Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SARANDË– Noteri Thoma Kaçi u grabit dhe dhunua mëngjesin e datës 20 tetor në banesën e tij në Sarandë nga disa persona. Pas 2 muajsh, dosja e plotë e hetimit është bërë e ditur, në të cilën janë dëshmitë e noterit dhe bashkëshortes së tij, e cila po ashtu ishte prezente gjatë terrorit që iu bë.
Për ngjarjen në fjalë ndodhen të arrestuar, Oltjon Kolonja allias Oltjon Pula, Vladrias Himaj dhe Elis Avduli allias Mile Xhafa. Të dyshuarit nuk e kanë pranuar asnjëherë akuzën, madje duke kërkuar në një seancë të para pak ditëve edhe “sigurim prove”, për një provë ende të pa bërë publike që sipas të dyshuarve provon pafajësinë e tyre, kërkesë kjo që është rrezuar nga Gjykata.
Mëngjesin e datës 20 tetor çifti Kaçi doli nga banesa e tyre për të marrë ashensorin në pallatin e tyre, mirëpo iu bë pritë nga disa persona të armatosur. Autorët, pyetën nëse noteri ishte personi për të cilin ishin nisur të kryenin grabitjen. Pasi morën verifikimin, ata i bënë të ditur noterit se kanë ardhur për ta vrarë pasi ai ishte në hasmëri. Nën drejtimin e armës, çifti u rikthyer sërish në banesë, aty ku i lidhën në karrike e më pas kontrolluan banesën ku morën çelësat e makinës dhe shuma monetare.
Autorët u larguan nga banesa, e në këto momente bashkëshortja e noterit. Martha Kaçi mundi të lirohej nga litarët dhe të lajmëronte policinë, e cila nisi hetimet.
Në vijim të hetimeve u sekuestruan kamerat e sigurisë të 5 bizneseve nga banesa e noterit e deri tek vendi i quajtur “Peshkimi”. Autorët janë filmuar teksa largohen me këmbë duke mbajtur në krah një çantë ku fshehën Kallashnikovin e më pas u morën nga një mjet.
Ka qënë vetë noteri ai i cili ka ndihmuar në gjetjen e autorëve duke bërë përshkrime të tipareve dhe dialektit të tyre.
DOSJA E PLOTË
Mëngjesin e datës 20.10.2021, rreth orës 07.40, bashkëshortët Thoma dhe Martha Kaçi kanë dalë nga banesa e tyre, një apartament i gjendur në katin e shtatë të një pallati, në lagjen nr.4, Sarandë.
Teksa bashkëshortët Kaçi kanë qenë duke pritur ashensorin për të zbritur, dy persona të panjohur prej tyre, ku njëri prej të cilëve mbante një armë zjarri të ngjashme me armën automatike të modelit 56, kalibrit 7.62 mm, e njohur në publik me emrin ‘Kallashnikov’, rrethanë për të cilën shtetasi Thoma Kaçi shpjegon ‘kur po zbriste nga çanta ka nxjerrë një kallashnikov’, nëpërmjet kërcënimeve me këtë armë, rrethanë për të cilën shtetasi Thoma Kaçi shpjegon ‘në fillim nuk e vura re mirë por kur pashe se po bënte mbushje kuptova se ishte armë kallashnikov dhe vura re se kishte dy karikatorë të lidhura me njëra tjetrën’, i kanë rikthyer në banesë. Për mënyrën e rikthimit në banesë shtetasi Thoma Kaçi shpjegon ‘personi që mbante armën në dorë më pyet ‘ti je Tomi Kaçi? Unë kam ardh me porosi për të të vrarë ty pasi je me hasmëri dhe unë nuk mund të iki pa kryer porosinë, ose do të më japësh lekë, në të kundërt do të të vras. Më tha ‘hape derën e shtëpisë dhe i thotë shokut të tij ‘merre zonjën’, dhe na detyruan të hymë në brendësi të banesës’. Sapo kanë hyrë në apartamentin e tyre, bashkëshortët Thoma dhe Martha Kaçi janë lidhur me letër ngjitëse natriban të ulur në karrige, dhe në vijim kanë ushtruar kontroll në banesë, rrethanë për të cilën në deklarimet e tij shtetasi Thoma Kaçi shpjegon “personi i shkurtër që nuk kishte kallash dhe ishte pa maskë, i parruar, ka shkuar në dhomë për 2-3 minuta, është kthyer përsëri dhe i thotë shokut të vetë ‘nuk gjeta gjë’”. Ndodhur në këto rrethana, personi i armatosur ka ushtruar vetë kontroll në banesë, çaste për të cilat në deklarimet e tij shtetasi Thoma Kaçi shpjegon “personi me kallash filloi të acarohej dhe i thotë ‘do shkoj të kontrolloj unë’ dhe shkoi kontrolloi dhe mbasi është kthyer thotë “ne morëm këto që gjetëm dhe çelësat e mjeteve”.
