Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË- Sot, Elisabeta Imeraj është shkarkuar nga detyra e saj si kryeprokurore pranë Prokurorisë së Tiranës, me vendim unanim të Kolegjit të Posaçëm të Apelimit. Procesi ndaj saj ka nisur që në qershor të vitit të shkuar, por për shkak të “famës” së saj, prokurorja ka qenë gjithmonë në vëmendje të mediave për çështje dhe personale që më pas janë përmendur dhe në procesin e saj të Vettingut. Për çështjen e saj ka pasur një përballje mes saj dhe ndërkombëtarëve, duke sjellë edhe përfshirjen e ambasadorëve amerikanë dhe të Bashkimit Europian në Shqipëri, Yuri Kim dhe Luigi Soreca. Kjo pasi Imeraj vendosi që të dilte hapur kundër vëzhguesit të ONM (Operacionit Ndërkombëtar të Monitorimit), Theo Jacobs.
Por çfarë ka ndodhur tre vitet e fundit dhe pse ishte kaq e njohur Elisabeta Imeraj?
Elisabeta Imeraj përfundoi Shkollën e Magjistraturës në vitin 2005 dhe punoi për 13 vite si prokurore në Prokurorinë e Krimeve të Rënda. Në gusht 2018, ajo u komandua si drejtuese e Prokurorisë së Tiranës pas shkarkimit prej KPK-së të ish-prokurorit, Dritan Rreshka. Në karrierën e saj, magjistratja numëron një sërë dosjes “të nxehta”, ku ndër to është edhe dosja e bujshme e ish-ministrit të Brendshëm, Saimir Tahiri, por edhe çështje të tjera lidhur me bandat në vendin tonë, duke udhëhequr hetimet për Met Kananin. Megjithatë kulmin e njohjes publike, bashkë me kolegët e saj e arriti me dosjen Tahiri që fillimisht ndiqej nga asokohe Prokuroria e Krimeve të Rënda.
Por atë vit nisi dhe Vettingu! Imeraj u bë edhe më shumë personazh për mediat pasi në tetor të vitit 2019 u divorcua nga bashkëshorti i saj, Agron, me pretendimin se ky i fundit kishte dhunuar anëtaren e Komisioni të Pavarur të Kualifikimit, Genta Bungo. Imeraj deklaroi se Bungo duhet ta kishte bërë të ditur këtë situatë që në fillim të procesit dhe të kishte kërkuar dorëheqjen.
Ndërkohë që disa muaj më pas, ajo u vu në shënjestër të sulmeve politike, me pretendimin se mbante peng dosjen e ish-kryedemokratit Lulzim Basha në institucionin që ajo drejtonte, Prokurorinë e Tiranës. E gjitha sipas tyre, me kërkesë të Edi Ramës për të presionuar Bashën në zgjedhjet parlamentare të 25 prillit. Ndërkohë që dhe vetë Basha nuk mbetej pas. Në një intervistë ai tha se Elisabeta Imeraj është ikonë e krimit dhe korrupsionit, ndërsa ajo vetë iu kundërpërgjigj se e gjitha iste mendimi i tij. Po në prill të atij viti nisi dhe procesi gjyqësor për të! Më 1 prill, trupa gjykuese e KPK-së e përbërë nga Olsi Komici kryesues, Roland Ilia relator dhe Suela Zhegu anëtare, shpallën vendimin duke e konfirmua në detyrë unanimisht.
Vendimi ndaj Imeraj duhej të shpallej në një datë tjetër, por seanca u shty pa shpjegim nga KPK, ndërsa as sot e kësaj dite nuk ka asnjë shpjegim se përse pati një shtyrje, kush e kërkoi dhe përse? Për më tepër kur në seancën e fundit ishte bërë “nami”! Si kurrë më parë për 5 orë rresht, vëzhguesi ndërkombëtar, Theo Jacobs e akuzoi subjektin e rivlerësimit për një seri të gjatë veprash penale, përfshirë përgjime të paligjshme dhe shantazhim të anëtarëve të KPK-së, akuza të cilat Imeraj i kundërshtoi ashpër. Jacobs e akuzoi subjektin e rivlerësimit se kishte vënë njerëz që të ndiqnin dhe të fotografonin kolegun e tij Hans Kijlstra – tashmë i larguar nga ONM në Shqipëri, duke synuar të siguronte fakte kompromentuese ndaj tij që më pas t’i përdorte në gjyq. Ai po ashtu veçoi dorëheqjen e ish-relatores Etleda Çiftja, e cila shprehej se kërkonte të tërhiqej pasi 7-8 persona i ishin afruar për t’i kërkuar “qëndrim më fleksibël” në çështjen ndaj Imerajt. Nuk u ndal me aq! Jacobs akuzoi Imerajn se kishte bërë divorc fiktiv me të shoqin,pasi dy ish-bashkëshortët jetonin në të njëtën shtëpi edhe pse në vendim e gjykatës thuhej se bashkëjetesa ishte e pamundur.
