Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Padyshim që stresi gjatë karantinës shumë njerëz po i tjetërson. Shumë të tjerë po nxjerrin pjesën e tyre më të keqe me të afërmit. Një burrë u arrestua në Tiranë pasi dhunoi bashkëshorten E. Hasanaj, një 29-vjeçare e cila pasi u dëmtua nga një gotë qelqi i kishte kërkuar bashkëshortit ta dërgonte për mjekim në spital. Por kur burri tentoi të ndizte makinën, mjeti nuk u ndez, atëherë ai iu kthye asaj duke e goditur me ç’të mundej.
Gruaja i tha policisë – përmendet në dosjen që Gazeta “Si” disponon – se veç urdhërit të menjëhershëm të mbrojtjes do të kërkojë divorcin. Ndërkohë i akuzuari, tashmë i arrestuar, mohoi gjithçka, duke shtuar se gjithë fajet i kishte Covid-19 që e kishte mbyllur në shtëpi dhe e kishte lënë pa punë.
Kjo fabul e pabesueshme dhune përfundoi me arrestimin e A.Hasanaj, i kallzuar nga bashkëshortja pranë komisariatit më të afërt në zonën ku çifti jeton me qera. Gruaja ka treguar jetesën e çiftit në emigracion dhe më pas marrëdhënien e tensionuar që ka kulmuar gjatë karantinimit.
“Më datën 12 prill tek po laja enët, një gotë m’u thye në dorë dhe më dëmtoi, preva dorën. Njoftova ambulancën dhe më dërguan në Spitalin Ushtarak ku pasi mora mjekimin u ktheva në shtëpi. Në datën 13 prill, i thashë bashkëshortit që të më dërgonte në spital për të mjekuar plagën. Si fillim bashkëshorti im telefonoi dhe mori leje për të lëvizur me makinë. Në momentin që ne zbritëm bashkë me djalin, burri konstatoi se kishte harruar dritat e makinës ndezur dhe automjeti nuk ndizej. Thirri shokun e tij i cili erdhi menjëherë dhe e ndihmoi. Gjatë rrugës për në spital ai vazhdoi të grindej me mua pasi ishte i nxehur nga problemi i makinës, pastaj vazhdoi duke më ofenduar dhe më tej fillloi të më godasë me grushta në prezencë të djalit të vogël”, ka treguar e dhunuara në dosjen që disponon Gazeta “Si”.
E dhunuara përshkruan në kallëzimin e saj se kjo gjendje dhune ka vijuar me breshëri shuplakash në fytyrë, në kokë e mandej në trup. Jo vetëm kaq, por i nevrikosur bashkëshorti ka ndryshuar edhe destinacion. Ai nuk e ka çuar aspak në spital.
“Ai ktheu makinën, më zbriti tek pallati dhe më tha “mjekohu ku të duash”, rrëfen gruaja.
Me dorën e fashuar, me fëmijën në krahë që qante nga frika, gruaja ka telefonuar të motrën për t’i kërkuar ndihmë.
“Erdhi motra dhe më mjekoi, pastaj ajo qëndroi në shtëpi që kur të kthehej ai mos të vazhdonte sërisht dhunën”, thotë ajo. Pikërisht prania e kunatës në shtëpi e ka shtyrë burrin që, kur u kthye në banesë, mos të ndërmarrë asnjë veprim tjetër, por pa thënë asnjë fjalë ai është mbyllur në një nga dhomat e shtëpisë. Sidoqoftë sherri ka vijuar në ditën në vazhdim.
“Në orën 9.30 minuta dëgjova zhurma tek dhoma dhe shkova për të parë se çfarë po bënte. Ai po griste rrobat e veta dhe pastaj më goditi sërisht me grushta dhe shkelma dhe doli prapë nga shtëpia”, tregon gruaja. E gjendur në këtë situatë të vështirë, gruaja e dhunuar ka telefonuar menjëherë policinë duke kërkuar urdhër mbrojtjeje pasi siç ka shtuar “nuk parashikonte më dot asnjë veprim të partnerit”. Përveç urdhërit të menjëhershëm, e reja ka paralajmëruar se nga ky tensionim i situatës, ajo do t’i drejtohet edhe gjykatës për të kërkuar divorcin.