Unë i thashë “merrini, makinat janë në parkim”. Kështu, agresorët e bashkëshortëve Kaçi, nën kërcënimin e armës së zjarrit, kanë mundur të vjedhin shuma në të holla, rreth 13’506,5 euro dhe 528’000 Lekë për të cilat në deklarimet e saj shtetasja Martha Kaçi shpjegon “personi i gjatë i cili ishte me doreza nxjerr portofolin nga xhepi i pantallonave të Tomit dhe i marrin 80 ’000 lekë të vjetra që kishte në brendësi të portofolit dhe nga çanta e dorës i marrin 4’000 euro, të cilat ishin prerje 20 x 200 euro. Këto euro i ka tërhequr firma “A…” sh.p.k. nga Banka “C…… Bank”, dhe pikërisht shtetasja A.P. Personi që hapi çantën e Tomit hapi dhe çantën time dhe ka marrë nga çanta ku kam pas në një qeskë plastike 1 ’000 euro dhe 2 ’700 ’000 lekë të vjetra, të cilat ishin të administrimit të pallatit pasi unë jam administratore. Në një zarf kam pat për t’i dhënë tek shoqëria “A…” sh.p.k. për pagesat 4’506,50 euro. Në çantë kam pasur dhe lekë personale në një qese portokalli për përdorim dhe depozitim të mëvonshëm në bankë, ishin rreth 4 000 euro dhe 2 500 000 Lekë të vjetra”.
Pasi kanë mundur të vjedhin shumat në të holla, “agresorët” e bashkëshortëve Kaçi, kanë dalë nga shtëpia, duke mbyllur derën e apartamentit nga jashtë, dhe në vijim kanë zbritur me këmbë nëpër shkallë. Duke përfituar nga fakti se shtetasja Martha Kaçi nuk ish lidhur mirë, kjo e fundit ka mundur të lirohet dhe nëpërmjet telefonit celular ka njoftuar për ngjarjen e ndodhur Komisariatin e Policisë Sarandë, forcat e të cilit kanë mbërritur menjëherë në vendngjarje.Policia ka sekuestruar fillimisht kamerat e të paktën 5 bizneseve nga banesa e noterit e deri tek vendi i quajtur “Peshkimi” u autoret janë filmuar teksa largohen me këmbë duke mbajtur në krah një çantë ku kanë fshehur Kallashnikovin. Ata humbasin në afërsi të Tavernes “E…..” ku dyshohet se i merr një mjet.Policia i rikthehet serish kamerave të 3 prej bizneseve që këqyri ne fillim dhe zbulon se një dite para se të ndodhte grabitja, aty ishte parkuar një automjet “Suzuki” i llojit “Grand Vitara”. Dyshimet policia ngre edhe mbi një “Volksëagen Golf 5”, i identifikuar me kamera ditën e ngjarjes.
Për të parë itinerarin e lëvizjes së këtyre dy mjeteve, policia ka sekuestruar kamerat e disa subjekteve në rrugët “Janaq Kumi”, “Gjergj Araniti” e deri tek rrethrrotullimi i rrugës që të ccon në Vlorë ose Gjirokastër, ato të kryqëzimit të fshatit Metoq, rrethrrotullimit në fshatin Cuke, duke shkuar deri ne aksin Cuke-Pllakë apo Pllake-Shkallë, ku policia ka zbuluar filmime në të cilat dy mjetet “Ëolksvagen Golf 5” dhe “Suzuki Grand Vitara” ecin njëra pas tjetrës.