Imeraj e mori fjalën pas këtyre gjetjeve dhe i kundërshtoi ato pjesërisht. Ajo deklaroi se e kishte bërë kërkesën për përjashtim dhe e-mailin për Kijlstran, por kundërshtoi që në to të kishte sjellje joetike, duke kundërshtuar ashpër gjetjet, duke iu referuar ironikisht atyre si të marra nga denoncimi i “Rrahim Shehut” -një emër i rremë i përdorur me gjasë nga një denoncues anonim, të cilin prokurorja e përmendi shpesh për të ironizuar gjetjet e Jacobs.
Lidhur me pretendimet e Kijlstran, ajo shtoi se ishte e habitur që ky qëndrim i Hans Kijlstras ishte bërë 7 muaj pasi ai ishte larguar nga Shqipëria dhe vuri në dukje se ai nuk ishte ankuar për këtë më herët, ndërsa shtoi: Nuk jam as fotografe, as paparace, s’është në karakterin tim që të kem parë apo kërkuar një gjë të tillë. (Flitet për një foto të vëshguesit të huaj me të dashurën e saj të pretenduar në Shqipëri, kompromentuese për figurën e tij, por fotot nuk e panë kurrë dritën e publikimit)
Jacobs vuri në dukje se ndërsa Imeraj pretendonte se nuk kishte të bënte me pasuritë e ish-bashkëshortit, kishte disa ura që e lidhnin atë me këto pasuri. Ai tha ndër të tjera se një kredi 2 milionë lekë e marrë para martese nga Imeraj për riparim shtëpie, ishte paguar në disa këste nga bashkëshorti dhe shtoi se ky i fundit kishte bërë edhe shlyerjen e parakohshme të kësaj kredie. Ndërkohë që vetë magjistratja në vitin 2004, deklaronte se nuk zotëronte asnjë pasuri, ndërsa në fund të vitit 2017, kursimet familjare kapin vlerën e 22.9 milionë lekëve.
Jacobs përmendi disa skenarë, sipas së cilave, prokurorja kishte bërë një sërë shkeljesh dhe mosdeklarimesh. Po ashtu të dy debatuan mbi një pasuri të blerë nga bashkëshorti në kryeqytet në vitin 2008. Pasuri për të cilën ishin kryer një mori transaksionesh, nga bashkëshorti, vëllai i tij dhe shitësi. Sipas Jacobs, kjo pasuri lidhej me Imerajn në nënshkrimin prej saj të një kontrate noteriale në të cilën përmendej marrëdhënia mes bashkëshortit dhe shitësit dhe çmimi 150 mijë euro. Çmimi i mëvonshëm i godinës ishte raportuar në deklarata 45 mijë euro, ndërsa gjysma e kredisë 90 mijë euro e marrë për këtë pasuri ishte përdorur për një borxh të kunatit.
Megjithatë meqë ishte tek çështja e bashkëshortit dhe kunatit. Jacobs tha se Gjykata e Romës në Itali kishte dënuar dy persona për trafik qëniesh njerëzore dhe përdhunim të një prostitute dhe ngriti akuzë se të dënuarit kishin qenë bashkëshorti i Imerajt dhe kunati i saj, pikërisht në vitin 2002, para se ajo të niste karrierën. Madje nuk u ndal me aq po shtoi se dhe divorci me bashkëshortin e kishte të rremë. Imeraj tha se divorci ishte i vërtetë, ndërsa shtoi se i ishte cënuar e drejta e privatësisë dhe se gjykatës i ishin kërkuar dokumente, që nuk kishin të bënin me procesin. Jacobs në nerva e sipër replikoi: Ky është proces vetingu, ju këtu nuk keni privatësi.
Megjithatë çështja e divorcit mbeti. Dosja.al zbardhi e para provat shtesë të depozituara nga Operacioni Ndërkombëtar i Monitorimit pranë Komisionerit Publik për Drejtuesen e Prokurorisë së Rrethit Gjyqësor Tiranë, Elisabeta Imeraj. Në prova, kërkohej dhe ankimimi i vendimit për konfirmimin në detyrë të Imeraj nga Komisionerët, pasi sipas tyre, KPK-ka dështuar që të verifikojë kontaktet e njëpasnjëshme të Imerajt me dy persona të dënuar, ish-bashkëshortin e saj Agron Bajri dhe vëllain e tij.