Por psikologët e policisë që morën kallëzimin e gruas së dhunuar mendojnë që grindjet mes çifitit si edhe dhuna duhet të kenë qenë prezente mes tyre më herët. Oficeri i policisë T.M. përshkruan në procesverbalin që Gazeta “Si” disponon: “E.Hasanaj në momentin e kallëzimit ishte shumë e tronditur, ndjehej e kërcënuar për jetën nga bashkëshorit i saj dhe dyshohet se ai mund të jetë edhe përdorues i lëndëve narkotike”.
Pasi burri është arrestuar për akuzën e dhunës, ai ka ngritur supet dhe ka kërkuar falje dhe gjithë fajet ia ka hedhur koronavirusit. A. Hasanaj mohon të ketë ushtruar dhunë, por vetëm të ketë ngritur zërin pasi ishte në gjendje të rënduar nga karantinimi në shtëpi, si dhe nga mungesa e mjeteve ekonomike për të ushqyer fëmijën e vogël të moshës gjashtë vjeçare.
Në rrëfimin që ai firmosi para policisë burri tregon: “Si pasojë e Covid-19, duke qenë se liria është kufizuar dhe puna është pezulluar, ditët e fundit kemi pasur debate verbale me bashkëshorten. Debatet janë vetëm për shkaqe ekonomike. Unë ndodhem në gjendje të rënduar emocionale, për situatën ku ndodhem pasi kemi një djalë 6 vjeç për të rritur. Por me bashkëshorten i kemi sqaruar mosëmarrëveshjet”.
Pavarësisht këtij rrëfimi, burri është arrestuar dhe pritet të mos ketë rrethanë lehtësuese në çastin që do dalë përpara Gjykatës.
Marrë nga Gazeta Si
1 vit nga zgjedhjet e 25 prillit si e shikoni gjendjen e vendit:
SHQIPËRI– Leja e kryeministrit Edi Rama për nënat dhe fëmijët është shfrytëzuar edhe në qytete të tjera të vendit. Fotografi Gëzim Domi ka pasqyruar rrugët...
TIRANË– Nënat më fëmijë, përfituan nga tolerimi i dhënë nga kryeministri Edi Rama dhe në mëngjesin e ditës së sotme, pushtuan rrugët, parqet dhe bulevardet...
TIRANË– Shqipëria është në izolim prej më shumë se një muaji, ndërsa rrugët e kryeqytetit që më parë gumëzhinin dhe kishte shumë trafik, prej ditësh janë ...
TIRANË– Epidemiologu klinik, Ilir Alimehmeti ka kërkuar rritjen e numrit të testimeve për koronavirus. Duke sjellë shembullin e SHBA-ve, Alimehmeti s...
SHKODËR– Zbulohen detaje të reja lidhur me dy të infektuarit e fundit me koronavirus në qytetin e Shkodrës. Burime për Dosja.al bëjnë me dije se një ...
KRUJË- Dosja.al ka mësuar se 7 rastet e reja me koronavirus në Krujë kanë lidhje me fasonerinë e mbyllur dy ditë më parë. Mësohet se të infektuarit e rinj ...
TIRANË– Zëvendësministrja e Shëndetësisë, Mira Rakacolli në një lidhje live me “Report Tv” ka folur lidhur me rastet e reja me koronavirus të zbuluara ditë...
BERAT– Ndryshe nga vitet e tjera Pashkët janë pritur në një mënyrë krejt të veçantë. Shërbimet dhe mesha gjithë ceremonia është mbajtur nga grupi ortodok...
TIRANË– 14 raste të reja me koronavirus në Shqipëri, e kanë çuar totalin e të infektuarve në 562 persona. Ministria e Shëndetësisë bën me dije se 24...
Shqipëria ka hyrë për të pestën javë rresht në shtetrrethimin e fundjavës. Ndryshe nga shtet rrethimet e mëparshme këtë fundjavë ai është zgjatur, nga 40 në 60 ...