Në verifikimet e targave rezulton se “Volksëagen – Golf 5” është në pronësi të bashkëshortes se Oltjon Kolonjes dhe se automjeti tjetër është në pronësi të një shtetasi banues në Lushnjë i cili ia ka shitur pa akt noterial të dyshuarit Elis Avduli.Ne disa filmime te tjera, rezulton lidhje mes dy automjeteve, takime apo përshëndetje te te dyshuarve me njeri-tjetrin. Nga regjistrimet video të këqyrura rezulton gjithashtu se këto automjete janë kapur edhe nga kamerat e sigurisë të subjektit “peshore”, i gjendur në fshatin Shkallë, ku aty del ne skene edhe nje mjet i trete i markës “Skoda”, me ngjyrë të bardhë, me targa “AA571 CN”.
Në kuadër të dokumentimit të faktit penal, bazuar në deklarimin e shtetasit Thoma Kaçi që shpjegon se njëri prej autorëve ishte me dialekt të Shqipërisë së Mesme, nga zonat si Lushnje, Fier, Kavajë apo Berat, ndërsa autori tjetër ishte me dialekt të Shqipërisë së Jugut, duke deklaruar gjithashtu se ishte në gjendje t’i njihte personat që e kishin grabitur nëse do t’i tregoheshin për njohje, më datë 04.11.2021, është kryer veprimi hetimor i paraqitjes për njohje, gjatë të cilit shtetasi Thoma Kaçi shpjegon “njoh personin që është me numrin 3 i cili është personi i cili ka shkuar më datë 20.10.2021 në banesën e tij.
ZHVILLIMET ORË PAS ORE:
Grabitja e noterit/Mesazhi i autorëve:Ti je Tomi? Kam ardh me porosi për të të vrarë
(a.b)/dosja,.al
Cila mendoni se është alternativa më e mirë:
TIRANË– Lideri historik i Partisë Demokratike-së, Sali Berisha, ka rikujtuar mëngjesin e sotëm me një mesazh, se kanë mbetur dhe 6 ditë deri në mbajt...
TIRANË– Ura e shkatërruar në Laknas e cila lidh dhe zonat e njohura si Valias dhe Bërxull është kthyer në një problem për banorët. Një prej tyre ka d...
SARANDË– Të tjera detaje janë zbuluar nga grabitja dhe dhuna që iu ushtrua noterit Thoma Kaçit në Sarandë, më 20 tetor 2021.Mësohet se noteri ...
LIBRAZHD-Mbrëmjen e djeshme ka ndodhur një aksident i rëndë në aksin rrugor Hotolisht-Librazhd, ku një kamion është përplasur kokë më kokë me një automjet tip “...
TIRANË– Dosja.al ju sjell titujt kryesorë të portaleve për ditën e sotme. Dosja.al ka në faqe të parë rregullat e vendosura nga Greqia për të hyrë në...
Dy vite pas tërmetit të 26 nëntorit 2019 është vështirë të thuash se në cilën pikë të procesit të rindërtimit jemi apo sa për qind e tij është realizuar. Buxhet...
Problemi qëndron te njerëzit, jo teknologjia, shkruan The EconomistPara Luftës së Parë Botërore, shumë vende nuk kërkonin pasaporta. Por pasi nisën konfliktet, ...
Bashkia e Durrësit, e prekur më rëndë nga tërmeti i 26 nëntorit 2019, arriti të kalonte me shpejtësi fazën e parë të procesit të rimëkëmbjes, që lidhej me mundë...
TIRANË – Qeveria shqiptare propozon shtyrjen me 30-40 ditë të ligjit “Për regjistrin e pronarëve përfitues”. Afati i ri që mendon të vend...
SPANJË- Mediumi spanjoll El Pais i ka kushtuar një artikull Shqipërisë, Kosovës si dhe Maqedonisë së Veriut, në lidhje me marrëdhëniet që këto tre vende ka...