Vëzhguesit Ndërkombëtarë kanë depozituar dhe shkresën e gjykatës italiane, të përkthyer, ku sipas tyre tregohet se Bajri e vëllai i tij janë dënuar për organizim të prostitucionit dhe trafikim të qenieve njerëzore. Por sipas dokumenteve të tjera që dolën më pas, me vendim të Gjykatës së Romës shkruhej se Agron Bajri, ish-bashkëshorti i Imerajt s’ka qenë i dënuar asnjëherë në Itali. Përveç përplasjeve me ndërkombëtarët, në media dolën dhe përgjime të pretenduara mes dy anëtarëve të Komisionit të Vettingut. Në bisedën mes tyre thuhet se Imeraj ishte e aftë por që do shkarkohej në Apel pasi ishte “maloke” dhe partia nuk e do.
Bisedat telefonike të zhvilluara mes dy anëtarëve të Vettingut
X: Jo, çdo gjë ia kanë sajuar more. Po ta hetojnë rastin…më fal… po ta hetojnë rastin shkojnë në burg, ai Xhekobs ka bërë namin kundër saj, aty flitet bile që e kanë paguar shumë këtë Xhekobsin se ngaqë është drejtuese në Tiranë edhe duan t’ia marrin pozicionin.
Y: Po flet ko. Po problemet që i dolën?
X: E ky i imi thotë se s’ka asnjë problem me letrat po Xhekobsi e ka marrë më duket persona, sicc duket s’e do as partia atë.
Y: E me se dava maloke është edhe kjo.
X: E mo pikërisht po është maloke, në fakt as mua s’më pëlqen që është e aftë, po do e heqin në Apel, me urdhër të prerë, kanë vënë atë shushkën, atë Rezartën e cila ka marrë urdhër të… të shkarkojë këtë urgjent.
Bisedë kjo që solli dhe reagimin e ish-kryeministrit Sali Berisha dhe një protestë kundër ndarjes “Veri-Jug”. Por sot, vendimi u mor! Drejtuesja e trupës gjykuese, Ina Rama tha se Imeraj nuk justifikon pasurinë, duke shtuar se subjekti ka mohuar faktet për ish- kunatin, duke treguar jo korrektësi, duke e larguar nga sistemi i drejtësisë. Megjithatë edhe në këtë process kishte probleme. Krej papritur gjatë debatit në sallë para dhënies së vendimit, sipas KPA-së, faqja u bllokua për shkak të ngarkesës dhe nuk u transmetua gjë. Por po ashtu, krejt papritur, leximi i vendimit u bë “LIVE”, e problemet u rregulluan në kohë. Megjthatë, Imeraj premton se do të vazhdojë përballjen e saj me drejtësinë, duke iu drejtuar Strasburgut.
(K.M/dosja.al)
Aksidenti i rëndë në Tiranë, si mund të shmangen ngjarje të tilla?
DIBËR- Një 85-vjeçar ëhstë larguar nga shtëpia e tij pa lënë gjurmë. Mësohet se Rexhep Sadiku nga fshati Trebisht i Gollobordës është larguar që nga...
TIRANË– Partia Socialiste ka mbledhur Kryesinë, duke caktuar edhe ditën e Asamblesë së PS-së, më 7 maj. Por përveç mbledhjes së Kryesisë, ësht...
DURRËS- Në pikën më të lartë të qytetit të Durrësit, në majën e kodrës mbi Kala, qëndron prej gati 90 vjetësh një godinë e madhe që durrsakët i thonë Vila ...
TIRANË– Ish-kryeministri Sali Berisha ka zhvilluar një bashkëbisedim me pedagogët mbi Arsimin e Lartë dhe sfidat që e presin atë. Ai ftoi të gjithë p...
TIRANË- Artisti dhe pedagogu Bujar Kapexhiu ka deklaruar se gjendja në arsim është alarmante. Gjatë një bashkëbisedimi me ish-kryeministrin Sali Berisha, K...
TIRANË– 68 qytetarë janë konfirmuar pozitivë me pandemia e koronavirusit në Shqipëri. Ministria e Shëndetësisë ka bërë me dije se nga 1.249 testime t...
TIRANË- Mjeku Ilir Alimehmeti ka deklaruar se vendi vuan nga një humbje e madhe e mjekve dhe studentëve të ekselencës. Gjatë një bashkebisedimi me ish-krye...
TIRANË– Nuredin Dumani ka marrë statusin e të penduarit të drejtësisë duke iu bashkuar kështu vendimit të ‘ushtarit’ të tij, Henrik Hoxha...
TIRANË– Kryeprokurorja e Tiranës, Elisabeta Imeraj duket se nuk ka pendesë për punë detyrën dhe punën që ka zgjedhur. Pas shkarkimit nga detyra, Imer...
TIRANË- Kryeprokurorja e Tiranës, Elisabeta Imeraj tha se dikush e donte jashtë reformës në drejtësi, por nuk dha emra. Pas shkarkimit të saj nga Kolegji i...
