË – Këshilli i Lartë i Prokurorisë ka intervistuar ditën e sotme tre prokurorët kandidatë, të cilët duan të jenë pjesë e Strukturës së Posa&cced...
TIRANË– Presidenti Ilir Meta ka kthyer për rishqyrtim në Kuvend ligjin për “Buxhetin 2022”! Kreu i shtetit ka kërkuar reflektimin në disa...
TIRANË- Zyrtari i lartë amerikan, Gabriel Escobar ka folur lidhur me shpalljen “non grata” të ish-kryeministrit Sali Berisha. Në një intervistë...
TIRANË – Tre prokurorë janë intervistuar ditën e sotme nga Këshilli i Lartë i Prokurorisë, të tre kandidatë për të qenë pjesë e Strukturës së Posa&cc...
TIRANË – Prokurorja Sonila Muhametaj, e cila ushtron detyrën në Tiranë, është një nga tre të intervistuarit e sotëm në KLP, në kuadër të kandidimit p...
BERAT-SKRAPAR – Probleme të shumta me qarkullimin janë regjistruar gjatë ditës së sotme në aksin nacional Berat – Skrapar, kjo pasi një sasi e konsiderues...
TIRANË- Jep dorëheqjen gjyqtarja e Apelit të Posaçëm, Ilirjana Olldashi. Kjo e fundit ishte emëruar dy muaj më parë, ndërkohë ishte bërë e trupës gj...
TIRANË– Takimi i ministres Delina Ibrahimaj me tetraplegjikët ka përfunduar. Mësohet se është arritur një marrëveshje në parim për të ngritur 3 komis...
DIBËR– Policia e Shtetit ka njoftuar se ka probleme me qarkullimin e automjetve në Rrugën e Arbrit. Në disa segmete ka borëpastruese që po e mbajnë t...
LEZHË– Gjykata e Lezhës ka caktuar arrest në burg për vjehrrin dhe dhëndrin, Nikoll Markun dhe Mark Lamkjan, pasi akuzohen si të përfshirë në tentati...
