Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Të dhënat e Bankës së Shqipërisë tregojnë se letrat me vlerë në valutë të huaj të qeverisë shqiptare në bilancin e sektorit bankar arritën vlerën e 82.7 miliardë lekëve në fund të qershorit.
Sektori bankar ka vazhduar të zgjerojë investimet në Eurobondet e qeverisë shqiptare në gjysmën e parë të këtij viti.
Të dhënat e Bankës së Shqipërisë tregojnë se letrat me vlerë në valutë të huaj të qeverisë shqiptare në bilancin e sektorit bankar arritën vlerën e 82.7 miliardë lekëve në fund të qershorit.
Krahasuar me një vit më parë, vlera e këtyre aseteve është rritur me 6%. Duke qenë se statistikat raportohen në Lekë, natyrisht që vlerat e këtij viti janë të ndikuara ndjeshëm nga forcimi i Lekut në kursin e këmbimit valuator. Në mungesë të këtij mbiçmimi, rritja e vlerës së Eurobondeve në bilance do të kishte qenë më e madhe.
Eurobondi i fundit i qeverisë shqiptare u emetua pikërisht në muajin qershor të këtij viti, megjithatë vlerësohet se pjesëmarrja e bankave ka qenë më e ulët krahasuar me emetimet e mëparshme.
Në vitet e fundit, investimi në këto instrumente ishte favorizuar edhe nga politikat e Bankës së Shqipërisë, që e kishin njohur investimin në dy emetimet e fundit të Eurobondeve me koeficient rreziku zero, për efekt të llogaritjes së raportit të mjaftueshmërisë së kapitalit.
Rrjedhimisht, investimi në Eurobonde nuk ka pasur kosto kapitali për bankat, duke e bërë atë edhe më tërheqës. Ndërkohë, për emetimin e këtij viti, këto lehtësi u shfuqizuan dhe bankave u kërkohej një mbulim me kapital në masën 100% për vlerën e Eurobondeve.
Për këtë arsye, shumat e blera ishin më të ulëta. Sipas statistikave të Bankës së Shqipërisë, vlera e Eurobondeve në bilance gjatë muajit qershor u shtua me 2.8 miliardë lekë ose rreth 26 milionë eurove, shumë kjo ndjeshëm më e ulët krahasuar me emetimet e mëparshme.
Sidoqoftë, bankat kanë vazhduar blerjet e emetimeve të mëparshme të Eurobondeve në tregun dytësor.
Instrumentet e borxhit qeveritar në valutë në mesin e këtij viti përbënin afërsisht 4.4% të aktiveve totale të sektorit, nga 4.25% që ishte pesha e tyre specifike një vit më parë.
Ndërkohë, duke përfshirë edhe letrat e borxhit në Lekë, ekspozimi total i sektorit bankar ndaj qeverisë shqiptare ka arritur në 27.7% të vlerë totale të aktiveve, nga 26.2% një vit më parë.
Instrumentet e borxhit në valutë të qeverisë shqiptare kanë tërhequr një interes në rritje të sektorit bankar shqiptar në vitet e fundit, për disa arsye.
Investimi në këto instrumente ka ofruar kthime të kënaqshme, përgjatë një periudhë kur normat e interesit për monedhën Euro kanë qenë shumë të ulëta. Rritja e lartë e depozitave në valutë gjatë viteve të fundit ka krijuar sasi të konsiderueshme likuiditetesh të lira për bankat.
Nga ana tjetër, kuadri rregullator i Bankës së Shqipërisë tenton ta bëjë më të kushtueshëm kreditimin në valutë të huaj për subjektet me të ardhura në lekë, çka i kufizon hapësirat e rritjes së kredisë në Euro për sektorin privat shqiptar.
Eurobondet kanë shërbyer edhe si një instrument për thithjen e likuiditeteve të lira të sektorit bankar në vend./MONITOR
Birra Birra vendase vijon të humbasë konkurrueshmërinë, për shkak të çmimeve më të larta se birra e importit...
Bashkimi Europian me mekanizmat e tij të financimit kishte në proces investimi në Portin e Durrësit mbi 62 milionë euro, të cila...
Foto Ilustruese SHBA- Në ujërat e thella blu përtej brigjeve të Guajanës, anijet gjigante po nxjerrin naftë nga rezervuar&eum...
Foto ilustruese TIRANË- Mungesa e produkteve për shkak të kohës së keqe në vendet e rajonit, ka sjellë p...
Foto ilustruese TIRANË- Me më shumë se një gjeneratë vonesë krahasuar me vendet e tjera europiane, Shqipëria vazhdon t&e...
Foto Ilustruese TIRANË- Fermerët po shesin me çmime më të larta këtë vit prodhimet nga serrat dhe fushat. Pranvera e l...
Foto Ilustruese TIRANË- Shqipëria, padyshim, ka qenë këtë vit më shumë se asnjëherë tjetë...
Foto ilustruese “Mallkimi i pasurive natyrore” është një term i përdorur gjerësisht në ekonomi dh...
Vizita në Shqipëri e udhëheqësit të ish-Bashkimit Sovjetik, Nikita Hrushov, në vitin 1959 mbahet mend edhe për tregimet e l...
Ndryshimet e vendimit të 2018-s të botuara në fund të muajit korrik 2023 që hynë në fuqi menjëherë pas botimit n&...
