Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Blerjet e ditës së enjte nuk kishin qëllim ndërhyrjen në tregun valutor, por ishin pjesë e kalendarit vjetor për nevojat e rezervës valutore.
Banka e Shqipërisë bleu më shumë se 16 milionë euro në tregun e brendshëm financiar ditën e enjte.
E megjithatë kursi i këmbimit të monedhës jo vetëm që nuk u rrit me asnjë qindarkë, por pësoi një rënie të mëtejshme në rekordin e ri historik prej 112.04 lekësh.
Blerjet e ditës së enjte nuk kishin qëllim ndërhyrjen në tregun valutor, por ishin pjesë e kalendarit vjetor për nevojat e rezervës valutore.
Edhe në ankandin e katërt të këtij viti, shuma e planifikuar për t’u blerë në raundin e parë të ankandit ishte mes pesë dhe nëntë milionë eurove. Oferta nga pjesëmarrësit në ankand rezultoi mjaft e lartë, për një vlerë totale prej 21.2 milionë eurosh. Banka e Shqipërisë pranoi oferta deri në kufirin e sipërm të parashikuar për raundin e parë, prej nëntë milionë eurosh.
Blerjet në raundin e parë u realizuan me një kurs që ishte në intervalin mes 112.13 dhe 112.4 lekëve. Kursi mesatar i ponderuar i blerjeve në raundin e parë ishte 112.19 lekë. Banka e Shqipërisë ushtroi edhe opsionin e blerjes në raundin e dytë, për një shumë shtesë prej 7.1 milionë eurosh, me kursin mesatar të blerjeve në raundin e parë, prej 112.19 lekësh.
Duke shtuar edhe një shumë prej 9.1 milionë eurosh të blerë në ankandin e javës së kaluar, mund të llogaritet se në dy javë Banka e Shqipërisë ka tërhequr nga tregu i brendshëm valutor 25.2 milionë euro. Pavarësisht kësaj, kursi euro-lek ka vijuar rënien, duke dëshmuar ekzistencën e një oferte të lartë të monedhës europiane në treg.
Sipas agjentëve të tregut të këmbimit valutor, tregu vazhdon të shfaqë prurje të mëdha dhe kërkesë të pakët për monedhën europiane. Kjo tendencë ka qenë e qartë qysh gjatë vitit të kaluar, ndërsa në muajt e parë të vitit 2023 po theksohet edhe më shumë.
Tremujori i dytë i vitit fillon të shfaqë në kursin e këmbimit edhe efektet e para sezonale, sepse turizmi hyrës vlerësohet të jetë në rritje, duke sjellë shtim të prurjeve të valutës. Një efekt të vogël shtesë mund të kenë pasur edhe festat fetare të muajit prill, që shoqërohen me kthimin e emigrantëve në Shqipëri, por edhe me flukse të shtuara të turistëve të huaj.
Banka e Shqipërisë ka parashikuar të blejë një shumë midis 160 dhe 220 milionë eurove për vitin 2023. Kjo shumë përfaqëson një rritje të konsiderueshme në raport me shifrat e vitit të kaluar, kur blerjet e valutës vlerësohen në afërsisht 140 milionë euro.
Këto shifra i referohen vetëm blerjeve të planifikuara për qëllimet e rritjes së rezervës valutore. Në fund të muajit shkurt, rezerva valutore e vendit kishte vlerën e pothuajse pesë miliardë eurove, në rënie të lehtë krahasuar me të njëjtën periudhë të një viti më parë.
Forcimi i lekut në kursin e këmbimit kundrejt valutave kryesore dhe sidomos ndaj euros ka pasur një ndikim të ndjeshëm negativ në bilancin e Bankës së Shqipërisë. Ulja e vlerës së rezervës valutore, e shprehur në monedhën vendase, ka shkaktuar humbje në vlerën e pothuajse 14.5 miliardë lekëve për vitin e kaluar./MONITOR
Tirana TIRANË- Tirana ka nivelin më të lartë të dembelizmit në raport me qytetet e tjera. 42% e kryeqytetasve, nuk janë...
Pritshmëria optimiste për turizmin këtë vit duket se është materializuar që në muajt e parë të vitit. Edhe ...
Qytetarët e Ballkanit Perëndimor nuk kanë shumë shpresë tek siguria ekonomike sidomos pas luftës në Ukrainë. Kës...
Për herë të parë Tirana kryeson të 12 qarqet të vendit për nivelin e lartë të “dembelizmit” popullsis...
Mungesën e lartë të fuqisë punëtore nga emigracioni po e vuajnë shumë sektorë të ekonomisë, të cilë...
Pronësia e kompansë koncesionare të shërbimit të dializës, DiaVita do të ndryshojë sërish. Grupi Diaverum, q&eum...
Aksidentet rrugore janë ulur me 10 për qind në muajin mars. Shifrat e Institutit të Statistikave tregojnë se gjatë muajit të...
Foto ilustruese Qytetarët e Ballkanit Perëndimor nuk kanë shumë shpresë tek siguria ekonomike sidomos pas luftës në Ukra...
Euro ka prekur një minimum të ri historik në kursin e këmbimit me lekun. Sipas kursit zyrtar të këmbimit të Bankës s&...
Eksportet kanë shënuar rënie të ndjeshme në muajin mars, duke reflektuar efektin që ka dhënë ulja e çmimeve n&e...
