Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
SERBI- Shtetet e Bashkuara të Amerikës i dërguan një mesazh paralajmërues Serbisë, duke dërguar zyrtarin Paul Ahern në një “turne” në Ballkanin Perëndimor, gjatë të cilit u diskutua për sanksionet amerikane ndaj disa individëve, në mënyrë që edhe disa persona të tjerë pranë autoriteteve serbe të përfshihen në “listën e zezë”, përkrah Zvonko Veselinoviçit, biznesmenit kriminal nga veriu i Kosovës dhe Milan Radoiçiçit, nënkryetar i Listës Serbe.
Gazeta Ekspress shkruan se kështu e interpretojnë disa analistë në Serbi vizitën e një zyrtari të lartë amerikan në rajonin e Ballkanit Perëndimor, gjatë së cilës ai qëndroi në Beograd ditëve të fundit dhe u takua me zyrtarë të qeverisë serbe. Gjatë një vizite tre-ditore në Beograd, ushtruesi i detyrës së ndihmës sekretarit të Thesarit, Paul Ahern, foli për çështjen e sanksioneve, duke theksuar se “individët dhe kompanitë që i nënshtrohen sanksioneve duhet të mbajnë përgjegjësi dhe aktivitetet e tyre duhet të ndalen”.
Ahern shtoi se “Presidenti Biden e ka bërë të qartë se lufta kundër korrupsionit është prioritet kryesor për Shtetet e Bashkuara” dhe se “do të vijojë t’i kërkojë llogari protagonistëve të korrupsionit kudo që ndodhen”.
Krahas deklaratës zyrtare se është biseduar për sanksionet, në qarqet diplomatike thuhet jozyrtarisht se autoriteteve serbe mes rreshtash u është thënë se sanksione të tilla mund t’i godasin edhe disa persona të tjerë të afërt me Partinë Progresive Serbe të Aleksandar Vuçiçit, nëse Beogradi nuk i përfill të gjitha mesazhet nga Shtetet e Bashkuara për politikën në rajon, transmeton Express.
Sipas burimeve të “Danas”, tani për tani Bosnjë e Hercegovina do të jetë nën një “goditje” më të madhe nga Amerika, sepse vetë Ahern shpalli hapur në Sarajevë një shtrëngim të mundshëm të sanksioneve për BeH, dhe SHBA-ja, si dhe pjesa tjetër e komunitetit ndërkombëtar, e sheh situatën në BeH si kërcënim të madh për stabilitetin e rajonit.
Ivan Vujaçiç, ish-ambasador i Serbisë në Shtetet e Bashkuara, i tha “Danasit” se një skenar i tillë është “absolutisht i mundshëm” dhe se ai supozon se sanksionet do të prekin jo vetëm Kosovën, por edhe Serbinë dhe Bosnjë-Hercegovinën.
“Autoritetet në Beograd duhet ta marrin seriozisht këtë mesazh. Jam i sigurt se janë thënë më shumë gjëra që nuk do të bëhen publike për temën e sanksioneve. Potencialisht, nuk do të habitesha nëse zyrtarëve vendorë do t’u thuhej se së shpejti do të publikohej një listë me disa emra të tjerë dhe që t’u ishte njoftuar paraprakisht, për të mos u habitur”, thekson Vujaçiç.
Ai shpjegoi se nuk është për t’u habitur që sanksionet ishin temë e vizitës së Ahern, sepse zyra e OFAC, e cila merret me ngrirjen e fondeve të njerëzve në mbarë botën që janë në listën e sanksioneve amerikane, është nën autoritetin e Thesarit dhe Departamentit amerikan të Shtetit.
“Nga ana tjetër, ata kanë një njeri të veçantë që merret me sanksionet në koordinim me Departamentin e Shtetit, i quajtur James O’Brien, i cili ishte thellësisht i përfshirë në krizën tonë dhe pas kësaj ishte në grupin Albright”, theksoi ai.
Natan Albahari, Sekretar Ndërkombëtar i Lëvizjes së Qytetarëve të Lirë, tha për “Danas” se opozita në Serbi ka paralajmëruar për vite me radhë se ekziston një lidhje e drejtpërdrejtë midis Radoiçiqit dhe Veselinoviçit me Partinë Progresive Serbe dhe presidentit Aleksandar Vuçiq dhe se sanksionet e SHBA-së kundër Veselinoviçit dhe Radoiçiq janë sinjali më i fortë deri tani se Administrata e Bidenit do të merret seriozisht me Ballkanin Perëndimor dhe Serbinë.
“Këto sanksione janë një paralajmërim për Vuçiqin se ai nuk mund t’i fshehë lidhjet e tij me kriminelët, as paratë që i ka marrë prej tyre. Edhe pse mund të dëgjojmë se marrëdhëniet mes SHBA-së dhe Serbisë janë në rritje, kjo lëvizje, si dhe mos ftesa dhe vetëm më vonë miratimi që Serbia të marrë pjesë në Samitin për Demokraci të organizuar nga Biden, ia bën të qartë Vuçiqit se “carte blanche” që e kishte ka përfunduar gjatë administratës Trump”, tha Albahari.
Ai gjithashtu pret sanksione dhe paralajmërime shtesë në të ardhmen, sepse Shtetet e Bashkuara duan rezultate të matshme në luftën kundër korrupsionit, dhe nga ana tjetër, “Vuçiç vështirë se mund të heqë dorë nga bashkëpunëtorët e tij më të afërt, ose ta përmirësojë situatën në fushat e kërkuara, sepse që do të çonte në rënien e tij të përshpejtuar nga pushteti”, përfundon ai.
(I.A/dosja.al)
Cila mendoni se është alternativa më e mirë:
MILOT- Rrugët nacionale Milot-Lezhë dhe Milot-Laç ka janë bllokuar që prej orëve të para të mëngjesit. Trafiku i rënduar ka ardhur për shkak se banorët j...
SERBI– Presidenti i Serbisë Aleksandër Vuçiç e konsideron si një idhje mes popujve takimin që do të zhvillohet nesër në Tiranë në kuadër të ...
TIRANË- Ish-kryeministri Sali Berisha i ka bërë thirrje pasardhësit të tij Edi Ramës, që të mos vendosë polici në selinë e Partisë Demokratike. Me anë të n...
POGRADEC– Në dimër veshja e trashë, shalli dhe kapuçi janë mënyra më e mirë për tu mbrojtur nga i ftohti. Ndryshe nga sa ndodh në verë kur në liqen...
TIRANË– Ish-kryeministri Sali Berisha ka bërë me dije itinerarin e prostestës që pritet të mbahet nesër në Tiranë. Në një postim në Facebook, Berisha...
GJIROKASTËR– Një 39-vjeçar me iniciale V.B banues në fshatin Lazarat, Gjirokastër është proceduar penalisht pasi është kapur me kokainë.Sipas ...
MBRETËRI E BASHKUAR- Florjana Çapani, 19 vjeçe, banuese në në zonën e Redhill, Surrey, Mbretëri e Bashkuar rezulton e zhdukur që prej datës 5...
LAÇ– Llej Lika, 22-vjeçari që ka pranuar autorësinë e vrasjes së biznesmenit Rakip Roli ka rrëfyer dhe mënyrën se si e ka realizuar krimin e...
GREQI- Masat e reja anti-Covid në Greqi kanë hyrë në fuqi nga dita e sotme. Protothema shkruan se masat e reja janë marrë për shkak të variantit Omicron që ka d...
TIRANË– Gazetari investigativ Artan Hoxha ka bërë një paralajmërim për situatën politike në vend. Në dy postime në Instagram, Hoxha ka zgjedhur të pu...
